• Categories
  • Archives

ގަމާއި ސައުތު އެފްރިކާ ދަތުރުތައް – އިޤްތިޞާދީ ކުރިއެރުމާއި ވަޒީފާގެ ފުރުޞަތުތައް

އައްޑޫ ސިޓީގެ ގަމާއި ސައުތު އެފްރިކާއާ ދެމެދު ސީދާ ދަތުރުތައް ފެށުމުން އިޤްތިޞާދީ ގޮތުން އައްޑޫ ސިޓީއަށް ބޮޑެތި ކުރިއެރުންތަކެއް ލިބިގެންދާނެކަމަށް އައްޑޫ އިންޓަނޭޝަނަލް އެއަރޕޯޓް ޕްރައިވެޓް ލިމިޓެޑުން ބުނެފިއެވެ.

ނޫސްވެރިންނަށް މަޢުލޫމާތުދެއްވުމަށް ބޭއްވި ޕްރެސް ކޮންފަރެންސެއްގައި ވާހަކަދައްކަވަމުން އައްޑޫ އިންޓަނޭޝަނަލް އެއަރޕޯޓް ޕްރައިވެޓް ލިމިޓެޑުގެ މެނޭޖިންގ ޑިރެކްޓަރ މުޙައްމަދު ލަތީފް ވިދާޅުވީ، ސައުތު އެފްރިކާއިން ދަތުރުތައް ފެށުމުން ގިނަ އަދަދެއްގެ ފަތުރުވެރިން ގަމަށް ޒިޔާރަތްކުރާނެ ކަމަށާއި މީގެ ސަބަބުން އައްޑޫ ސިޓީގެ ގެސްޓް ހައުސް ވިޔަފާރިއާއި ފަތުރުވެރިކަން އިތުރަށް ފުޅާވެގެންދާނެ ކަމަށެވެ. އަދި އައްޑޫ ސިޓީގައި މިހާރު ޤާއިމްކުރާ މަސް ފެކްޓްރީގެ މަސައްކަތް ނިމުމުން، ސައުތު އެފްރިކާއަށް މަސް އެކްސްޕޯޓް ކުރުމުގެ ފުރުޞަތުވެސް ވަރަށް ބޮޑަށް ފަހިވެގެންދާނެ ކަމަށް ލަތީފް ވިދާޅުވިއެވެ.

“އައްޑޫގެ އެންމެންނަށްވެސް ފައިދާ ލިބިގެންދާނެ. މަސް ފެކްޓްރީ ޤާއިމްކޮށް ނިމުމުން މަސް އެކްސްޕޯޓް ކުރުމުގެ ޚިދުމަތް ފެށިގެންދާނެ. ކޮންމެ ފްލައިޓަކުން 15-16 ޓަނުގެ ޕެރިޝަބަލްސް ފުރުޓްސް އާއި ތަރުކާރި އިމްޕޯޓް ކުރެވިގެންދާނެ. 12 ޓަނުގެ މަސް ބޭރު ކުރެވޭނެ ކަމަށް މިބަލަނީ” މުޙައްމަދު ލަތީފް ވިދާޅުވިއެވެ.

ޕްރެސް ކޮންފަރެންސްގައި ވާހަކަދައްކަމުން ލަތީފް ވިދާޅުވީ އައްޑޫ ސިޓީ ގަމާއި ސައުތު އެފްރިކާއާ ދެމެދު ސީދާ ދަތުރުތައް ފެށުމުގެ ކުރިން ހަދަންޖެހޭ ސްޓޭޝަން އޮޑިޓް މިހާރު ނިމިފައިވާކަމަށެވެ. މިގޮތުން ހެދި އޮޑިޓްތަކުން އެއާޕޯޓުގެ ރަންވޭއާއި އޭޕްރަންގެ ޙާލަތު ހުރީ ސައުތު އެފްރިކަން އެއާރލައިންސްގެ ސޭފްޓީ މިންގަނޑުތަކާ އެއްގޮތަށް ކަމަށް ލަތީފް ބުންޏެވެ.

”އޮޑިޓްކޮށް ނިމުނުއިރު، ރަންވޭގެ ޙާލަތާއި، އޭޕްރަންގެ ޙާލަތާއި ހުރިހާ ކަމެއް ހުރީ ސައުފް އެފްރިކަން އެއާރލައިންސްގެ ސޭފްޓީ ސްޓޭންޑާރޑާ އެއްގޮތަށް. ދެން ހޯދަންޖެހެނީ ބައެއް އިކުއިޕްމަންޓާއި އެއާޕޯޓް ތަރައްޤީކުރުމުގެ ކަންތައްތައް. އޮޕަރޭޝަން 24 ނޮވެމްބަރުގެ ކުރިން ނިންމާލެވޭނެ ކަމަށް ބަލަނީ ހުރިހާ މަސައްކަތެއް” މުޙައްމަދު ލަތީފް ވިދާޅުވިއެވެ.

އައްޑޫ ސިޓީ ގަމާއި ސައުތު އެފްރިކާއާ ދެމެދު ސިދާ ދަތުރުތައް ފެށުމުގެ އަމަލީ މަސައްކަތް ފަށާފައިވާއިރު، ސައުތު އެފްރިކާއިން އަންނަ ފުރަތަމަ ފްލައިޓު ޖެއްސުމަށް ހަމަޖެހިފައިވަނީ އަންނަ ނޮވެމްބަރުމަހުގެ 24 ވަނަ ދުވަހު ހެނދުނެވެ. އަދި އައްޑޫ ސިޓީ ގަމާއި ސައުތު އެފްރިކާއާ ގަމާ ދެމެދު ހަފްތާއަކު 4 ފްލައިޓް އޮޕަރޭޓް ކުރުމަށް ހަމަޖެހިފައިވާކަމަށްވެސް އައްޑޫ އިންޓަނޭޝަނަލް އެއަރޕޯޓް ޕްރައިވެޓް ލިމިޓެޑުން ބުނެއެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ސްޕެއިންގެ އެންމެ ބޮޑު އެއް ޓޫރިޒަމް ފެއާގައި ރާއްޖެ ޕްރޮމޯޓު ކުރަން ފަށައިފި

ސްޕެއިންގެ މެޑްރިޑްގައި ފިޓޫރުގެ ނަމުގައި ކުރިއަށް ގެންދިޔަ ބައިނަލްއަގްވާމީ ޓޫރިޒަމް ޓްރޭޑް ފެއާގައި ރާއްޖެއިން ބައިވެރިވެއްޖެއެވެ. މި ފެއާގައި ...

މިސަރުކާރުން ތަރައްޤީކުރި 50 ފުޓްސަލް ދަނޑު ރަސްމީކޮށް ހުޅުއްވައިދެއްވައިފި

ރާއްޖޭގެ އެކި ރަށްރަށުގައި ސަރުކާރުން ތަރައްގީކޮށްފައިވާ 50 ފުޓްސަލް ދަނޑު ރައީސް އަބްދުﷲ ޔާމީން މިރޭ ހުޅުއްވާ ދެއްވައިފިއެވެ. ...

އަބްދުﷲ ސައީދު ފޯނު ނުދިނުމުން އިއްވި ޖަލު ހުކުމް ބާތިލްކޮށްފި

ކުރީގެ އުއްތަމަ ފަނޑިޔާރު އަބްދުﷲ ސައީދު، ތަހުގީގަށް ފޯނު ނުދިން ކަމަށް ބުނާ މައްސަލައާއި ގުޅިގެން އުފުލި އިންސާފު ...

މީދޫ ގެއަކުން ވަގަށް ނަގާފައިވާ ކަމަށް ބެލެވޭ ތަކެތި ހޯދައި މީހަކު ހައްޔަރުކޮށްފި

މީދޫ ސައިގޭ ގޯތި ތެރޭގައި އަލަށް އިމާރާތްކުރަމުންދާ ބައިން ވަގަށް ނަގާފައިވާކަމަށް ބެލެވޭ ތަކެތި ހޯދައި 32 އަހަރުގެ ...

ކޯވިޑް-19 : އިތުރު 8 މީހަކު ޕޮޒިޓިވް ވެއްޖެ

އިތުރު 8 މީހަކު ކޯވިޑް-19 އަށް ޕޮޒިޓިވްވެ ރާއްޖެއިން ކޯވިޑް ޖެހުނު މީހުންގެ އަދަދު 137 އަށް އަރައިފިއެވެ. ...

މީދޫގެ ސްވިމިންގ ޓްރެކާ އެކު ފެތުންތެރިންނަށް ބޮޑު ފަސޭހައެއް

ރަށްޔިތުންގެ މަޖިލިހުގެ މީދޫ ދާއިރާގެ މެމްބަރު ރޮޒެއިނާ އާދަމްގެ ވަރަށްބޮޑު އެއްބާރުލުމާއެކު ކުޅިވަރާ ބެހޭ މިނިސްޓްރީން ސ. މީދޫގައި ...