• Categories
  • Archives

“ތަޢުލީމީ ދާއިރާ އެހެން ހަރުފަތަކަށް ގެންނަންޖެހޭ”

އައްޑޫސިޓީގެ ތަޢުލީމީ ދާއިރާ އެހެން ހަރުފަތަކަށް ގެންނަންޖެހޭ ކަމަށް މޭޔަރ އަބްދުﷲ ޞާދިޤް ވިދާޅުވެއްޖެއެވެ. މޭޔަރ މިހެން ވިދާޅުވީ މިނިސްޓަރ އޮފް އެޑިއުކޭޝަން، ޑރ. ޢައިޝަތު ޢަލީ އައްޑޫސިޓީއަށް ކުރައްވަމުން ގެންދަވާ ޒިޔާރަތުގެ ތެރެއިން އައްޑޫސިޓީ ކައުންސިލާއެކު ބޭއްވެވި ބައްދަލުވުމެއްގައެވެ.

މޭޔަރ ވިދާޅުވިގޮތުގައި އައްޑޫގެ ސްކޫލުތަކުގައި ތަޢުލީމު ހާސިލްކުރަމުންދާ ކުދިންގެ ތެރެއިން ‘އޭ ސްޓާރ’ ހާސިލްކުރާ ދަރިވަރުންގެ ނިސްބަތް މިހާރަށްވުރެ އިތުރު ކުރަންޖެހޭ ކަމަށެވެ. އަދި އެކަން ހާސިލް ކުރުމަށްޓަކައި ސްކޫލްތަކަށް ދިމާވެފައިވާ ދަތިތައް ހައްލުކޮށް، ލާމަރުކަޒީ އުސޫލުން ކަންކަން ހިންގުން މުހިއްމު ކަމުގައި ދެކޭ ކަމުގައެވެ.

“2009 ވަނަ އަހަރު މިނިސްޓްރީގެ އޮފީހެއް އައްޑޫގައި، ކައުންސިލްގެ އިދާރާގައި ޤާއިމް ކުރެވުނު. އެއޮފީހުގެ މަސައްކަތްތައް ހިންގީ މިނިސްޓްރީ ގެ ޕޮލިސީތަކާ މިނިސްޓަރުގެ ވިސްނުންފުޅާ އެއްގޮތަށް. އޭގެ ސަބަބުން ސްކޫލްތަކާގުޅުންހުރި ކަންކަން ކުރުމުގައި ވަރަށް ލުއި ފަސޭހަވި” މޭޔަރ ވިދާޅުވިއެވެ. “ނަމަވެސް ނިމިގެންދިޔަ ސަރުކާރުގައި އެޑިއުކޭޝަންގެ ކަންކަން ވަރަށް ބޮޑަށް މަރުކަޒީ ކުރެވުނު. ހަފްލާއަކަށް ސްކޫލް ހޯލް ހޯދަން، ނުވަތަ ގޮނޑި ހޯދަން ވިޔަސް މާލެއިން މިނިސްޓަރުގެ ހުއްދަ ހޯދަންޖެހޭ. ކިތަންމެ ކުޑަ ކަމެއްގައިވެސް މާލޭއިން މިނިސްޓަރު ވަކި ގޮތެއް އަންގަންދެން މަޑު ކުރަންޖެހޭ”

މޭޔަރ ވިދާޅުވި ގޮތުގައި ސްކޫލްތަކުގެ ހިންގުން މަރުކަޒީ ކުރެވުމާއި، ސިޔާސީވުމުގެ ސަބަބުން ތަޢުލީމީ ދާއިރާއަށް ވަރަށް ބޮޑަށް އަސަރުކޮށްފައިވާ ކަމަށެވެ. އަދި އެކަންކަން ހައްލުކޮށް ތަޢުލީމީ ދާއިރާ ކުރިއެރުވުމަށް މަސައްކަތްކުރަންޖެހޭ ކަމަށެވެ.

އެޑިއުކޭޝަން މިނިސްޓަރ ކައުންސިލާއެކު ބޭއްވި ބައްދަލުވުމުގައި ސްކޫލްތަކުގެ ބައެއް ވެރިންނާއި އައްޑޫއަށް ނިސްބަތްވާ ބައެއް މަޖިލިސް މެމްބަރުންވެސް ބައިވެރިވެވަޑައިގެންނެވިއެވެ. މިބައްދަލުވުމުގައި މިނިސްޓަރ ވިދާޅުވީ އެކަމަނާ މަސައްކަތް ކުރައްވަން ބޭނުންފުޅު ވަނީ ވީހާވެސް ގުޅިގެންކަމަށާއި، ކަންކަމުގައި ގޮތް ނިންމުމުގެ ކުރިން ކަމާ ގުޅުންހުރި ފަރާތްތަކާ މަޝްވަރާ ކުރުން މުހިންމު ކަމުގައި ދެކޭ ކަމެށެވެ.

މިނިސްޓަރ ވިދާޅުވި ގޮތުގައި ޓްރާންސިޝަން ކޮމިޓީން ހުށަހެޅި ރިޕޯޓުން ރަނގަޅުކުރަންޖެހޭ ބައިވަރު ކަންކަން ފާހަގަކުރެވިފައިވާ ކަމަށެވެ. އަދި އެކަންކަން ރަނގަޅުކުރުމުގެ މަސައްކަތް ފަށާފައިވާ ކަމަށާއި، ޒިންމާ އެންމެ ފުރިހަމަ ގޮތުގައި އަދާކުރެއްވުމަށް މަސައްކަތް ކުރައްވާނެ ކަމެށެވެ.

“މަޤާމް ހަވާލުކުރެވުނުއިރު ރައީސުލްޖުމްހޫރިއްޔާ ދެކެމަކަށް އިރުޝާދު ދެއްވެވި. އެއީ އެންމެންނަށް ހަމަހަމަކަމާއެކު އިންސާފުން ކަންކުރެއްވުމަށާއި ކޮރަޕްޝަނާއި ދުރުވެ ހުރުމަށް” އެކަމަނާ ވިދާޅުވިއެވެ.

އެޑިއުކޭޝަން މިނިސްޓަރުގެ މިދަތުރުފުޅަކީ މަޤާމާ ހަވާލުވުމަށްފަހު އަތޮޅުތަކަށް ކުރައްވާ ފުރަތަމަ ދަތުރުފުޅެވެ. އެކަމަނާ ވަނީ އައްޑޫގެ ސްކޫލްތަކުގެ ވެރިންނާ ބައްދަލުކުރައްވައި ދަތިތައް އޮޅުންފިލުއްވާފައެވެ.

މަސްދަރު: އައްޑޫސިޓީ ކައުންސިލް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޝަރީއަތް ނިމެންދެން ރައީސް ޔާމީން ބަންދުގައި ބަހައްޓަން އަމުރުކޮށްފި

ކުރީގެ ރައީސް އަބުދުﷲ ޔާމީން އަބުދުލް ގައްޔޫމު ހައްޔަރު ކުރުމުގެ އަމުރަކަށް ޕްރޮސެކިއުޓާ ޖެނެރަލް އެދިފައިވާތީ، ޝަރީއަތް ނިމެންދެން ...

ގާ އަޅާ މެޝިނެއްގެ ތެރެއަށް ވެއްޓި ބިދޭސީއަކު މަރުވެއްޖެ

ލ.އަތޮޅުގައި ހަދަމުންދާ ރިސޯޓެއްގައި މަސައްކަތް ކުރަމުންދިޔަ މީހަކު  ގާއަޅާ މެޝިނެއްގެ ތެރެއަށް ވެއްޓި ނިޔާވެއްޖެއެވެ ގާއަޅާ މެޝިނެއްގެ ތެރެއަށް ...

އައްޑޫއާއި ފުވައްމުލަކަށް ވެމްކޯގެ “ކެޕްސް” ޚިދުމަތް ތަޢާރަފްކުރަނީ

އައްޑޫ އާއި ފުވައްމުލައް ސިޓީގައި ވެމްކޯގެ “ކެޕްސް” ޚިދުމަތް ތަޢާރްފަކުރުމަށް ތައްޔާރުވަމުންދާކަމަށް އެ ކުންފުނިން ބުނފިއެވެ. ކޯލް އެންޑް ...

ލޯކަލް ޑިމޮކްރަސީ އާއި ގުޅޭ ތަމްރީން ޕްރޮގްރާމެއްގައި އައްޑޫގެ ކައުންސިލަރުން

ކައުންސިލަރުންނަށް އަމާޒުކޮށްގެން ތިން ދުވަހުގެ މުއްދަތަށް ޓްރާންސްޕޭރަންސީ މޯލްޑިވްސް އިން އިއްޔެ ފެށްޓެވި ތަމްރީން ޕްރޮގްރާމެއްގައި އައްޑޫސިޓީގެ ތިން ...

ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފި – ރައީސް ނަޝީދު

ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފައިވާކަމަށް ކުރީގެ ރައީސް އަދި 19 ވަނަ ރަށްޔިތުންގެ މަޖިލިހުގެ ...

ކޮމަންޑޫ މަގުމަތީގައި އުމުރުން ދުވަސްވީމީހަކު މަރުވެފައި އޮއްވާ ފެނިއްޖެ

ށ. ކޮމަންޑޫގައި އުމުރުން ދުވަސްވީ މީހަކު މަގުމަތީގައި މަރުވެފައި އޮއްވާ ފެނިއްޖެ އެވެ. މީޑީއާތަކަށް މައުލޫމާތު ދެއްވަމުން ފުލުހުންގެ ...