• Categories
  • Archives

ގައުމީ ފުޓްބޯޅަ ޓީމުގެ ކުރީގެ ކޯޗު ޑަރެން ސްޓެވާޓް މަރުވެއްޖެ

ގައުމީ ފުޓްބޯޅަ ޓީމުގެ ކުރީގެ ކޯޗު، އަދި އޮސްޓްރޭލިއާގެ ކުރީގެ ކުޅުންތެރިޔާ ޑަރެން ސްޓެވާޓް މަރުވެއްޖެއެވެ.

އޮސްޓްރޭލިއާ އަށް ނިސްބަތްވާ ސްޓެވާޓް މަރުވެފައިވަނީ މިމަހުގެ 18 ވަނަ ދުވަހުގެރޭގެ ވަގުތެއްގައެވެ. މަރުވިއިރު އޭނާގެ އުމުރަކީ ފަންސާސް ދެއަހަރެވެ. ސްޓެވާރޓް މަރުވެފައިވާއިރު އޭނާ އެންމެ ފަހުން ކޯޗްކަން ކޮށްދިނީ ދިވެހި ގައުމީ ޓީމަށެވެ. އޭގެ ފަހުން އޭނާ އެއްވެސް ޓީމަކާއި ހަވާލުވެފައި ނުވާކަމަށް ބައިނަލްއަގްވާމީ ނޫސްތަކުގައިވެއެވެ.

ޑަރެން ސްޓިވާޓް މަރުވުމާއި ގުޅިގެން ދުނިޔޭގައި ފާހަގަކޮށްލެވޭ ޓީިމުތަކުންނާއި، ކުޅުންތެރިން ހިތާމަ ފާޅުކުރަމުންދާއިރު، އޭނާ މަރުވި ސަބަބެއް އަދި އާއިލާއިން ހާމަކޮށްފައި ނުވެއެވެ. ގައުމީ ޓީމުގެ ކޯޗުކަމާ ސްޓެވާޓް ހަވާލުވެފައިވަނީ 2016 ވަނަ އަހަރުގެ އޯގަސްޓް މަހުގައެވެ.

އޭނާގެ އިރުޝާދުގެ ދަށުން ރާއްޖެ އޭޝިއަން ކަޕް ކޮލިފައިންގެ ގްރޫޕް ސްޓޭޖުން ޖާގަ ހޯދާފައިވުމާއެކު މިދިޔަ އަހަރުގެ މާޗު މަހު އެފްއޭއެމުން ވަނީ ސްޓެވާޓްގެ އެއްބަސްވުން އާކޮށްފައެވެ. އެެއެއްބަސްވުން އާކުރީ އޭޝިއަން ކަޕަށް ކޮލިފައިވުމާއި، ސާފް ސުޒުކީ ކަޕް ކާމިޔާބުކުރުމަށް ޓާގެޓް ކުރުމަށް ފަހުގައެވެ.

ނަމަވެސް އޭޝިއަން ކަޕް ކޮލިފައިންގައި ރާއްޖެއިން ނެރުނު ދަށް ނަތީޖާތަކުގެ ސަބަބުން ދެފަރާތުގެ މަޝްވަރާގެ މަތިން މިދިޔަ އަހަރުގެ ނޮވެމްބަރު މަހު އެފްއޭއެމުން ވަނީ ސްޓެވާރޓްގެ އެއްބަސްވުން އުވާލާފައެވެ. މީގެ އިތުރުންވެސް އޭނާވަނީ ދުނިޔޭގެ މަޝްހޫރު ފުޓްބޯޅަ ކުލަބުތަކަށް ކޯޗްކޮށްދިނުމުގެ އިތުރުން އޭނާގެ ފުޓްބޯޅައިގެ ރަންދުވަސްތަކުގައި މަޝްހޫރު ކުލަބް ތަކަށްވެސް ކުޅެދީފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ހިތަދޫޓީމް ފައިނަލް ބުރުގެ މެޗްތައް ކުޅެންޖެހެނީ ފ. ނިލަންދޫގައި

މިނިވަން ޗެމްޕިއަންޝިޕުގެ އައްޑޫ ޗެމްޕިއަން އަދި   ޒޯން 8 ގެ ޗެމްޕިއަން އައްޑޫސިޓީ ހިތަދޫ ޓީމް ޒޯން ޗެމްޕިއަނުންގެ ...

ޒޯން 8 ގެ ޗެމްޕިއަންކަން ހިތަދޫޓީމް ހޯދައިފި

މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ޒޯން 8 ގެ ޗެމްޕިއަންކަން ހިތަދޫ ފުޓްބޯޅަ ކުލަބުން ހޯދައިފިއެވެ. ޒޯން 8 ...

ލިވަޕޫލްގެ ހަގީގީ ފެންވަރު ބަޔާނާ ދެކޮޅަށް ދައްކައިފި – ކޯޗް ކްލޮޕް

ލިވަޕޫލްގެ ހަގީގީ ފެންވަރު ބަޔާނާ ދެކޮޅަށް ދައްކައިފިކަމަށް ކްލޮޕް ބުނެފިއެވެ. ޗެމްޕިއަންސް ލީގުގެ ގަދަ 16 ގެ ދެވަނަބުރުގައި ...

އެއިލެންޑް އެފްސީއަތުން ބޮޑުތަފާތަކުން ގައުމު އެފްސީ މޮޅުވެއްޖެ

އިއްޔެ ހަވީރު ހުޅުދޫ ފުޓްސަލް ދަނޑުގައި ކުޅެވުނު މިނިވަންކަޕް ފުޓްސަލް މުބާރާތުގެ މެޗު ބޮޑުތަފާތަކުން ގައުމު އެފްސި ކާމިޔާބު ...

ކޮޕާޑެލްރޭ ފުޓްބޯޅަ މުބާރަތުގެ ފައިނަލަށް ބާސެލޯނާ ދަތުރުކޮށްފި

ކޮޕާޑެލްރޭ ފުޓްބޯޅަ މުބާރަތުގެ ފައިނަލަށް ބާސެލޯނާ ދަތުރުކޮށްފިއެވެ. ބާސެލޯނާ މިމުބާރާތުގެ ފައިނަލަށް ދަތުރުކޮށްފައިވަނީ ސެމީފައިނަލުގެ ފުރަތަމަ ލެގްގެ މެޗް ...

ސިޓީ 2 ލަނޑުގެ ލީޑެއް ހޯދާފައިވަނިކޮށް ފަހަތުން އަރާ 3 ލަނޑު ޖަހައިގެން ސިޓީގެ މައްޗަށް މެންޗެސްޓަރ ޔުނައިޓެޑް ކުރިހޯދައިފި

މެންޗެސްޓަރ ސިޓީ 2 ލަނޑު 0 ލަނޑުގެ ލީޑެއް ހޯދާފައިވަނިކޮށް ފަހަތުންއަރާ 3 ލަނޑު ޖަހައިގެން މެންޗެސްޓަރ ސިޓީގެ ...