• Categories
  • Archives

ޕީއެންސީ ރަޖިސްޓްރީކޮށްފިނަމަ އެޕާޓީގެ ފަރާތުން އިންތިޚާބުގައި ވާދަކުރުމަށް ހުރަހެއް ނޯންނާނެ – އަހުމަދު ޝަރީފް

Advertisement

ކުރީގެ ރައީސް ޢަބްދުﷲ ޔާމީން އިސްވެ އުފައްދާ “ޕީޕަލްސް ނޭޝަނަލް ކޮންގްރެސް” ރަޖިސްޓްރީކޮށްފިނަމަ އެޕާޓީގެ ފަރާތުން ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް ޤާނޫނީ އެއްވެސް ހުރަހެއް ނޯންނާނެކަމަށް އިލެކްޝަންސް ކޮމިޝަންގެ ރައީސް އަޙްމަދު ޝަރީފް ވިދާޅުވެއްޖެއެވެ.

ޝަރީފް މިހެން ވިދާޅުވީ، ޕީޕީއެމްގެ ފަރާތުން އަންނަ މަޖިލީހުގެ އިންތިޚާބުގައި ވާދަކުރާނެ ބައެއް ފަރަތްތަކަށް ޓިކެޓް ދީފައިވާއިރު، އަލަށް އުފައްދާ ޕީއެންސީގެ ނަމުގައި ވާދަ ނުކުރެވޭނެކަމަށް ކުރީގެ ރައީސް މުޙައްމަދު ނަޝީދު ވިދާޅުވުމާގުޅިގެންނެވެ.

ޕީއެސްއެމް ނިއުސްއާއި ވާހަކަ ދައްކަވަމުން އިލެކްޝަންސް ކޮމިޝަނުގެ ރައީސް އަޙްމަދު ޝަރީފް ވިދާޅުވީ، ޕީއެންސީއަކީ ވުޖޫދަށް އައިސްފައިވާ ޕާޓީއެއްނޫންކަމަށާ، އެޕާޓީ އުފެއްދުމަށް ބޭނުންވާ ތިންހާސް މީހުންގެ ސޮއި ހަމަކުރިކަމަށް ބުނިނަމަވެސް އަދި އިލެކްޝަންސް ކޮމިޝަނަށް ހުށައަޅާފައި ނުވާކަމަށެވެ. ތިންހާސް މީހުން ހަމަކޮށްފައި އީސީއަށް ހުށައެޅިނަމަވެސް އެ ފޯމްތައް ޕްރޮސެސްކުރުމަށް ވަގުތުނަގާނެކަމަށާއި، އެހެންކަމުން ޕީއެންސީގެ ފަރާތުން މަޖިލީހުގެ އިންތިޚަބުގައި ވާދަކުރެވޭނެކަމަށް ނުވަތަ ނުކުރެވޭނެކަމަށް ނިންމުން އަދި އަވަސްކަމަށެވެ.

ނަމަވެސް ތިންހާސް މީހުންގެ ސޮޔާއެކު ހުށަހަޅައި ޕާޓީ ރަޖިސްޓްރީވެއްޖެނަމަ އެޕާޓީގެ ފަރާތުން މަޖިލީހަށް ވާދަކުރުމަށް ޤާނޫނީ އެއްވެސް ހުރަހެއް ނޯންނާނެކަމަށްވެސް ޝަރީފް ވިދާޅުވިއެވެ.
ރޭ އެމްޑީޕީން ބޭއްވި ހަރަކާތެއްގައި ވާހަކަދައްކަވަމުން އެޕާޓީގެ ރައީސް އަދި ކުރީގެ ރައީސް މުޙައްމަދު ނަޝިދު ވިދާޅުވެފައިވަނީ، ރައީސް ޔާމީން އެހެން ޕާޓީއަކަށް ވަޑައިގަތުމަށްފަހު ކުރިން މަޖިލީހުގައި ވާދަކުރުމަށް ޕީޕީއެމްގެ ޓިކެޓު ދެއްވި ފަރާތްތަކަށް އައު ޕާޓީގެ ނަމުގައި ވާދަނުކުރެވޭނެކަމަށާއި، އެއީ ޤާނޫނު ތަންދޭކަމެއް ނޫންކަމަށެވެ.

ރައީސް ނަޝީދުގެ މިވާހަކަތަކަށް ރައްދު ދެއްވަމުން ޕީޕީއެމްގެ ޕާލިމަންޓްރީ ގްރޫޕްގެ ލީޑަރު އަޙްމަދު ނިހާން ޙުސައިން މަނިކު ވިދާޅުވީ، ޕީޕީއެމުން މަޖިލީހުގައި ވާދަކުރާ ފަރާތްތަކަށް ޓިކެޓް މިހާތަނަށް ދީފައިވަނީ ޕްރައިމަރީއަކާ ނުލާކަމަށާއި، އަދި އެޕާޓީގެ ޕްރައިމަރީއެއް ބާއްވާފައި ނުވާކަމަށެވެ. އަދި ޕްރައިމަރީއަކާ ނުލައި ޓިކެޓް ދިން ފަރާތްތަކުގެ ލިސްޓް އިލެކްޝަންސް ކޮމިޝަނަށް ހުށައަޅާފައިނުވާނެކަމަށްވެސް ނިހާން ވިދާޅުވިއެވެ.

2016 ވަނަ އަހަރުގެ ނޮވެމްބަރު މަހުގެ 23 ވަނަ ދުވަހު ސިޔާސީ ޕާޓީތަކާއި ބެހޭ ޤާނޫނަށް މަޖިލީހުން ގެނައި އިސްލާޙުގައިވަނީ، ސިޔާސ ޕާޓީއެއްގައި ރަޖިސްޓަރ ކޮށްފައިވާ މެންބަރަކު، ޤާނޫނު އަސާސީން ނުވަތަ ޤާނޫނަކުން ބާރުލިބިގެން ބާއްވާ އެއްވެސް އިންތިޚާބެއްގައި ސިޔާސީ ޕާޓީގެ ޓިކެޓް ހޯދުމަށް އެޕާޓީގެ ޕްރައިމަރީގައި ވާދަކޮށްފައިވާ މެންބަރަކު، އެއިންތިޚާބެއްގައި އެހެން އެއްވެސް ހައިސިއްޔަތަކުން ވާދަކޮށްގެން ނުވާނެކަމަށެވެ

މަސްދަރު : ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފެނަކަ ކޯޕަރޭޝަނުން 2 ސަރަޙައްދެއްގައި ފެންބަންދުކުރާ ކާރުޚާނާ ޤާއިމްކުރަނީ

ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފިއެވެ. ...

އައިޑީކާޑުގެ މުއްދަތު ހަމަވިޔަސް އާސަންދަ ލިބޭގޮތައް ހަދައިފި

“ހުސްނުވާ އާސަންދަ” ސްކީމްގެ ދަށުން އައިޑީ ކާޑުގެ މުއްދަތު ހަމަވެފައިވާ ނަމަވެސް އާސަންދަ ހިދުމަތް ލިބޭ ގޮތަށް ހަމަޖައްސައިފި ...

މީދޫގެއަކުން ވައްކަންކޮށްގެން މީދޫ މީހަކު ހައްޔަރުކޮށްފި

އައްޑޫ ސިޓީ މީދޫގެއަކުން މިދިޔަ މާރޗްމަހުގެ ތެރޭގައި ވައްކަން ކުރި މީހަކު ހައްޔަރުކޮށްފިއެވެ. ފުލުހުން ހާމަކޮށްފައިވާގޮތުން  މީދޫ  ގެއަކުން ...

ޢަބްދުﷲ ސަޢީދުގެ ޝަރީޢަތް ނިމެންދެން ބަންދުގައި ބެހެއްޓުމަށް ހުކުމް ކޮށްފި

އުއްތަމަ ފަނޑިޔާރު އަބްދުﷲ ސައީދުގެ މައްޗަށް އުފުލާފައިވާ ޓެރަރިޒަމްގެ ދައުވާގެ ޝަރީއަތް ނިމެންދެން ޖަލު ބަންދުގައި ބަހައްޓަން ކްރިމިނަލް ...

ފެނުގެ އަގާއި ކަރަންޓުގެ އަގު ރެކޯޑް މިންވަރަކަށް ހެޔޮކޮށްދޭނަން- ރައީސް ޔާމީން

ވެރިކަމުގެ ދެންއަންނަ ދައުރެއްގައި ޤައުމީ ފެންކުންފުނީގެ މެޖޯރިޓީ ޙިއްސާ ސަރުކާރުންގަނެ، ފެނުގެ އަގު ހެޔޮކޮށް، ރާއްޖޭގެ ކަރަންޓުގެ އަގު ...

ރޮޒެއިނާ ވެސް ހޯރަ އިއްބެ މިނިވަން ކުރުމާ ދެކޮޅު!

ގާނޫނުތައް ހެދިފައިވަނީ ރަނގަޅު މުޖުތަމައެއް ބިނާކުރުމަށް ކަމަށާއި ކުޑަކުދިންނަށް ކުރާ އެއްވެސް ކަހަލަ އަނިޔާއަކަށް ތާއީދުނުކުރާ ކަމަށް ރައްޔިތުންގެ ...