• Categories
  • Archives

އެމްއެމްޕީއާރުސީގެ ޚިޔާނާތް

Advertisement

ރަށްތަކާ ފަޅުތައް ވިއްކައިގެން އެމްއެމްޕީއާރުސީއަށް ލިބެންޖެހޭ ފައިސާ ރަށްޔިތުންގެ މަޖިލުހުގެ ބައެއް މެމްބަރުންނަށްވެސް ލިބިފައިވާކަމަށް ތުހުމަތުކުރެވޭ މައްސަލަ ތަހުގީގު ކުރަމުންދާކަމަށް އެންޓިކޮރަޕްޝަން ކޮމިޝަނުން ބުނެފިއެވެ.

މިކަމާ ބެހޭގޮތުން އޭސީސީން ނެރުނު ބަޔާނުގައި ބުނެފައިވަނީ އެމްއެމްޕީއާރުސީ މެދުވެރިކޮށް މިނިސްޓްރީއޮފް ޓުއަރިޒަމުން ދޫކޮށްފައިވާ ރަށްތަކާއި ފަޅުތަކުގެ އެކުޒިޝަން ކޯސްޓްގެ ފައިސާގެ ތެރެއިން ގިނައަދަދެއްގެ ފައިސާ ދައުލަތުގެ އެއްވެސް އިދާރާއަކަށް ޖަމާކޮށްފައިނުވާކަމަށެވެ. މިގޮތުން މިފައިސާއަށް ޚިޔާނާތްތެރިވެފައިވާކަމުގެ ތުހުމަތު ތަކެއް ކުރެވިފައިވާއިރު ރަށްތަކާއި ފަޅުތައް ވިއްކައިގެން އެމްއެމްޕީއާރުސީއަށް ލިބެންޖެހޭ ފައިސާ ރަށްޔިތުންގެ މަޖިލިހުގެ ބައެއް މެމްބަރުންނަށްވެސް ލިބިފައިވާކަމަށް ތުހުމަތުކޮށްފައިވާތީ  އެމައުލޫމާތުތައް އެގޭ ފަރާތެއްގެ ގޮތުގައި ކޮމިޝަނުގެ ތަހުގީގަށް ލިބުނު މައުލޫމާތު ތަކާއިގުޅިގެން ރަށްޔިތުންގެ މަޖިލިހުގެ މެމްބަރުންނާއި ތަހުގީގުކޮށް ސުވާލުކޮށް ބަޔާން ނެގިފައިވާކަމަށެވެ. އަދި މިކަމާއި ގުޅިގެން މިމައްސަލަ ވަކި މައްސަލައެއްގެ ގޮތުގައި ތަހުގީގުކުރަމުންދާކަމަށް އޭސީސީން ނެރުނު ބަޔާނުގައިވަނީ ބުނެފައެވެ.

އޭސީސީން ބުނެފައިވަނީ މިމައްސަލާގައި ފާހަގަކުރެވުނު ކަންތައްތަކަށް ބަލާއިރު އެމްއެމް ޕީއާރުސީމެދުވެރިކޮށް ދޫކޮށްފައިވާ ރަށްތަކާއި ފަޅުތައް ވިއްކައިގެން އެކުޒިޝަން ކޯސްޓްގޮތުގައި ލިބުނު ފައިސާގެ ތެރެއިން ބައެއް ރިޝްވަތުގެ ގޮތުގައި ރަށްޔިތުންގެ މަޖިލިހުގެ މެމްބަރުންނަށް ދީފައިވާކަމަށެވެ. އަދި އެފައިސާގެ ތެރެއިން ރަށްޔިތުންގެ މަޖިލިހުގެ މެމްބަރުންންށް ބެހުމުގައި މަޖިލިހުގެ މެމްބަރަކު އަމަލީގޮތުން ބައިވެރިވެފައިވާކަމަށާ އެފައިސާގެ ތެރެއިން ބައެއް އެމެމްބަރަށްވެސް ލިބިފައިވާކަމަށް އަމިލަ ޓީވީ ޗެނަލްއަކުން ދައްކާފައިވާ ޕްރޮގްރާމެއްގައި އެމެމްބަރު ބުނެފައިވާތީ  އެމެމްބަރުގެ މައްޗަށް ރިޝްވަތު ހިފުމާ ރިޝްވަތު ދިނުމުގައި ބައިވެރިވިކަމުގެ ތުހުމަތު ކުރެވިފައިވާކަމަށެވެ. އެހެން ނަމަވެސް އެއީ އޭނާ ސިޔާސީ ގޮތުން ދައްކަވާފައިވާ ވާހަކަ ތަކެއްކަން އެމެމްބަރު ބުނެފައިވާކަމަށް އޭސީސީގެ ބަޔާނުގައި ވަނީ ފާހަގަކޮށްފައެވެ. މިގޮތުން ކޮރަޕްޝަނުގެ އެއްވެސް ފައިސާއެއް ނުވަތަ ރިޝްވަތުގެ ގޮތުގައި އެއްވެސް ފައިސާއެއް ރަށްޔިތުންގެ މަޖިލިހުގެ އެއްވެސް މެމްބަރަކަށް ހަވާލްކުރަން އޭނާއަށް ލިބިފައިނުވާކަމަށާ މަޖިލިހުގެ މެމްބަރުންނަށް އެއްވެސް ފައިސާއެއް ހަވާލްކުރުމަށް މީހަކު އޭނާއާއި ހަވާލް ނުކުރާކަމަށާ އަދި ދައުލަތުގެ ފައިސާއަށް ޚިޔާނާތްތެރިވި ވާހަކަ އޭނާ ބުނެފައިވަނީ އެއްގޮތަކަށްވެސް ވަކިމީހެއްގެ އަތަށް އޭނާ ފައިސާ ގެންގޮސްގެން ނުވަތަ އެފަދަ އެއްވެސް ކަމެއްކޮށްގެން ނޫންކަމަށް އެމެމްބަރު ބުނެފައިވާކަމަށް އޭސީސީގެ ބަޔާނުގައިވަނީ ބުނެފައެވެ. އަދި އޭނާ މެދުވެރިވެގެން މަޖިލިހުގެ މެމްބަރުންނަށް އެއްވެސް ފައިސާއެއް ދީފައިނުވާނެކަމަށާ އަދި އެމްއެމް ޕީއާރުސީގެ ކޮރަޕްޝަނާގުޅޭ އެއްވެސް ފައިސާއެއް ނުވަތަ ސަރުކާރަށް ލިބެންޖެހޭ އެއްވެސް ފައިސާއެއް އެއްވެސް ފަރާތަކަށް ލިބިފައިވާކަން އޭނާއަށް އެގިފައިނުވާކަމަށް އެމެމްބަރު ބުނެފައިވާކަމަށް އޭސީސީގެ ބަޔާނުގައި ވަނީ ބުނެފައެވެ.

މީގެ އިތުރަށް މަޖިލިހުގައި އޭނާ އެވާހަކަ ދައްކަވާފައިވަނީ ކީއްވެގެންތޯ ޕްރޮގްރާމްގައި އޭނާއާއި ސުވާލުކުރުމުންވެސް އޭނާ ބުނެފައިވަނީ އެވާހަކަތައް ދައްކާފައިވަނީ މުޅިގައުމުގެ މަސްލަހަތާ ރަށްޔިތުންގެ މަސްލަހަތު އެކަމުގައި ހިމެނޭ ކަމަކަށްވާތީ ސިޔާސީ މީހަކަށްހުރެ ގައުމު ކޮރަޕްޝްނުގެ ކަންތައް ފެތުރެމުންދާ ދަޑިވަޅެއްގައި އެކަމުން މުޅިގައުމާ ރަށްޔިތުން ސަލާމަތްކުރުމަށްޓަކާ އަދި ރަށްޔިތުން އެކަމަށް ހޭލުންތެރިކުރުމުގެ ގޮތުން އޭނާ ކުރި ޖިހާދެއްގެ ގޮތުގައި ކަމަށެވެ. އަދި އެއްގޮތަކަށްވެސް ވަކި މީހަކު އަތަށް ފައިސާ   ގެންގޮސްގެން އެއްވެސް ކަމެއްކޮށްގެން ބުނި ވާހަކައެއްނޫންކަމަށް މެމްބަރު ބުނެފައިވާކަމަށް އޭސީސީގެ ބަޔާނުގައި ބުނެފައިވެއެވެ. މީގެ އިތުރަށް އެހެން ޓީވީ ޕްރޮގްރާމެއްގައި ދައުލަތުގެ ފައިސާއަށް ޚިޔާތްތެރިވިކަމަށާ ކުރީގެ ނާއިބް ރައީސްކަން ކުރެއްވި ފަރާތެއް ލާރީގޭ 60 އިން ސައްތަ ލާރިވަނީ  ސިޔާސީ ޕާޓީއެއްގެ ބޭފުޅެއްގެ އަތުގައިކަމަށް އޭނާ ބުނެފައިވީނަމަވެސް އެއީ އެއްވެސް އަސްލެއްގެ މައްޗަށް ބިނާކޮށް ދެއްކި ވާހަކައެއް ނޫންކަމަށާ އެމެމްބަރު އޭސީގެ ތަހުގީގުގައި ހުށަހަޅާފައިވާނެކަމަށް ބަޔާނުގައިވަނީ ބުނެފައެވެ. އަދި އެޕްރޮގްރާމްގައި ފައިސާގެ ތެރެއިން ބައެއް އޭނާގެ އަތުގައިހުރިކަމަށް އޭނާ ބުނުމަކީވެސް އެއްވެސް އަސްލެއްގެ މައްޗަށް ބިނާކޮށް އޭނާ ބުނި ބުނުމެއްނޫންކަމަށާ އެއީ އެސުވާލުއޭނާއަށް އައިގޮތުން ފޯރީގައި ނުވަތަ ޖަޒުބާތުގައި އޭނާ ބުނެފައިވާ އެއްޗެއްކަމަށްވެސް ބުނެފައިވާކަމަށް އޭސީސީގެ ބަޔާނުގައިވަނީ ބުނެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޚިޔާނާތުގެ ފައިސާ މިލިއަން ޑޮލަރުން ވަން އަދީބުގެ ކުންފުނީގެ ނަން ރިޕޯޓަކު ނެތް – ނިޔާޒު

ކުރީގެ ނާއިބު ރައީސް އަދީބު ހިއްސާ އޮންނަ މޮންޓިލިއޯން ނަމަކަށް ކިޔާ ކުންފުންޏަށް  އެމްއެމްޕީއާރުސީގެ ޚިޔާނާތުގެ ފައިސާ ވަދެފައިވާކަމަށާ ...

އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުން މިރޭ އޮންނާނެ!

ދިވެހިރާއްޖެ އިން ވާދަކުރާ އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުމަށް ބާއްވާ ވޯޓު ނެގުން މިރޭ ...

އަގު ބޮޑުކޮށްފިނަމަ މަޖޫރިންނާއި މުދާ އުފުލާ އުޅަނދުތައްވެސް މި ސަރުކާރުން ކޮންޓްރޯލް ކުރާނެ – ސައީދު

މާލެ ތެރޭގައި މުދާ އުފުލާ ގަޑިއަށް ބަދަލު ގެނައުމުން މުދާތައް ކްލިޔާ ކުރާ މަޖުރީންނާއި އަދި އެމްޕީއެލްއިން މުދާ ...

އައްޑޫއާއާއި އިންޑިއާއި ދެމެދު ވައިގެ ދަތުރުތައް ފެށުމާ ގުޅޭގޮތުން އިންޑިއާ ސަފީރާ މަޝްވަރާކޮށްފި

އައްޑޫ ސިޓީގައި ހިންގުމަށް ރާވާފައިވާ މަޝްރޫއުތަކާއި ގުޅޭގޮތުން އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު އަކިލޭޝް މިޝްރާއާއެކު އައްޑޫ ...

ރާއްޖެއަށް ރޯދަ މަހުގެ ފުރަތަމަ ދުވަހަކީ މާދަމާ ކަމުގައި ކަނޑައަޅައިފ

އިސްލާމިކް މިނިސްޓްރީން މާދަމާއަކީ ރާއްޖެއަށް ރަމަޟާން މަހުގެ ފުރަތަމަ ދުވަސް ކަމަށް ކަނޑައަޅައިއެވެ. އިސްލާމިކް މިނިސްޓްރީން މިގޮތައް ނިންމީ ...

ވެރިންގެ ތެރެއިން ޤައުމުގެ ޙައްޤުގައި ބަސްބުނީ ރައީސް ޔާމީން އެކަނި – މިނިސްޓަރ ސައީދު

ރާއްޖޭގައި މިހާތަނަށް ވެރިކަން ކުރެއްވި ވެރިންގެ ތެރެއިން ޤައުމާއި ރައްޔިތުންގެ ޙައްޤުގައި ބަސް ބުނަން ކެރުނު ހަމައެކަނި ވެރިއަކީ ...