• Categories
  • Archives

ހުޅުމީދޫ ސިއްޙީ މަރުކަޒަށް ބޭނުންވާ ކަންކަން 3 މަސްދުވަހުގެ ތެރޭގައި ފުރިހަމަކޮށްދޭނަން- މިނިސްޓަރ

އައްޑޫ ސިޓީ ހުޅުމީދޫ ސިއްޙީ މަރުކަޒުންދޭ ޚިދުމަތްތައް ރަނގަޅު ކުރުމަށް ބޭނުންވާ ކަންކަން ކުރިއަށްއޮތް ތިން މަސްދުވަހުގެ ތެރޭގައި ފުރިހަމަކޮށްދެއްވާނެކަމަށް ހެލްތް މިނިސްޓްރ ޢަބްދުﷲ އަމީން ވިދާޅުވެއްޖެއެވެ.

މިނިސްޓަރ މިހެން ވިދާޅުވީ އައްޑޫ ސިޓީ ހުޅުމީދީ ހޮސްޕިޓަލުހެ ހާލަތު ބައްލަވާލެއްވުމަށް މިއަދު ކުރެއްވި ޒިޔާރަތުގައި އެ ހޮސްޕިޓަލުގެ މެނޭޖްމަންޓާއެކު ބޭއްވެވި ބައްދަލުކުރެއްވުމުގައެވެ.

އައްޑޫ ސިޓީއަށް މިހާރު ކުރައްވަމުންގެންދަވާ ދަތުރުފުޅުގައި، ހުޅުމީދޫ ސިއްޙީ މަރުކަޒަށް ވަޑައިގެން، މިނިސްޓަރ ވަނީ އެ މަރުކަޒުގެ އިސްވެރިންނާއި، މުވައްޒަފުންނާ ބައްދަލުކުރައްވައި ހުރި ދަތިތައް އޮޅުންފިލުއްވާފައެވެ.

މި ބައްދަލުކުރެއްވުމުގައި މިނިސްޓަރ ވަނީ، ސަރުކާރުން ރާއްޖޭގެ ސިއްޙީ ދާއިރާ ހަރުދަނާކުރުމަށް ކުރަމުންދާ މަސައްކަތުގައި، ރަށްރަށުން ލިބޭ ސިއްޙީ ފަރުވާ އިތުރަށް ހަރުދަނާކުރުމަށް މަސައްކަތްކުރަމުންދާކަން ފާހަގަކުރައްވާފައެވެ. އެގޮތުން ކުރިޔަށް އޮތް ތިން މަސް ދުވަސް ތެރޭގައި ހުޅުމީދޫ ސިއްޙީ މަރުކަޒުގައި އެމަޖެންސީ ރޫމަކާއި ނަމާދު ކުރާނެ ތަނެއް ހެދުމުގެ މަސައްކަތް ފެށިގެންދާނެ ކަމުގެ ޔާޤީންކަން މިނިސްޓަރ ވަނީ ދެއްވަވާފައެވެ.

މިނިސްޓަރ ވަނީ، ހުޅުމީދޫ ސިއްޙީ މަރުކަޒުގެ ހާލަތު ބައްލަވާލައްވައި، މިހާރު ހުރި ދަތިތަކާއި، މިހާރުން މިހާރަށް ބޭނުންވާ ވަސީލަތްތައްކުގެ ލިސްޓެއް އެކުލަވާލައި ހެލްތް މިނިސްޓްރީއަށް ފޮނުވުމަށް ހޮސްޕިޓަލުގެ މެނޭޖްމަންޓުގައިވެސް އެދިވަޑައިގެންފައެވެ. އަދި ހުޅުމީދޫގެ ސީ އެމްބިއުލާންސްގެ ޚިދުމަތް މިހާރަށްވުރެ ރަނގަޅަށް ދެވޭނެގޮތް ހައްދަވައިދެއްވާނެކަމަށްވެސް މިނިސްޓަރ ވިދާޅުވިއެވެ.

މީގެ އިތުރުން އައްޑޫ ސިޓީގައި ސިއްޙީ ޚިދުމަތްދޭ މަރުކަޒުތަކުގެ ގުޅުން މިހާރަށްވުރެ ރަނގަޅުކޮށް، ގުޅިގެން ޚިދުމަތް ދެވޭނެ ގޮތްތަކަކާ ބެހޭގޮތުންވެސް މިނިސްޓަރ ވަނީ މަޝްވަރާ ކުރައްވާފައެެވެ.

އައްޑޫ ސިޓީއަށް ހެލްތް މިނިސްޓަރ ކުރައްވަމުންދާ ދަތުރުފުޅުގައި ވަނީ އައްޑޫ ސިޓީގައި ސިއްޙީ ފަރުވާދޭ މަރުކަޒުތަކަށް ޒިޔާރަތްކުރައްވާ އެތަންތަނަށް ދިމާވެފައިވާ ދަތިތައް އޮޅުންފިލުއްވާ އެކަންކަން ހައްލުކުރުމަށް ސަރުކާރުން ކުރެވެންހުރި މަސައްކަތްތަކެއް ކޮށްދެއްވާނެކަމުގެ ޔަޤީންކަން ދެއްވާފައެވެ

މަސްދަރު” ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އައްޑޫ ސިޓީއަށް އެއްވެސް ގޮނޑި އިތުރު ނުކުރަން އިލެކްޝަން ކޮމިޝަނުން ނިންމައިފި

އައްޑޫސިޓީއަށް ރަށްޔިތުންގެ މަޖިލިހުގެ ގޮނޑި އިތުރު ނުކުރަން އިލެކްޝަންސް ކޮމިޝަނުން ނިންމައިފިއެވެ. އިލެކްޝަނުން މިގޮތަށް ނިންމާފައި ވަނީ، އައްޑޫ ...

އިލެކްޝަންސް ކޮމިޝަންގެ ރައީސް އަޙުމަދު ސުލައިމާން އިސްތިއުފާދެއްވައިފި

އިލެކްޝަންސް ކޮމިޝަންގެ ރައީސް އަޙުމަދު ސުލައިމާން އިސްތިއުފާދެއްވައިފިއެވެ. މަޤާމުން އިސްތިއުފާދެއްވިކަން އީސީގެ ރައީސް އަޙްމަދު ސުލައިމާން ކަށަވަރު ކޮށްދެއްވިނަމަވެސް ...

އުރީދޫގެ ޕޯސްޓްޕެއިޑް ކަސްޓަމަރުންނަށް ހާއްސަކޮށް އެލައިޑުން ލައިފް އިންޝުއަރެންސް ތައާރަފްކޮށްފި

އުރީދޫގެ ޕޯސްޓްޕެއިޑް ކަސްޓަމަރުންނަށް ހާއްސަކޮށް އެލައިޑުން ލައިފް އިންޝުއަރެންސް ތައާރަފްކޮށްފި އެވެ. ރޭ ކުރިއަށްދިޔަ އެލައިޑްގެ ސްޕެޝަލް އިވެންޓް ...

އައްޑޫއާއާއި އިންޑިއާއި ދެމެދު ވައިގެ ދަތުރުތައް ފެށުމާ ގުޅޭގޮތުން އިންޑިއާ ސަފީރާ މަޝްވަރާކޮށްފި

އައްޑޫ ސިޓީގައި ހިންގުމަށް ރާވާފައިވާ މަޝްރޫއުތަކާއި ގުޅޭގޮތުން އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު އަކިލޭޝް މިޝްރާއާއެކު އައްޑޫ ...

މަދިރި ކޮންޓްރޯލް ކުރުމަށް މީދޫގެ އެކި ސަރހައްދުތަކަށް ފޮގް ސްޕްރޭ ކުރަންފަށައިފި

މަދިރީގެ ޒަރިއްޔާއިންޖެހޭ ޑެންގޫ ބަލީގެ ކޭސްތަކެއް މީދޫގައި މަދިރި ގިނަވެ، ފެތުރެމުންދާތީ މީދޫގެ އެކި  ސަރަހައްދަކަށް ފޮގް ސްޕްރޭ ...

އިތުރު ދައުރެއް ދެއްވައިފިނަމަ ރައީސް ޔާމީން ވާނީ ދުނިޔޭގެ ވަރުގަދަ ޝަޙްސިއްޔަތަކަށް – މިނިސްޓަރ ސަޢީދު

ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމަށް ވެރިކަމުގެ އިތުރު ދައުރެއް ދެއްވައިފިނަމަ، ދުނިޔޭގެ އެންމެ ވަރުގަދަ ޝަޚްސިއްޔަތްތަކުގެ ތެރޭގައި އެމަނިކުފާނު ...