• Categories
  • Archives

ރާއްޖޭގެ ރައްޔިތުންނަކީ ނާތަހުޒީބު ބައެއްގެ ގޮތުގައި ދުނިޔެއަށް ވިއްކީ ކުރީގެ ރައީސް ނަޝީދު – ސައީދު

ރާއްޖޭގެ ރައްޔިތުންނަކީ ނާތަހުޒީބު ބައެއްގެ ގޮތުގައި ދުނިޔެއަށް ވިއްކީ ކުރީގެ ރައީސް މުހައްމަދު ނަޝީދު ކަމަށް އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.

ހުޅުމާލޭގައި ޕީޕީއެމުން ރޭ ބޭއްވި ޖަލްސާގައި ވާހަކަ ދައްކަވަމުން މިނިސްޓަރ ސައީދު ވިދާޅުވީ، ފަތުރުވެރިކަމުގެ ދާއިރާއިން ދުނިޔޭގެ މަޝްހޫރުކަން ހޯދާފައިވާ މިރާއްޖޭގެ ރައްޔިތުންނަކީ ނާތަހުޒީބު ބައެއްގެ ގޮތުގައި ދުނިޔެއަށް ވިއްކީ ކުރީގެ ރައީސް ނަޝީދުކަމަށެވެ.

އަދި އެމަނިކުފާނު މިގައުމު އެފަދަ ގޮތަކަށް ދުނިޔޭގެ މައިދާނުގައި ވިއްކާލެއްވީ މިގައުމަކީ މުސްލިމް ގައުމެއްކަމަށްވާތީ ކަމަށާއި އަދި މިގައުމު މުސްލިމް ގައުމުގެއްގެ ގޮތުގައި އޮތްހާ ހިނދަކު ރައީސް ނަޝީދުފަދަ ބޭފުޅުންގެ މެދުގައި މިގައުމުގެ ރައްޔިތުންނަކީ މަގުބޫލު ބަޔަކަށް ނުވާނެކަމަށް މިނިސްޓަރ ވިދާޅުވިއެވެ.

ޖަލްސާގައި އިތުރަށް ވާހަކަދައްކަވަމުން މިނިސްޓަރ ވިދާޅުވީ، މިއަދު މިގައުމު މިދެކޭ ތަރައްގީގެ ހަޟާރަތުގައި މިގައުމުގައި ވެރިއަކަށް ހުންނެވި ރައީސް ޔާމީންއަކީ މިގައުމު އިންޑިއާ ކަނޑުގެ އެންމެ މުއްސަދި ގައުމަށް ހައްދަވައިދެއްވާނެ ބޭފުޅާކަމަށެވެ. އަދި ކޮންމެ ދިވެހި ރައްޔިތަކުވެސް ރައީސް ޔާމީނަށް ދެވަނަ ދައުރަކަށް ހޮވުމަށް ވޯޓްދޭންޖެހޭނީ މިސަބަބާއި ހުރެކަމަށް މިނިސްޓަރ ވިދާޅުވިއެވެ.

މިގައުމުގައި އެއްޖިންސުން ގުޅުން ހިންގުމަށް ފުރުސަތު ދިނުމަށާއި އަދި މަރުގެ އަދަބު ތަންފީޒު ނުކުރުމުގެ އިތުރުން ދީނީ މިނިވަންކަން ދިނުމަށް ބޭއްވުމަށް ބަޔަކު މީހުން ކުރި މަސައްކަތައް އެމަނިފާނު ނޫނެކޭ ބުނެފައިވާކަމަށާއި، އެމަނިކުފާނަކީ ނޫނެކޭ ބުނަންޖެހިއްޖެ ނަމަ، ނޫނެކޭ ބުނަންކެރޭ ބޭފުޅެއް ކަމަށް މިނިސްޓަރ ވިދާޅުވިއެވެ.

މީގެ އިތުރުން ރައީސް ނަޝީދު ވެރިކަމަށް ވަޑައިގަތުމަށްވެސް ގައުމުގައި ހަމަނުޖެހުން ހިންގާފައިވާކަމަށާއި، އަދި ވެރިކަމުން ފައިބައިވަޑައިގެންވެސް މިގައުމުގެ އެކިތަންތާނގައި ހުޅުޖަހާ އަންދާލާފައިވާކަން ފާހަގަ ކުރައްވާ، މިނިސްޓަރ ވިދާޅުވީ އެދުވަހު 11 އަހަރު އުމުރުން ނުވާކުދިން މިއަދު ވޯޓްލާން ނުކުންނަ އިރު އެހަގީގަތް އެކުދިންނަށް ރައްޔިތުން ކިޔާދޭން ޖެހޭނެކަމަށެވެ.

އަދި އެކަންތައްތައް ރަނގަޅަށް ވިސްނާ ފިކުރުކޮށް ރައްޔިތުން ރައީސްޔާމީނަށް ވޯޓްދެއްވާ ދެވަނަ ދައުރަކަށް ހޮވައިދެއްވުމަށް މިނިސްޓަރވަނީ އެދިވަޑައިގަންނަވާފައެވެ.

މަސްދަރު: ޚަބަރު

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ތިމާވެށީގެ ދުވަސް ފާހަގަކުރުމުގެ ގޮތުން މީދޫގައި ރުއްއިންދުމުގެ ޕްރޮގްރާމެއް ބާއްވައިފި

މިއަހަރުގެ ތިމާވެށީގެ ދުވަސް ފާހަގަކުރުމުގެ ގޮތުން ” އައްޑޫނަލަފެހި ” ޕްރޮގްރާމްގެ ދަށުން މީދޫގެ ކައުންސިލް އިދާރާއިން އިސްނަގައިގެން ...

މި މަހުގެ ކަރަންޓު ބިލުން ތަފާތު ފެންނާނެ – ފެނަކަ

ކަރަންޓްގެ އަގަށް ގެނައި ބަދަލު މި މަހުގެ ކަރަންޓު ބިލުން ފެންނާނެކަމަށް ފެނަކަ ކޯޕަރޭޝަނުން ބުނެފިއެވެ. މާލެއާއި އަތޮޅުތަކުގެ ...

ވެރިކަމަށް އަންނަން އައްޑޫ، ވެރިކަން ވެއްޓުމުން އައްޑޫގައި ޖެހީ ހުޅު!

އިދިކޮޅު އެމްޑީޕީން 2018 ވަނަ އަހަރުގެ ރިޔާސީ އިންތިހާބަށް ތައްޔާރުވުމަށް މެނިފެސްޓޯ އެކުލަވާލާއިރު އެކަމަށް ޚާއްސަ އޮފީސް ހުންނާނީ ...

އެކަނިވެރި މަންމައިންނާއި ބައްޕައިންނަށް 10،000 ރުފިޔާ ދޭން ރައީސް މިއަދު ނިންމަވައިފި

އެކަނިވެރި މަންމައިންނާއި ބައްފައިންނަށް 10،000 ރުފިޔާ ދޭން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް މިއަދު ނިންމަވައިފި އެވެ، އެކަނި ...

“އޭޝިއަން ރޯވިންގް ފޯ އޯލް” ކޮމިޓީގެ ގޮނޑިއެއް ރާއްޖެއަށް ލިބިއްޖެ

“އޭޝިއަން ޜޯވިންގް ފޯ އޯލް” ކޮމިޓީގެ ގޮނޑިއެއް ދިވެހިރާއްޖެއަށް ލިބިއްޖެއެވެ. މި މަހުގެ ކުރީކޮޅުގައި ޗައިނާގެ ބެއިޖިންގް ގައި ...

ޝަރީއަތް ނިމެންދެން މައުމޫން ބަންދުގައި ބެހެއްޓުމަށް އަމުރުކޮށްފި

ކުރީގެ ރައީސް މައުމޫން އަބްދުލްގައްޔޫމް ޝަރީއަތް ނިމެންދެން ޖަލު ބަންދުގައި ބަހައްޓަން ކްރިމިނަލް ކޯޓުން އަމުރުކޮށްފިއެވެ. ސަރުކާރު ވައްޓާލަން ...