• Categories
  • Archives

ފަތުރުވެރީންނަށް ޚާއްސަކޮށްގެން ހުޅުމީދޫގައި ވަކި ޚާއްސަ ބީޗެއް ހެދުމަށާބެހޭގޮތުން މަޝްވަރާ ބައްދަލުވުމެއް ބާއްވައިފި

Advertisement

އައްޑޫގައި ފަތުރުވެރިކަން ތަރައްޤީކޮށް ކުރިއެރުވުމަށް އެކުލަވާލާ ތަސައްވުރުގައި އާންމުން ބައިވެރިކޮށް ހިޔާލު ހޯދުމުގެ ގޮތުން އައްޑޫސިޓީ ކައުންސިލުން ހުޅުމީދޫ ރަށްޔިތުންނާއި  ސ. އަތޮޅުމަދަރުސާގައި ބައްދަލުވުމެއް ބާއްވައިފިއެވެ.

މިބައްދަލުވުން ތައާރަފްކޮށް ދެއްވަމުން ހުޅުދޫ ކައުންސިލަރު ޝުކުރީ ވިދާޅުވީ އައްޑޫއަކީ ބިމުގެ ގޮތުން ތަނަވަސް އަތޮޅަކަށް ވިޔަސް، ރާއްޖޭ އެހެން ކުދި ރަށްތަށް ފަދައިން ރީތި ދޮންވެލި ތުނޑިތަކެއް އެކުލެވިގެން އުފެދިފައިވާ ރީތި ބީޗްތަކެއް އައްޑުއަތޮޅުގެ އެއްވެސް ތަނެއްގައި އުފެދިފައިނެތުމުން  ފަތުރުވެރިންނަށް  ޚާއްސަކޮށްގެން ހުޅުދުމީދޫގައި  ވަކި ސަރަހައްދުތަކެއް ކަނޑައަޅައި ދޮންވެލި ތުނޑިއެއް ހިމެނޭގޮތައް ބީޗެއް ހެދުމާއިބެހޭގޮތުން ވާހަކަ ދެއްކުމަށް  ބޭއްވޭ ބައްދަލުވުމެއްކަމަށެވެ.

އަތޮޅުމަދަރުސާގައި ބޭއްވުނު މިބައްދަލުވުމުގައި އައްޑޫގެ ފަތުރުވެރިކަން ކުރިއަރުވައި ތަރައްޤީކުރުމުގެ ގޮތުން ކުރަންޖެހޭ ކަންކަމާއި ގުޅޭގޮތުން ގިނަ ހިޔާލުތަކެއް ބައްދަލުވުމުގައި ބައިވެރިވި ފަރާތްތަކުން ވަނީ ހުށަހަޅާފައެވެ.

މިގޮތުން މިބައްދަލުވުމުގައި ވާހަކަ ދެއްކެވި ހުޅުދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ ހުޅުދޫގe  މާފިށި ސަރަހައްދުގައި އަޅާފައިވާ ފްލެޓްތަކާ ދިމާއަށް މޫދު ސަރަހައްދުގައި ބީޗް ހެދުމަށެވެ.

މީދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ އިސްމެހެލާހެރަ ކައިރީގައި އޮންނަ ފަޅުރަށުގެ ގޮޑު ދޮށުގައި ބީޗެއް ހެދުމަށެވެ. އަދި މީދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ މެދު ބަނދަރުގެ ސަރަހައްދުން ވަކި ސަރަހައްދެއް ހިއްކައިގެން އެސަހަރައްދުގައި ބީޗް ހެދުމަށެވެ.

މިބައްދަލުވުމުގައި ބައެއް ފަރާތްތަކުން ގެސްޓް ހައުސް ހެދުމަށް ބިން ދޫނުކޮށްގެން އެކަމާއިބެހޭގޮތުން ވާހަކަ ދައްކާފައިވާއިރު ބައެއް ފަރާތްތަކުން ވާހަކަ ދައްކަވާފައިވަނީ މިފަދަ ބައްދަލުމެއް ބާއްވާއިރު ކަމާއިބެހޭގޮތުން ތަޖުރިބާލިބިފައިތިބި ތަޖުރިބާކާރުން މިބައްދަލުވުމުގައި ބައިވެރިކުރަންޖެހޭނެ ފެންނަކަމަށެވެ.

ބީޗެއް ހެދުމަށް ސަރަހައްދެއް ކަނޑައެޅުމުގައި ދެއަވަށުގެ މީހުންގެ ޚިޔާލް ތަފާތުވެ  އެއްގަޑިއިރަށް ކުރިއަށް ގެންދާގޮތައް ނުވައެއް ޖެހިއިރު ފެށި މިބައްދަލުވުން 10 ޖެހިއިރު ނިންމާލީ މިކަމާބެހޭގޮތުން އިތުރު ބައްދަލުވުމެއް ބޭއްވުމަށް ނިންމުމަށްފަހުގައެވެ.

މިބައްދަލުވުމުގައި އެމްޑީޕީ ޕްރައިމަރީގައި ހުޅުދޫ ދާއިރާން ވާދަ ކުރައްވާ ސަފާތުއާއި ޑރ. އިބްރާހިމްދީދީގެ އިތުރަށް އެމްޑީޕީ މީދޫދާއިރާގެ ޕްރައިމަރީގައި ވާދަކުރައްވާ އަލްއުސްތާޒު އިމާދު ސޯލިހުގެ އިތުރަށް މީދޫ ދާއިރާއަށް އަމިއްލަގޮތުން ވާދަކުރައްވާ އަބްދުއްރަހުމާނާއި ހުޅުމީދޫގައި ގެސްޓް ހައުސް ހިންގަމުންދާ ބައެއް ފަރާތްތަކުންނާއި އާއްމުންގެ ގިނަ އަދަދެއްގެ ބަޔަކު ބައިވެރިވެފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކޮރޯނާ ވައިރަަސް: ޝައްކުވެ އައްޑޫއިން ނެގި ތިން ސާމްޕަލްވެސް ނެގެޓިވް

އަވައްޓެރި އިންޑީއާގެ ކޮޗިންއަށް ދަތުރުކޮށްފައި އައި މީހެއްގެ ފަރާތުން ކޮރޯނާ ވައިރަސްއަށް ޝައްކު ކުރެވިގެން އައްޑޫސިޓީން ސާމްޕަލް ނެގި ...

ރިޔާސީ އިންތިޚާބާއި ދިމާކޮށް 100އަށްވުރެ ގިނަ މީހުންނަަށް ފެނަކައިން ވަޒީފާ ދިން

ނިމިދިޔަ ރިޔާސީ އިންތިޚާބާއި ގާތްވެފައި ވަނިކޮށް ފެނަކަ ކޯޕަރޭޝަނަށް ސަތޭކައަށްވުރެ ގިނަ މުވައްޒަފުން ވައްދާފައިވާ ކަމަށް އެ ކުންފުނިން ...

އިދިކޮޅު މުޒާހަރާގެ ސަބަބުން މުޅި މަޖީދީމަގު ހުއްޓުމަކަށް

އިދިކޮޅު ފަރާތްތަކުން މާލޭގައި މިއަދާއި މިރޭ ކުރި މުޒާހަރާތަކުގައި މާލޭގެ އެންމެ ކާރޫބާރޫ ބޮޑު އެއް މަގު، މަޖީދީމަގު ...

ގެއްލުނު އިރު އަލީފަހުމީ ލައިގެން ހުރި ކަމަށް ބެލެވޭ ސޯޓު ފެނިއްޖެ

މޫދަށް އެރި އުޅެނިކޮށް ހޮނިހިރު ދުވަހު ހިތަދޫން ގެއްލުނު ދެކުދިންގެ ތެރެއިން ޗަނބޭލީގެ، އަލީ ފަހުމީ ލައިގެން ހުރި ...

ރައީސް ޔާމީނަށް އޮތް ތާއިދު ދައްކާލަން ހުޅުމީދޫ ގައި ސައިކަލް ބުރެއް ބާއްވައިފި

އަންނަ މަހުގެ 23 ވަނަ ދުވަހު ބާއްވާ ރިޔާސީ އިންތިހާބުގައި ޕީޕީއެމްގެ ފަރާތުން ވާދަކުރައްވާ ރައީސް އަބްދުﷲ ޔާމީން ...

ބަރަހަނާ ވެބްސައިޓްތައް ބްލޮކްކޮށްދެއްވާ! އައްޝެއިޚް އަލީ ޒައިދު

ބަރަހަނާ ވެބްސައިޓްތައް ބްލޮކްކޮށްދެއްވުމަށް ހޯމް މިނިސްޓަރު އައްޝެއިޚް އިމްރާން އަބްދުﷲއާއި ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރު މުހައްމަދު ...