• Categories
  • Archives

މިދުއްވެނީ ރަށެއްގެ ފުއްޓަރު ގާތައް މަތީގައޭ ހީވާފަހަރުވެސް މަދެއްނޫން

Advertisement

މީދޫގެ މަގުތަކުގެ ވާހަކައަކީ ދައްކާ ކޮޅުންލާނެ ވާހަކައެއް ނޫނެވެ. އެތައް ބަޔަކު އެކިއެކި ހާޖަތްތައް ފުއްދުމަށް ދުވާލަކު އެތައް ފަހަރަކު ބޭނުންކުރަންޖެހޭ ރަށުގެ މަގު

ތަކަކީ އިރުވައި މޫސުމުގައި ވިޔަސް ހުޅަނގު މޫސުމުގައިވިޔަސް މާ ހިތްފަސޭހަ މަގުތަކެއް ނޫނެވެ. އަދި ވަކިން ހާއްސަކޮށް ވިއްސާރަވެއްޖެނަމަ މަގުތަކުގެ ބޭނުން ހިފުން އެއީ ނުކޮށް ނުވިއްޔާ ކުރަން ހެޔޮވާވަރުގެ ކަމެއް ނޫނެވެ.

ވިއްސާރައިގެ އަސަރު ކޮށްފިނަމަ މުޅި މަގުތަކުގައި އޮންނަނީ ފެންގަނޑު ހެދި ޗަކަ ވެފައެވެ. ފައި ތެންމާނުލާ މަގުން ހިނގުން އޮންނަނީ ދަތިކަމަކަށް ވެފައެވެ. ވަކިން ހާއްސަކޮށް ގިނަބަޔަކު ބޭނުން ކުރާ ބޮޑު ދެމަގު ކަމަށްވާ ބަހާއުއްދީންމަގާއި މަޖުދުއްދީން މަގުގައި ހެދިފައިހުންނަ ކުދި ވަޅުތަކުގެ ސަބަބުން އާންމުންނަށް ވަނީ ބޮޑު އުނދަގުލަކަށް ވެފައެވެ. ސައިކަލު ދުއްވަމުން ދާއިރު މިދުއްވެނީ ރަށެއްގެ ފުއްޓަރު ގާތައް މަތީގައޭ ހީވާފަހަރުވެސް މަދެއްނޫނެވެ.   މާބަނޑު އަންހެނުން މިއިން މަގަކުން އެއްގަމު އުޅަނދެއްގައި ދަތުރުކޮށްފި ނަމަ ދަތުރު ނިމުމުގެ ކުރިން ނުވިހާ ހުރެދާނެބާއޭ ހީވާ ފަހަރުވެސް އާދެއެވެ.

މީދޫގެ އާބާދީ ބޮޑު އެއް ރަށުގައި ދިރިއުޅެމުންއަންނައިރު އެމީހުންގެ ތެރެއިން ބައެއް މީހުން ފޮނި އުއްމީދުގައި ބޮޑު އަގުގައި ގަންނަ ކާރާއި ސައިކަލު ފަދަ ވެހިކަލްތައް ގެނެސް ދުއްވަން މިޖެހެނީ ބޮޑެތި  އޮޅުތައްކަހަލަ މަގުތަކުގައެވެ  ތިމާގެ ލޯބިވެރިޔާ ފަދައިން ގެންގުޅޭ މި ވެހިކަލްތައް މިފަދަ މަގުތަކުގައި ދުއްވަންޖެހުމުން މާގިނަ ދުވަސްތަކެއްނުވެ ބާވެ ހަލާކުވަމުން ދެއެވެ. މާލޭގައި 5 އަހަރު ދުއްވާފައިވާ ވެހިކަލެކޭ މީދޫގައި އަހަރުދުއްވާ ވެހިކަލެކޭ ތަފާތެއް ނެތެވެ. އެހާވެސް މަގުގެ ހާލު ބޮޑެވެ.

މަގުކޮންމިގޮތަކަށް އޮތަސް ވެހިކަލްތަކުން ރައްޔިތުމީހާގެ އަތުން ސަރުކާރަށް ދައްކަންޖެހޭ ހުރިހާ ފީއެއް ބަރާބަރަށް ދައްކަންޖެހެއެވެ. ނިކަމެތި ރައްޔިތުމީހާ މި ދެންނެވި ފީތައް ނުދައްކައިފި ނަމަ ޖޫރިމަނާތައް ކޮށް މުޅި މީހާގެ “ހަން” ދަމާލައެވެ. އެހެންނަމަވެސް ސަރުކާރުން ރައްޔިތުންނަށް ދޭންޖެހޭ މިފަދަ އަސާސީ ޚިދުމަތްތައް ނުދީގެން ކުރެވޭނެ މާބޮޑު ކަމެއް ނޯވެއެވެ. މާލޭގެ ފެންވަރު ރަނގަޅު މަގުތަކުގައި ދުއްވާ ވެހިކަލްތަކުން ނަގާ ފީއާއި އެއްވަރުގެ ފީއެއް ރާއްޖެތެރޭގެ “އޮއްވަޅު ގޮނޑި” މަގުތަކުގައި ދުއްވާ ވެހިކަލްތަކުން ނެގުމަކީ އިންސާފެއް ތޯއެވެ؟

މިފަދަ ކަންތައްތަކެއް އަޅުގަނޑުމެން ތަޖުރިބާ ކުރަމުންދާތާ ގިނަދުވަސް ތަކެއްމިވަނީ ވެފައެވެ. އެހެން ނަމަވެސް ކުލަވަރު ބަދަލުވެ މަންޒަރު ބަދަލުވާނެކަމުގެ އުއްމީދުގައި ގިނަ ރައްޔިތުން ތަކެއް އެބަތިއްބެވެ.

މިއީ އެތައް ރައްޔިތުންގެ އެތައް ދުވަހެއް ވީ ޝަކުވާއެކެވެ. ދާއިމީ ހައްލެއް ލިބިދާނެކަމުގެ އުއްމީދެއް ނެތް ކަމެކެވެ. މަގު ހެދުމުގެ މަޝްރޫއެއް ރަށުގައި ފެށިނަމަވެސް އެކަންވެސް މިހާރުވަނީ ހުއްޓާލާފައެވެ. ރައްކާތެރިކަމާއެކު މަގުތައް ބޭނުންކުރުމުގެ ހައްގު ކޮންމެ މީހަކަށްވެސް ލިބެންޖެހެއެވެ. އެހެންކަމުން ރަށު ކައުންސިލަރާއި ސަރުކާރުގެ ފަރާތުން، މަގުތަކަކީ  ރައްޔިތުންނަށް އަމާން ތަނަކަށް ހެދުމުގައި މިހާރަށްވުރެ މުރާލި ވުމަކީ ހަމަ އެންމެ ރައްޔިތުންވެސް ބޭނުންވާނެ ކަމެކެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އަޅުގަޑުގެ ސިޔާސީ ހަޔާތް ނިމުނުކަމަށް ދެކެވަޑައި ނުގަންނަވަން- ރައީސް ނަޝީދު

ރައީސް ނަޝީދުގެ ސިޔާސީ ހަޔާތް  ނިމުނުކަމަށް ދެކެވަޑައި ނުގަންނަވާކަމަށް އެމަނިކުފާނު ވިދާޅުވެއްޖެވެ. ރައީސް ނަޝީދު މިހެންވިދާޅުވީ ނަޝީދުގެ މައްޗަށް ...

ބުއްދިވެރި ގޮތަކީ އަޅުގަނޑާއެކު ސިޔާސީ ލީޑަރުން މިނިވަންކުރުން – ނަޝީދު

މިދަނޑިވަޅުގައި ރައީސް ޔާމީނަށް ބުއްދިވެރި ގޮތަކީ ކުށުގެ ތުޙުމަތުގައި ޖަލުގައި ތިއްބެވި ސިޔާސީ ބޭފުޅުން މިނިވަންކުރުންކަމަށް ކުރީގެ ރައީސް ...

ފަނޑިޔާރުންގެ ސޮޔާއެކު ސުޕްރީމް ކޯޓުގެ އަމުރު އާންމުކޮށްފި

ސުޕްރީމް ކޯޓުން ބުރާސްފަތި ދުވަހުގެ ރޭ އިއްވި ހުކުމް، އެ މައްސަލަ ބެއްލެވި ފަސް ފަނޑިޔާރުންގެ ސޮޔާއެކު އެ ...

ރައީސް ޔާމީން ގެ މި ރިޔާސީ ދައުރު ނިމުމުގެ ކުރިން ކަރަންޓުގެ ޙިދުމަތަށް ބޮޑު އިންގިލާބެއް އަންނާނެ- ލަމްޢާން

ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް ގެ މި ރިޔާސީ ދައުރުނިމުމުގެ ކުރިން ކަރަންޓުގެ ޙިދުމަތަށް ހެޔޮ އިންގިލާބެއް ...

މީޑިއާނެޓްގެ ޗެނަލްތައް އުރީދޫގެ ކަސްޓަމުންނަށް ފޯނުން ބެލޭނެ ގޮތް ހަދައިފި

ރާއްޖޭގައި މުއާސަލާތީ ހިދުމަތް ފުޅާ ދާއިރާއެއްގައި ދޭ އުރީދޫގެ ކަސްޓަމަރުންނަށް  މީޑިއާނެޓްގެ ޗެނަލްތައް ފޯނާއި ސްމާޓް ޑިވައިސްތަކުން ބެލޭނެ ...

ރާއްޖޭގެ އެއްވެސް ރައްޔިތަކާމެދު އީޔޫއިން ފިޔަވަޅު އެޅިޔަކަ ނުދޭނަން- ޝައިނީ

ރާއްޖޭގެ އެއްވެސް ރައްޔިތަކާމެދު ޔޫރަޕިއަން ޔޫނިއަން، އީޔޫއިން ފިޔަވަޅު އެޅިޔަ ނުދޭން ސަރުކާރުގެ ފަރާތުން ކުރެވެންހުރި ހުރިހާ މަސައްކަތެއް ...