• Categories
  • Archives

އިންތިޚާބު ބާތިލް ނުކުރާ ގޮތަށް ސުޕްރީމް ކޯޓުން ހުކުމްކޮށްފި

ނިމިދިޔަ ރިޔާސީ އިންތިޚާބުގެ ނަތީޖާއަށް ބަދަލު އަންނަ ވަރުގެ އެއްވެސް ކަމެއް ހިނގާފައިނުވާ ކަމަށް ކަނޑައަޅައި އިންތިޚާބު ބާތިލް ނުކުރާ ގޮތަށް ސުޕްރީމް ކޯޓުން ހުކުމްކޮށްފިއެވެ.

ނިމިދިޔަ ރިޔާސީ އިންތިޚާބުގައި އޮޅުވާލުންތަކެއް ހުރި ކަމަށްބުނެ ޕީޕީއެމްގެ ރިޔާސީ ކެނޑިޑޭޓް ރައީސް ޢަބްދުﷲ ޔާމީން ޢަބްދުލްޤައްޔޫމްގެ ފަރާތްޕުޅުން ހުށަހެޅުއްވި ދުސްތޫރީ މައްސަލަ ބެއްލެވުމަށްފަހު، އިންތިޚާބު ބާތިލު ނުކުރުމަށް ސުޕްރީމް ކޯޓުން ނިންމާފައި ވަނީ މައްސަލަ ބެއްލެވި ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުންނެވެ.

ޙުކުމްގައި ބުނެފައިވަނީ އެމްސެވަންއަށް ވޯޓު ކަރުދާސް ޕްރިންޓު ކުރުމަށް ދިނުމަކީ ރިޔާސީ އިންތިޚާބުގެ ވޯޓު އޮޅުވާލުމަށް ފުރުޞަތު ދިން ކަމުގެ ދަލީލެއް ނޫން ކަމަށެވެ. އަދި އެކުންފުނިން ވޯޓު ކަރުދާހުގައި މަކަރު ހެދިކަމާއި ނާޖާއިޒު ފައިދާ ނެގިކަން ސާބިތު ކޮށްދޭން މައްސަލަ ހުށަހެޅުއްވި ފަރާތުން އެއްވެސް ހެއްކެއް ނުވަތަ ޤަރީނާއެއް ހުށަހަޅާފައި ނުވާ ކަމަށް ޙުކުމްގައި ބުނެފައިވެއެވެ.

ވޯޓު ކަރުދާސް ޕްރިންޓު ކުރުމަށްފަހު ބަހައްޓާފައިވާ ތަނަކީ ސެކިއުރިޓީ ދަށް ތަނެއް ކަމަށް އިލެކްޝަނުން މި މައްސަލާއިގެ އަޑުއެހުންތަކުގައި ބަޔާންކޮށްފައިވީ ނަމަވެސް ޙުކުމްގައި ބުނެފައިވަނީ ވޯޓު ކަރުދާސް ބަހައްޓާފައި ހުރި ތަނުގެ ސެކިއުރިޓީ ދަށް ކަމާއި ވޯޓު ކަރުދާހަށް ބަދަލުތަކެއް ގެނެސްފައިވާ ކަމުގެ އެއްވެސް ހެއްކެއް މައްސަލަ ހުށަހެޅުއްވި ފަރާތަށް ޝަރީޢަތަށް ހުށަހެޅިފައި ނުވާ ކަމަށް ޙުކުމްގައި ބުނެފައިވެއެވެ.

އަދި ބުނެފައިވަނީ އެތަނަށް އިލެކްޝަންސް ކޮމިޝަންގެ މުވައްޒަފުން ނޫން އެހެން ބަޔަކު އެތަނަށް ވަން ކަމަށް މައްސަލަ ހުށަހެޅުއްވި ފަރާތުން ބުނެފައިވީ ނަމަވެސް ވޯޓު ކަރުދާސް ބަހައްޓާފައިވާ ތަނުގެ ސަލާމަތީ ކަންކަން ދަށްވެގެން އެކަމުގެ އެއްވެސް ރިޕޯޓެއް ފުލުހުން ހުށަހަޅާފައި ނުވާ ކަމަށް ޙުކުމްގައި ބުނެފައިވެއެވެ.

މައްސަލަ ހުށަހެޅުއްވި ފަރާތުން އިންތިޚާބުގައި ފާހަގަ ޖެހުމަށް ބޭނުން ކޮށްފައިވާ ގަލަމަކީ ދެލި ފުހެވޭ ގަލަމެއް ކަމަށް ބުނެފައިވާއިރު ވޯޓުލާއިރު އަމިއްލަ ގަލަމެއް ގެންދަން އިލްތިމާސްކޮށްފައިވާ ކަމަށްވެސް ޙުކުމްގައި ބުނެފައިވެއެވެ. އަދި މަރުކަޒުގައި ހުރި ގަލަމަކީ ދެލި ފުހެވޭ ގަލަމެއް ކަމަށް ތުހުމަތުކުރާއިރު އަމިއްލަ ގަލަމުން ވޯޓުލީ މީހުންގެ ޢަދަދާއި މަރުކަޒުގައި ހުރި ގަލަމުން ވޯޓުލީ މީހުންގެ ޢަދަދެއް މައްސަލަ ހުށަހެޅުއްވި ފަރާތުން ހުށަހަޅާފައިނުވާކަން ޙުކުމްގައި ބަޔާންކޮށްފައިވެއެވެ.

އިންތިޚާބު ބާތިލް ކުރުމަށްވެސް ހުށަހަޅާފައިވާ މައްސަލާއިގެ ޙުކުމް އިއްވަމުން އުއްތަމަ ފަނޑިޔާރު ވިދާޅުވީ އިންތިޚާބުގައި ވާދަކުރެއްވި ދެ ކެންޑިޑޭޓުންގެ ދެމެދުގައި އޮތް ވޯޓުގެ ފަރަޤު ބަދަލުވެ ނަތީޖާއަށް އަސަރު ކުރާވަރުގެ ކަންކަން ހިނގި ކަމުގެ އެއްވެސް ހެއްކެއް ނެތް ކަމަށެވެ. އުއްތަމަ ފަނޑިޔާރު ވިދާޅުވީ ދުނިޔޭގެ އެހެން ޤައުމުތަކުގައިވެސް އިންތިޚާބު ބާތިލް ކުރަނީ ތީޖާއަށް އަސަރު ކުރާ ވަރުގެ ކަންކަން ހިނގާފައި އޮތުމުން ކަމަށެވެ.

ފުލުހުންނާއި ސިފައިން މެދުވެރިކޮށް އިންތިޚާބުގައި ހިނގާފައިވާ ކަންކަން ތަޙްޤީގު ކޮށްދިނުމަށް މައްސަލަ ހުށަހެޅުއްވި ފަރާތުން އެދިފައިވީ ނަމަވެސް އެކަން އެގޮތަށް ތަޙްޤީގް ކޮށްދޭން ޖެހޭ އެއްވެސް ސަބަބެއް ނެތް ކަމަށް ޙުކުމް އިއްވަމުން އުއްތަމަ ފަނޑިޔާރު ވިދާޅުވިއެވެ. އެމަނިކުފާނު ވިދާޅުވީ އިންތިޚާބުގައި އެކަށީގެން ނުވާ ނުފޫޒެއް ފޯރާފައިވާ ކަމުގެ އެއްވެސް ދަލީލެއް އެ މައްސަލާގައި ހުށަހެޅިފައި ނެތް ކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އެއްބައިވަންތަކަމަށް ބާރުއަޅުއްވަމުން ރައީސް ޢީދު ތަހުނިޔާ ފޮނުއްވައިފި

ދިވެހިންގެ މެދުގައި އޮތް އެއްބައިވަންތަކަން އިތުރަށް ވަރުގަދަ ކުރުމަށް ބާރުއަޅުއްވަމުން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަހަރުގެ އަޟްހާ ...

ސަރުކާރުން ނަގާ ބޮޑެތި ލޯނު އަދި ދަރަނި ދެއްކުމުގެ ހަކަތަ މި ސަރުކާރުގައި އެބަހުރި : މުނައްވަރު

ރައީސުލްޖުމުހޫރިއްޔާ އަބްދުﷲ ޔާމީން އަބްދުލްގައްޔޫމް ބޭރުގެ އެހީއާއެކު ލޯނުތައް ނަގަމުންދަނީ އެލޯނުތައް ދެއްކޭނެ ގޮތް ދިރާސާކުރައްވާ އެހިސާބުތައް ޖެއްސެވުމަށްފަހުގައި ...

އަބްދުﷲ ސައީދުއާއި އަލީހަމީދު އަދި ނިހާން އާއި މުހުތާޒު ގޭބަންދަށް ބަދަލުކޮށްފި

ކުރީގެ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ކުރީގެ ފަނޑިޔާރު އަލީ ހަމީދުގެ އިތުރުން ކުރީގެ ޕީޖީ ...

އޯޓިޒަމަށް ހޭލުންތެރިކުރުމުގެ ދުވަސް ފާހަގަކޮށްފި

ބައިނަލްއަގުވާމީ ގޮތުން ފާހަގަކުރާ އޯޓިޒަމަށް ހޭލުންތެރިކުރުމުގެ ދުވަސް ރާއްޖޭގެ އެކި ހިސާބުތަކުގައި ފާހަގަކޮށްފިއެވެ. ކޮންމެ އަހަރަކުވެސް އޭޕްރިލް މަހުގެ ...

މިހާރު ހުށަހެޅިފައިމިވާ އިސްލާހުން ކޮރަޕްޝަން ހުއްޓުވުމާއި މަނާކުރުމުގެ ޤާނޫނަށް ވުރެ މާތަފްސީލީ ގޮތަކަށް އެކުށް ބަޔާންކޮށްފައިވާނެ- ނިހާނ

ރިޝްވަތުގެ ކުށް ޤާނޫނުލް އުޤޫބާތުން އުންޏެއް ނުކުރާނެކަމަށާއި، ނަމަވެސް ރިޝްވަތު ހުއްޓުމަށް މުޅިން އާ ބާބެއް ޤާނޫނުލް އުޤޫބާތަށް ...

ފޭދޫގައި ނުރައްކާތެރި އެކްސިޑެންޓެއް ހިނގައި ޒުވާނަކު ސީރިއަސް ހާލަތުގައި

އައްޑޫ ސިޓީ ފޭދޫގައި ރޭ ދަންވަރު ހިނގި ނުރައްކާތެރި އެކްސިޑެންޓެއްގައި ޒުވާނަކަށް ސީރިއަސް އަނިޔާތަކެއް ލިބިއްޖެ އެވެ. މިއެކްސިޑެންޓާބެހޭގޮތުން ...