• Categories
  • Archives

ސިޔާސީ ޖަގަހައަކަށް ފެނަކަ ނުވާނެ

ސިޔާސީ ޖަގަހައަކަށް ފެނަކަ ނުވާނެ ކަމަށް އެ ކުންފުނީގެ މެނޭޖިން ޑިރެކްޓަރު އަހުމަދު ސައީދު  ވިދާޅުވެއްޖެއެވެ.

އަހުމަދު ސައީދު  މިހެން ވިދާޅުވީ ރާއްޖެޓީވީގެ ޕްރޮގްރާމަކަށް ދެއްވި އިންޓަވިއުއެއްގައި ވާހަކަފުޅު ދައްކަވަމުންނެވެ.

މި ޕްރޮގްރާމްގައި ވާހަކަފުޅު ދައްކަވަމުން ސައީދު އިތުރަށް ވިދާޅުވީ ސަރުކާޜު ދަމަހައްޓާނީ ރައްޔިތުންނަށް ބޭނުންވާ އަސާސީ ހިދުމަތް ދީގެން ކަމަށާއި  ފެނަކަ އަކީ ރައްޔިތުންނަށް ވަރަށް އަސާސީ ހިދުމަތް ދޭ ކުންފުންޏަކަށް ވާތީ، ސަރުކާރުގެ ސިޔާސަތުތައް ދަމަހައްޓާނެ ކުންފުންޏަކަށް ފެނަކަ ވާނެ ކަމަށެވެ.

އަދި ފެނަކަ އަކީ ސިޔާސީ ޖަގަހައެއް ކަމަށް ގަބޫލު ނުކުރައްވާ ކަމަށާއި ކެމްޕެއިން ޖަގަހައަކަށް ނުވިނަމަވެސް ސަރުކާރުގެ ސިޔާސަތުތައް ދެމެހެއްޓި ތަންފީޒު ކުރެވޭނެ ކަމަށް ވިދާޅުވިއެވެ.

”ސަރުކާރު ދަމަހައްޓާނީ ކުންފުނީގެ ސިޔާސަތުތަކުގެ ތެރެއިން. އެއީ ހަރުދަނާ ނިޒާމެއްގެ ތެރެއިން އަސާސީ ހިދުމަތް ދިނުން. ކެމްޕެއިން ޖަގަހައެއްގެ ގޮތުގައެއް ނޫން،“ ސައީދު ވިދާޅުވިއެވެ.

ރާއްޖޭގެ އެކި ކަންކޮޅުތަކުގައި ހުންނަ ފެނަކައިގެ ބުރާންޗުތަކުގައި ކުރީގެ ސަރުކާރުގައި އިސްކޮށް އުޅުނު މީހުން ވަކިކުރާނެތޯ ދެންނެވި ސުވާލަކަށް ޖަވާބު ދެއްވަމުން ސައީދު ވިދާޅުވީ، އެބޭފުޅުންނަކީ އެއްވެސް އިރެއްގައި މުވައްޒަފުންނަށް އަނިޔާވެރިވާ ބައެއް ނޫން ކަމަށެވެ.

އަދި މުވައްޒަފުންގެ ވިސްނުމާއި ފިކުރަށް ބަލާފައެއް އެބޭފުޅުންގެ ހައްގުތަކަށް އަރައިގަންނާކަށް ނުޖެހޭ ކަމަށާއި ނަމަވެސް ފެނަކައިގެ ހިދުމަތަކީ އަސާސީ ހިދުމަތަކަށްވީތީވެ، އެ ހިދުމަތް ފޯރުކޮށްދިނުމުގައި އިހުމާލުވާ މުވައްޒަފުންނާ ދޭތެރޭގައި އޮންނަ ހަމަތަކުން ފިޔަވަޅު އަޅާނެ ކަމަށް ސައީދު ވިދާޅުވިއެވެ.

އޭނާ ވިދާޅުވީ، ފެނަކަ އަކީ ސާފު ސީދާ ފައިދާއެއް އަދި ނުލިބޭ ކުންފުންޏެއް ނަމަވެސް ކުންފުނިން ކުރާ އިސްރާފާއި ބޭކާރު ކަންތައް ހުއްޓާލައިގެން މިހާރު އޮތް ހާލަތަށްވުރެ ރަނގަޅު ހާލަތަކަށް ގެންދެވޭނެ ކަމަށެވެ.

”ވަރަށް ކެރި ހުރެގެން ދަންނަވާނަން މި ސަރުކާރުގައި މި ކުންފުނީގައި ކޮރަޕްޝަނަށް މަގުފަހިވާ އަމަލެއް ވައްކަމެއް ނުކުރާނަން. އެފަދަ ކަމެއް މަގުފަހިވާކަމެއް ވެސް އެނގިހުރެ ނުކުރާނަން،“ ސައީދު ވިދާޅުވިއެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ފެނަކަ ކޯޕަރޭޝަންގެ ބްރާންޗް ތައް  ބޭނުންކޮށްގެން ކެމްޕެއިން ހަރަކާތްތަކާއި ކޮރަޕްޝަނަށް މަގުފަހިވާގޮތައް ގިނަކަންތައްތަކެއް ކޮށްފައިވާ   ވާހަކަ ދެކެމުން ގޮސްފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރޮޒެއިނާ ވެސް ހޯރަ އިއްބެ މިނިވަން ކުރުމާ ދެކޮޅު!

ގާނޫނުތައް ހެދިފައިވަނީ ރަނގަޅު މުޖުތަމައެއް ބިނާކުރުމަށް ކަމަށާއި ކުޑަކުދިންނަށް ކުރާ އެއްވެސް ކަހަލަ އަނިޔާއަކަށް ތާއީދުނުކުރާ ކަމަށް ރައްޔިތުންގެ ...

ކަނޑުމަތީގައި ނުރައްކާތެރި އެކްސިޑެންޓެއް، އެކަކު މަރުވެ އެކަކު ގެއްލިގެން ހޯދަނީ

ކ ގުޅީ ބޭރުން ދެ ލޯންޗް ޖެހި ހިނގި ނުރައްކާތެރި  އެކްސިޑެންޓުގައި ބިދޭސީއަކު ނިޔާވެ ދިވެއްސަކު ގެއްލިގެން ހޯދަން ...

ޕްރިންސް ހެރީއާ މެގަން މާކެލްގެ ކައިވެނީގެ ބްރައިޑްސް މެއިޑަކަށް ޕްރިޔަންކާ!

  ބޮލީވުޑްގެ މަޝްހޫރު ތަރި އަދި ދުނިޔޭގެ ރީތީގެ ރާނީގެ ތާޖު ހޯދާފައިވަާ ޕްރިޔަންކާ ޗޯޕްރާ، އިނގިރޭސި ޝާހީ ...

އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެ ވަޑައިގަތުމަށް ނިންމަވައިފި

ފަސޭހަފުޅު ވަގުތެއްގައި ރާއްޖެއަށް ރަސްމީ ދަތުރުފުޅެއް ކުރެއްވުމަށް އިންޑިއާގެ ބޮޑުވަޒީރު ނަރެންދްރަ މޯދީ އަށް ރާއްޖޭގެ ރައީސުލްޖުމްހޫރިއްޔާ ޢަބްދުﷲ ...

ނޮވެމްބަރު 1 ގައި ރާއްޖެދާން – ރައީސް ނަޝީދު

އަންނަ ނޮވެމްބަރު މަހުގެ އެއް ވަނަ ދުވަހު ރާއްޖެވަޑައިގަންނަވަން ގަސްތުކުރައްވާކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ. ރައީސް ...

ރައީސް އޮފީހުގެ ޗީފް ސްޓްރެޓެޖިސްޓުގެ މަގާމަށް ސ. ހިތަދޫ އާސީނުގޭ ހޫދު އައްޔަން ކުރައްވައިފި

ރައީސް އޮފީހުގެ ޗީފް ކޮމިއުނިކޭޝަންސް ގެ މަގާމަށް އިބްރާހިމް ހޫދު ރައީސް އިބްރާހިމް މުހައްމަދު ސޯލިހް އައްޔަން ކުރައްވައިފި ...