• Categories
  • Archives

ލޯކަލް ޓުއަރިޒަމް ކުރިއެރުވޭނީ ފަތުރުވެރިންނަށް ބޭނުންވާ ހުރިހާ ޚިދުމަތެއް ފޯރުކޮށްދީގެން- ޗަންޕާ އަފީފް

ރަށްރަށުގައި ގެސްޓް ހައުސް ވިޔަފާރި ކުރިއެރުވޭނީ ފަތުރުވެރިންނަށް ބޭނުންވާ އެހެނިހެން ޚިދުމަތްތައްވެސް ފުރިހަމައަށް ޤާއިމްކުރެވިގެންކަމަށް މަޝްހޫރު ވިޔަފާރިވެރިޔާ ޗަންޕާ ހުސައިން އަފީފް ވިދާޅުވެއްޖެއެވެ.

މާލެ އަތޮޅު ދިއްފުށީގައި ނަރުދަމާއާއި ފެނުގެ ނިޒާމް ފެށުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުން ކްރައުން ކޮމްޕެނީގެ ޗެއަރމަން ހުސައިން އަފީފް ވިދާޅުވީ ރަށްރަށަށް އަވަހަށް ތަރައްޤީ ގެނެވޭނީ ފަތުރުވެރިކަމުގެ ދާއިރާއާ ގުޅިގެންކަމަށެވެ. އެގޮތުން ރަށްރަށުގައި ގެސްޓް ހައުސް އެޅުމުގެ އިތުރުން، އެތަން ތަނަށް އަންނަ ފަތުރުވެރިންނަށް ބޭނުންވާ އެހެނިހެން ޚިދުމަތްތައްވެސް ފޯރުކޮށްދީގެން ރަށްރަށަށް ބޮޑު އާމްދަނީއެއް ހޯދޭނެ ގޮތްތައް އެބަހުރިކަމަށް އަފީފް ވިދާޅުވިއެވެ.

“ހުސް އެކަނި ގެސްޓް ހައުސް ހެދުމެއް ނޫން އިނގޭތޯ… ގެސްޓް ހައުސް ހެދުމުގެ އިތުރަށް އެ ޓުއަރިޒަމް ގެސްޓް ހައުސްއަށް ބެކް އަޕް ސާރވިސް.. ގެސްޓް ހައުސްއަށް ސަޕްލައިކޮށް، ޓްރާންސްޕޯޓް ހަމަޖެއްސުމާއި… މިވެސް އެހާ މުހިންމު ކަމެއް… އެންވީމަ ހުސްއެކަނި ކޮންމެ މީހަކު ގެސްޓް ހައުސްއެއް އަޅަން ނޫޅުނަސް… އަޅުގަނޑު ދެންނެވީ އޭގެ ބަދަލުގުގައި ތެޔޮ ސަޕްލައިކުރުމާއި، ޓްރާންސްޕޯޓް، އެއަރޕޯޓް ސާރވިސް، ސްޕެއަރ ޕާޓްސް މިހެން ގޮސް އެތައް ބައިވަރު ކަންތަކެއް މިތަނުގައި ފެށިދާނެ… ސްޕާއެއް ހެދުން ނުވަދަ އެހެން ކަންތައްތައްވެސް ކުރެވިދާނެ… ކޮންމެ މީހަކު ގެސްޓް ހައުސްއެއް ހަދަން ނޫޅުނަސް އަންނަ ގެސްޓަށް ދޭންޖެހޭ ބެކްއަޕް ހުރިހާ ސާރވިސްއެއް ދެވޭނެ ގޮތްތަކަށްވެސް ވިސްނާލުން..އެއީ އަޅުގަނޑު މިދަންނަވާ ކަމަކީ” އަފީފް ވިދާޅުވިއެވެ.

ދިއްފުށީގައި ޤާއިމްކޮށްފައިވާ ނަރުދަމާ ނިޒާމަށް އަލިއަޅުއްވާލައްވަމުން އަފީފް ވިދާޅުވީ، ތޭރަ ސަތޭކައެއްހާ މީހުން އުޅޭ ދިއްފުށީގައި ޤާއިމްކޮށްފައިވަނީ ދެހާސް ހަ ސަތޭކަ މީހުންގެ އާބާދީއަކަށް އެކަށޭނެ ނަރުދަމާ ނިޒާމެއްކަމަށެވެ. އެހެންކަމުން އެރަށުގައި ގެސްޓްހައުސްތައް އިތުރުކޮށް، އިތުރު ފަތުރުވެރިން އެރަށަށް ގެނައުމުގެ ފުރުޞަތު ފަހިވެފައިވާކަން އަފީފް ފާހަގަކުރެއްވިއެވެ. އަދި އެކަމަށް ބޭނުންވާ ހުރިހާ އެއްބާރުލުމަކާއި އެހީތެރިކަމެއް ފޯރުކޮށްދެއްވާނޭކަމަށްވެސް އަފީފް ވިދާޅުވިއެވެ.

ދިއްފުށީގައި ލޯކަލް ޓުއަރިޒަމް ކުރިއަރަމުން އަންނައިރު، އެރަށުގައި މިހާރުވެސް 11 ގެސްޓް ހައުސްއެއް ހުރެއެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މިހާތަނަށް ރައީސަކަށް ނުދަންނަވާ ވަރުގެ ހޫނު މަރުހަބާއެއް މިއަދު އައްޑުއަތޮޅުން ރައީސް ސޯލިހުއަށް ދަންނަވާނެ

އެޖެންޑާ 19ގައި ހިމެނޭ އައްޑޫ ތަސައްވަރު ލޯންޗުކޮށްދެއްވުމަށް ރައީސް ސޯލިހު މިއަދު ހަވީރު އައްޑޫއަށް ވަޑައިގަތުމަށް ހަމަޖެހިފައިވާތީ އައްޑޫން ...

ސިޓީ ކައުންސިލްތަކުގެ ބާރު ސަރުކާރުން ނަގަން ޖެހުނީ ރައްޔިތުންނަށް ދޭން ޖެހޭ ޚިދުމަތްތަކުގައި ދަތިތަކެއް ހުރުމުން – ރައީސް

ސިޓީ ކައުންސިލްތަކުގެ ބާރު ސަރުކާރުން ނަގަން ޖެހުނީ ރައްޔިތުންނަށް ދޭން ޖެހޭ ޚިދުމަތްތަކުގައި ދަތިތަކެއް ހުރުމުން ކަމަށް ރައީސުލްޖުމްހޫރިއްޔާ ...

ލ.އަތޮޅު ކައުންސިލްގެ މެންބަރުން އައްޑޫގައި

އައްޑޫސިޓީ ކައުންސިލާއި ލ. އަތޮޅުކައުންސިލާއި ދެމެދު ގުޅުން ބަދަހި ކުރުމުގެގޮތުން ލ. އަތޮޅު ކައުންސިލްގެޓީމެއް  އިއްޔެ އައްޑޫ ސިޓީއަށް ...

30.3 ބިލިއަން ރުފިޔާގެ ބޮޑު ބަޖެޓު މަޖިލީހުގެ އިއްތިފާޤުން ފާސްކޮށްފި

އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި 29.6 ބިލިއަން ރުފިޔާގެ ބަޖެޓަށް ބޮޑެތި ބަދަލުތަކެއް ގެނައުމަށްފަހު އަންނަ ...

ރާއްޖެ އިޝްތިހާރުކުރުމަށް އެމެރިކާގައި ރޯޑްޝޯތަކެއް ބާއްވަނީ

މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއަރ އޮޕްރޭޓާރސް (މަޓާޓޯ) އިން އެމެރިކާގައި ބާއްވާ އައުޓްބައުންޑް ޓްރެވެލް ...

ދެދުވަހުން އެއްދުވަހު މެޗެއް ކުޅެން މަޝްވަރާކޮށްފި

ކޮވިޑް 19 ގެ ސަބަބުން އަލުން  ފެށޭނެކަމުގެ ޔަގީންކަން ކުޑަވެފައިވާ ސްޕެނިޝް ލީގުގެ ކުޅުން އަލުން ފަށަން ޖެހިއްޖެނަމަ ...