• Categories
  • Archives

އެއްމާބަނޑު ދެކުދިންނަށް ބަލިވެއިން ރަޝްފާގެ ކުއްލި މަރާއެކު ފުވައްމުލަކުގެ ގިނަ ބަޔަކަށް ސިހުމެއް

ރާއްޖޭގައި ފަހަކަށް އައިސް މަދުން ނޫނީ ދިމާ ނުވާގޮތަކަށް އެއްމާބަނޑު ދެކުދިންނަށް ބަލިވެ އިން ޒުވާނަކު ރޭ ފަތިހު ކުއްލި ގޮތަކަށް ކ.މާފުށީގައި މަރުވުމާއެކު ފުވައްމުލަކުގެ ގިނަ ބަޔަކަށް ސިހުމެއް ގެނުވައިފިއެވެ.

އުމުރުން 20 އަހަރުގެ ފުވައްމުލަކު އޯޝަންވިލާ، ހޯދަޑު، ރަޝްފާ އަހުމަދު މަރުވެފައި ވަނީ މާބޮޑު ބައްޔެއް ނެތި ކުއްލި ގޮތަކަށް ކެއްސާތީ އުޅުމަށްފަހުގައެވެ.

ރަޝްފާ މަރުވި އިރު އޭނާ އިނީ އެއް މާބަނޑު ދެކުދިންނަށް ބަލިވެ އެވެ. ފިރިހެން ކުއްޖަކާ އަންހެން ކުއްޖެކެވެ. ބަނޑަށް އަށް މަސް ފުރިގެން ނުވަ މަހަށް އަޅައިފަ އެވެ.

ރަޝްފާ ދިރިއުޅެމުންދިޔައީ މާފުށީ މީހަކާއިދެގެން މާފުށީގައެވެ. އަލަށް ބަލިވެ އިން ރަޝްފާ ކެއްސާތީ ރޭވެސް ޑޮކްޓަރަށް ދެއްކި ކަމަށް މާފުށިން ވާހަކަދެއްކި މީހަކު ވަނީ ބުނެފައެވެ. އެހެން ނަމަވެސް މާފުށީ ސިއްހީ މަރުކަޒުން މިކަމާއި ގުޅޭ އިތުރު ތަފްސީލެއް ލިބޭ ގޮތް ވަނީ ނުވެފައެވެ.

މަރުވި ރަޝްފާއާ ގުޅޭ މައުލޫމާތު ކިޔައިދިން މީހަކު ބުނިގޮތުގައި ރަޝްފާ ރޭ އުޅުނީ ވަރަށް ބޮޑަށް ކެއްސާތީ އެވެ. އެހެންވެ ޑޮކްޓަރަށް ވެސް ދެއްކި ކަމަށް، އާއިލާއިން މީހަކު ކިޔައިދިނެވެ.

“ހުން އައިސް ހުއްޓަސް މި ދެ ދުވަހު ހުން މަޑުވެފައި ހުރީ. ދެން އޭނާ ވަރަށް ކެއްސާތީ އުޅުނީމަ ރޭ ޑޮކްޓަރަށް ވެސް ދެއްކި ކަމަށް އާއިލާއިން ބުނީ. އެކަމަކު ވެސް ކެއްސާ ވަރުން ނުވެސް ނިދޭ. އެހެން ހުރެފައި 12-1 ޖެހިއިރު ވަރަށް ހޮޑުވެސް ލި… ފަތިހު ބަނޑުހައިވެގެން ކާންދާން ވެގެން ހެދުން ބަދަލުކުރަނިކޮށް މަޑުމަޑުން އަރިއަޅާލީ. އެހެންވެ އޭނާ ފިރިމީހާ އޭނާ ގައިގައި ހިފެހެއްޓީ،” އެ ރަށު މީހަކު ބުންޏެވެ.

އެ ރަށުން ވާހަކަ ދެއްކި މީހާ ބުނީ ރަޝްފާގެ މަރާ އެކު މުޅި މާފުށި މިއަދު އޮތީ ހަމަހިމޭން ކަމެއްގެ ތެރޭގައި ކަމަށެވެ. އޭނާ ބުނީ، ރަޝްފާގެ ހަށިގަނޑު އޭނާގެ އާއިލާގެ މީހުން އަންނަންދެން ވަޅު ނުލައި ބާއްވާފައިވާ ކަމަށެވެ.

މަރުވެ ދިޔައީ ހިތް ހެޔޮ ޒުވާނެކެވެ. ވަކިވެގެންދިޔައީ ތިން ފުރާނަ އެވެ. ރަޝްފާގެ އާއިލާ އަށް ކެތްތެރިކަން ދެއްވާށި އެވެ.

ރަޝްފާގެ ކަށުނަމާދު ކުރަން ހަމަޖެހިފައި ވަނީ މިރޭ މައުރިބް ނަމާދަށްފަހު މާފުށީ ހުސައިން މަނިކް މިސްކިތުގައެވެ.

މަސްދަރު: ފުވައްމުލަކު ޓައިމްސް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރައީސް ޔާމީން ހައްޔަރު ކުރުމުގެ އަމުރަކަށް ޕީޖީން ކްރިމިނަލް ކޯޓުގައި އެދިއްޖެ

ކުރީގެ ރައީސް އަބުދުﷲ ޔާމީން އަބުދުލް ގައްޔޫމު ހައްޔަރު ކުރުމުގެ އަމުރަކަށް ޕްރޮސެކިއުޓާ ޖެނެރަލް ކްރިމިނަލް ކޯޓުގައި އެދިއްޖެ ...

ރަނިންގ މޭޓަކަށް ވުމަށް އިދިކޮޅުން ވެސް ހުށަހެޅި – ޑރ.ޝަހީމް

ކުރިއަށް އޮތް ރިޔާސީ އިންތިޚާބުގައި އިދިކޮޅު ފަރާތްތައް ތަމްސީލުކުރާ ރިޔާސީ ކެންޑިޑޭޓުގެ ރަނިންގ މޭޓަކަށް ވުމަށް އިދިކޮޅު ފަރާތްތަކުން ...

ސިނަމާލެ ބްރިޖް ހައިވޭ މަތިން ކާރެއް ފުރޮޅާލައިފި

ސިނަމާލެ ބްރިޖަށް ދާން އޮންނަ ހައިވޭ މަތިން ކާރެއް ފުރޮޅާލައިފިއެވެ. ފުލުހުންގެ ބަހެއް މިކަމުގައި ނުލިބޭތީ އެ ކާރު ...

މުއާޒް ޕީޕީއެމުން ވަކިވެއްޖެ

ރައީސް އޮފީހުގެ ކުރީގެ ތަރުޖަމާނު އިބްރާހިމް މުއާޒް އަލީ،  ޕީޕީއެމުން ވަކިވެއްޖެކަން ހާމަކޮށްފިއެވެ. މުއާޒް ޕީޕީއެމުން ވަކިވެއްޖެކަން ހާމަކުރައްވާފައިވަނީ ...

ކޮރޯނާވައިރަހަށް ފަރުވާދިނުމަށް 8 ދުވަސް ތެރޭގައި ޗައިނާއިން ހޮސްޕިޓަލެއް އަޅައިފި

ނުރައްކާތެރި ކޮރޯނާވައިރަހަށް ފަރުވާދިނުމަށް ޗައިނާގައި 1،000 އެނދުގެ ހޮސްޕިޓަލެއް 8 ދުވަސް ތެރޭގައި އަޅާ ނިންމާލައިފިއެވެ. ކޮރޯނާވައިރަހަށް ފަރުވާދިނުމަށް ...

ބޭރުގައި ފިލާ ތިބެ ދައްކާ ވާހަކައަކުން ރާއްޖެއަކަށް ގުޑުމެއް ނާރާނެ – ޑިފެންސް މިނިސްޓަރ

ބޭރުގައި ފިލާ ތިބެ ދައްކާ ވާހަކައަކުން ރާއްޖެއަކަށް ގުޑުމެއް ނާރާނެކަމަށް ޑިފެންސް މިނިސްޓަރު އާދަމް ޝަރީފް ވިދާޅުވެއްޖެއެވެ. މިނިސްޓަރު ...