• Categories
  • Archives

ނަރުހުންގެ މުސާރަ %15 ބޮޑުކޮށްފި

އަލަށް އަމަލުކުރަންފެށި ނަރުހުންގެ ވަޒީފާގެ އޮނިގަނޑާއެކު ނަރުހުންގެ މުސާރަ %15 ބޮޑުކޮށްފިއެވެ.

ހެލްތް މިނިސްޓްރީން ބުނީ މި މަހުގެ އެއް ވަނަ ދުވަހު ޢަމަލުކުރަން ފެށި ނަރުހުންގެ ވަޒީފާގެ އާ އޮނިގަނޑާއެކު މުސާރަ ބޮޑު ވުމުގެ އިތުރުން މަތީ ތަޢުލީމް ހާސިލްކުރުމަށްވެސް ނަރުހުންނަށް އިތުރު ހިތްވަރެއް ލިބިގެންދާނެކަމަށެވެ.

ސިއްޙީ ދާއިރާގެ ޚިދުމަތް ފުޅާވެގެންދާއިރު ނަރުހުންގެ ޚިދުމަތަކީ ކުރިއަރާ ދިއުމަށް ބޭނުންވެފައިވާ ޚިދުމަތެއްކަމުން އާ އޮނިގަނޑު އެކުލަވާލާފައިވާނީ ނަރުހުންނަށް ބޭނުންވާ ޚާއްސަ ތަމްރީން ޕްރޮގްރާމްތަކަށާއި އިތުރު ފުރުޞަތަކަށް ފަހިވާގޮތަށް ކަމަށް ހެލްތް މިނިސްޓްރީން ބުނެއެވެ.

ކުރިން ޢަމަލު ކުރަމުންދިޔަ ނަރުހުންގެ ވަޒީފާގެ އޮނިގަނޑާ ޚިލާފަށް އަލަށް އަމަލުކުރަންފެށި އޮނިގަނޑުގައި 4 ކަމެއް ވަނީ ފާހަގަކޮށްފައެވެ. އެގޮތުން މުވައްޒަފުގެ ތަޢުލީމާއި މަސައްކަތުގެ ފެންވަރަށް ބަލައިގެން ކޮންމެ ދެ އަހަރަކުން ކުރިއެރުން ލިބޭ ގޮތަށާއި ނަރސިންގ ދާއިރާއިން މަތީ ތަޢުލީމް ހާސިލް ކުރުމުން އެ ދާއިރާއިން އިތުރަށް ކުރިއަށްދިއުމަށް ފުރުޞަތު ފަހިކޮށްދިނުން ހިމެނެއެވެ. މީގެ އިތުރުން ނަރުހުންގެ ޚިދުމަތަށް ސްޕެޝަލައިޒްޑް ނަރުހުން ތައާރަފްވާނެ ގޮތަށާއި އާއްމު އަދި ޚާއްސަ ދާއިރާތަކުން މަޤާމުގެ ކުރިއެރުން ލިބޭނެ ގޮތަށް މި އޮނިގަނޑު ވަނީ ބަދަލުކޮށްފައެވެ.

ނަރުހުންގެ އާ އޮނިގަނޑު އެކުލަވާލުމުގެ މަސައްކަތްކޮށްފައި ވަނީ ސިވިލް ސާރވިސް ކޮމިޝަނާއި އައިޖީއެމްއެޗާއި މޯލްޑިވްސް ނަރސިންގ އެންޑް މިޑްވައިފްރީ ކައުންސިލާއި ކަމާ ގުޅޭ ޓެކްނިކަލް ފަރާތްތަކާއި އަދި ކަމާ ގުޅުންހުރި އެހެނިގެން އިދާރާތަކާއި މަޝްވަރާކުރުމަށްފަހުގައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އޭޓީއެމްތަކުން ކޭޝް ކާޑު ބޭނުން ކުރާ ގޮތަށް ބަދަލުތަކެއް ގެނެސްފި

ބޭންކް އޮފް މޯލްޑިވްސް،ބީއެމްއެލްގެ އޭޓީއެމްތަކުން ކޭޝް ކާޑު ބޭނުން ކުރާ ގޮތަށް ބަދަލުތަކެއް ގެނެސްފިއެވެ. އެގޮތުން މީގެ ކުރިން ...

މަޙްލޫފާއި އަކްރަމް ކަމާލުއްދީން ގޭގައި މަޑުކުރަން އަންގައިފި

އެމްއެމްޕީއާރްސީގެ ބޮޑު ޚިޔާނާތާއި ގުޅިގެން ޔޫތު މިނިސްޓަރ އަޙްމަދު މަޙްލޫފާއި ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން ...

ރޮޒޭ މަޖިހުގައި އިންނަންޖެހޭ – ރައީސް ސޯލިހު

ރޮޒޭއަކީ އަޅުގަޑުމެންގެ ވައުތުތަކަށް ފުރިހަމައަށް ތާއީދުކޮށްގެން ހުންނެވި އެކަން ގަބޫލްކުރާ ބޭފުޅެއްކަމަށާ  އަޅުގަޑުމެންގެ މެނިފެސްޓޯ ތަންފީޒުކުރުމާއި އެޖެންޑާ19 ތަންފީޒުކުރުމަށްޓަކައި ...

ރިޟްވާން ހޯދުމަށް ފުލުހުންނަށް އެންމެ ބޮޑަށް ބާރުއެޅުއްވީ ރައީސް އަބްދުﷲ ޔާމީން – ހުސެއިން ވަހީދު

ގެއްލިފައިވާ މިނިވަން ނޫހުގެ ނޫސްވެރިޔާ އަހުމަދު ރިޟްވާން އަބްދުﷲ ހޯދުމަށް ފުލުހުންނަށް އެންމެ ބޮޑަށް ބާރުއެޅުއްވީ ރައީސް އަބްދުﷲ ...

މީދޫ ގެއަކަށް ވަދެ، ދެ އަންހެނަކަށް އަނިޔާ ކުރިމީހަކު ފުލުހުންގެ ބެލުމުގެ ދަށަށް ގެންގޮސްފި

ސީނު މީދޫ ސަންބީމުއަށް ރޭ ދަންވަރު މީހަކު ވަދެ، އެގޭ ރަމީޒާއާއި ރަމީޒާގެ މަންމަ ފާތުމަތުދީދީ އަނިޔާކޮށްފިއެވެ. މީދޫ ...

ރައީސް ޔާމީން ވައުދެއްވެއްޖެނަމަ އެވަޢުދެއް ފުއްދަވާނެ

ރައީސުލްޖުމްހޫރިއްޔާ ޢަބްދުﷲ ޔާމީންނަށް ރައްޔިތުން ތާޢީދުކުރަނީ ރައްޔިތުންނަށްޓަކާ ކަންތައްތައް ކޮށްދެއްވާތީ ކަމަށް ރައްޔިތުންގެ މަޖިލީހުގެ ނާއިބު ރައީސް އަދި ...