• Categories
  • Archives

ފަނޑިޔާރު އަލީ ހަމީދުގެ ހުކުމް ހައިކޯޓުން ބާތިލުކޮށްފި

ސުޕްރީމްކޯޓްގެ ކުރީގެ ފަނޑިޔާރު އަލީ ހަމީދުގެ މައްޗަށް ކުރިމިނަލްކޯޓުން އިއްވާފައިވާ 1 އަހަރާއި 7 މަހާއި 6 ދުވަހުގެ ޖަލު ހުކުމް ހައިކޯޓުން ބާތިލު ކޮށްފިއެވެ.

އަލީ ހަމީދުގެ މައްޗަށް ދަށުކޯޓުން 1 އަހަރާއި 7 މަހާއި 6 ދުވަހުގެ ޖަލު ހުކުމެއް އިއްވާފައިވަނީ މިއަހަރުގެ ފެބްރުއަރީ މަހުގެ އެއްވަނަ ދުވަހު ސުޕްރީމްކޯޓުން ނެރުނު އަމުރާއި ގުޅިގެން ކުރިޔަށް ގެންދިޔަ ތަހުޤީގަށް ފޯނު ނުދިން މައްސަލާގައެވެ. އެ ،މައްސަލާގައި އަލީ ހަމީދުގެ މައްޗަށް ދައުވާކޮށްފައިވަނީ އަދުލު އިންސާފު ޤާއިމުކުރުމަށް ހުރަސްއެޅުމުގެ ކުށުގެ ދައުވާއެވެ.

އަލީ ހަމީދަށް ދަށު ކޯޓުން ކޮށްފައިވާ ޙުކުމް ހައިކޯޓުން ބާތިލްކޮށްފައި ވަނީ ހެކިންގެ ހެކިބަހުން އަލީ ހަމީދުގެ މައްޗަށް ކޮށްފައިވާ ދަޢުވާ ސާބިތުނުވާތީ އެވެ.

ހައިކޯޓުގައި ކުރިއަށްދިޔަ އިސްތިއުނާފުގެ އަޑުއެހުމުގައި އަލީ ހަމީދު ވިދާޅުވީ މޫނު ނިވާކޮށްގެން ތިބި ބަޔަކު އޭނާ ސުޕްރީމް ކޯޓު ތެރޭގައި ހުންނަވަނިކޮށް އައިސް ފޯނު ދިނުމަށް އެދުނު ކަމަށެވެ. އަދި އޭނާ އެވަގުތު ހުރީ ޙުރުމަތްތެރި މަޤާމެއްގައި ކަމަށްވެސް އަލީ ހަމީދު ވިދާޅުވިއެވެ. އެހެންކަމުން އެގޮތަށް ޢަމަލު ނުކުރެވޭނެ ކަމަށްވެސް ހައިކޯޓުގައި އަލީ ހަމީދު ވަނީ ވިދާޅުވިއެވެ.

މިދިޔަ ފެބްރުއަރީ މަހުގެ އެއްވަނަ ދުވަހު ކުރީގެ ރައީސް ޢަބްދުﷲ ޔާމީން އިއުލާން ކުރި ކުއްލި ނުރައްކަލުގެ ޙާލަތުގެ ދަށުން އަދުލު އިންސާފު ޤާއިމުކުރުމަށް ހުރަސް އެޅުމުގެ ކުށުގައި ކުރީގެ ރައީސް މަޢުމޫން ޢަބްދުލްޤައްޔޫމުވެސް ޖަލަށް ލުމަށް ކްރިމިނަލް ކޯޓުން އޭރު ޙުކުމް ކުރިއެވެ. ނަމަވެސް ރައީސް މަޢުމޫން މިހާރު ވަނީ މިނިވަންވެވަފައެވެ.

ކުއްލި ނުރައްކަލުގެ ހާލަތުގެ ދަށުން ސުޕްރީމް ކޯޓުގެ ކުރީގެ އުއްތަމަ ފަނޑިޔާރު ޢަބްދުﷲ ސަޢީދާއި ޢަލީ ހަމީދު ހައްޔަރުކޮށް ޖަލަށް ގެންދިޔަ ނަމަވެސް މިހާރު އެ ދެ ބޭފުޅުން ވަނީ ގޭ ބަންދަށް ބަދަލުކޮށްފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އެއްބައިވަންތަކަމަށް ބާރުއަޅުއްވަމުން ރައީސް ޢީދު ތަހުނިޔާ ފޮނުއްވައިފި

ދިވެހިންގެ މެދުގައި އޮތް އެއްބައިވަންތަކަން އިތުރަށް ވަރުގަދަ ކުރުމަށް ބާރުއަޅުއްވަމުން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިއަހަރުގެ އަޟްހާ ...

ސުވާލު އުފެދުނު 12 ގޮނޑި އާއި މެދު ސުޕްރީމް ކޯޓުން ޙުކުމްއިއްވައިފި

ސުވާލު އުފެދި ގޮތެއް ނުނިންމި އޮތް ރައްޔިތުން މަޖްލީހުގެ 12 ގޮނޑި އާއި މެދު ގޮތެއް ކަނޑައަޅާ އިއްޔެ ...

ޕަބްލިކް ވޯކްސް އުވާލައި، މަސައްކަތްތައް ޕްލޭނިންގ މިނިސްޓްރީގެ ދަށަށް ބަދަލުކޮށްފި

ޕަބްލިކް ވޯކްސް ސަރވިސްއާއި ޑިޕާރޓްމަންޓް އޮޕް އިންފްރާސްޓްރަކްޗަރ ޑިވެލޮޕްމަންޓް އުވާލައި، އެ ދެ އިދާރާއިން ކުރަމުން އައި މަސައްކަތްތައް ...

ތ. އަތޮޅާ ސ. އަތޮޅާ ދެމެދުގެ ރަށްތަކަށް ވައިޓް އެލާޓް ނެރެފި

ތ. އަތޮޅާ ސ. އަތޮޅާ ދެމެދުގެ ރަށްތަކަށް، މޫސުމާބެހޭ ޤައުމީ އިދާރާ (މެޓް އޮފީސް) އިން ވައިޓް އެލާޓް ...

ސިނަމާލެ ބްރިޖް ހައިވޭ މަތިން ކާރެއް ފުރޮޅާލައިފި

ސިނަމާލެ ބްރިޖަށް ދާން އޮންނަ ހައިވޭ މަތިން ކާރެއް ފުރޮޅާލައިފިއެވެ. ފުލުހުންގެ ބަހެއް މިކަމުގައި ނުލިބޭތީ އެ ކާރު ...

ކުށް ސާބިތުވެ ހަސަން ސަޢީދު 4 މަހާ 24 ދުވަހަށް ޖަލަށް

ޤާނޫނު ހިންގުމަށް ހުރަސް އެޅުމުގެ ދައުވާ ސާބިތުވުމާ ގުޅިގެން ޖުޑިޝަލް އެޑްމިނިސްޓްރޭޓަރ ހަސަން ސަޢީދުގެ މައްޗަށް 4 މަހާ ...