• Categories
  • Archives

އަދީބް އަނބުރާ ޖަލަށް ގެންގޮސްފި

ކުރީގެ ނާއިބު ރައީސް އަޙްމަދު އަދީބު ޢަބްދުލްޣަފޫރުގެ މައްޗަށް ކޮށްފައިވާ 33 އަހަރުގެ ޖަލު ހުކުމް ތަންފީޒުކުރުމަށް އަނބުރާ ޖަލަށް ގެންގޮސްފިއެވެ.

އަނބުރާ ޖަލަށް ގެންދިއުމަށްޓަކައި އަދީބް ދިރިއުޅުއްވާ ގެކޮޅަށް ކަރެކްޝަނަލް ސަރވިސްގެ ބޭފުޅުންނާއި ފުލުހުން ވަޑައިގެން އަދީބު ގެންގޮސްފައިވަނީ އޭނާގެ މައްޗަށް އިއްވާފައިވާ ޖަލު ހުކުމް ތަންފީޒުކުރުން ކުރިއަށްދާނެކަމަށް ހޯމް މިނިސްޓަރ މިއަދު ވިދާޅުވެފައި ވަނިކޮށެވެ. ފުލުހުންގެ ސެކިއުރިޓީއާ އެކު އަދީބު ގެންދިޔައީ ކަރެކްޝަނަލް ސަރވިސްގެ ވެހިކަލެއްގައެވެ.

އަދީބު ކަރެކްޝަނަލް ސާރވިސްގެ ބެލުމުގެ ދަށަށް ގެންދިއުމާއި ގުޅިގެން އަދީބުގެ ވަރަށް އަރިސް ބޭފުޅެއްގެ ގޮތުގައި ހުންނެވި އަދި އަލަށް އުފެއްދި ސިޔާސީ ޕާޓީއެއްކަމަށްވާ އެމްޓީޑީގެ ނާއިބު ރައީސްކަން ކުރައްވާ ވެލިދޫ ދާއިރާގެ މެންބަރު ޢަބްދުﷲ ޔާމީން ރަޝީދު މީޑިއާއަށް ވިދާޅުވީ، އަދީބުގެ ބޭސްފަރުވާއަށްޓަކައި ގޭބަންދަށް ބަދަލުކޮށްފައި ވީނަމަވެސް އަދިވެސް ބޭސްފަރުވާ ނުނިމޭކަމަށެވެ. އަދި އަދީބުގެ ސިއްހީ ހާލަތު ރަނގަޅު ނޫންކަމަށްވެސް ޔާމީން ވިދާޅުވިއެވެ. އޭނާ ވަނީ އަދީބު ވަގުތުން ދޫކޮށްލުމަށް ހޯމް މިނިސްޓަރަށާއި ސަރުކާރަށް ގޮވާލައްވާފައެވެ.

“ވަޑައިގެންނެވި ކަރެކްޝަންގެ ބޭފުޅުންނާ އަޅުގަނޑުމެން، އެމްޓީޑީގެ ރައީސް އަދީބު ސުވާލު ކުރެއްވި، ކިހިނެތްތޯއޭ މެޑިކަލް އެބަ އޮތެއް ނޫންތޯއޭ, އަދި މުއްދަތު ހަމަނުވާކަމަށް ވިދާޅުވީމަ ވިދާޅުވީ، ތިމަންނާ މެންނަށް މަތިން އަންގަވާފައޭ އޮތީ ގެންދަން ދެން އެހެން ވީމަ އިތުރަކަށް އިތުރު ތަފްސީލެއް އެބޭފުޅުން ނުދެއްވާ” ޔާމީން ވިދާޅުވިއެވެ.

ޔާމީން މިހެން ވިދާޅުވެފައިވާއިރު، އަދީބުގެ ސިއްޙީ ޙަލާތު ހުރިގޮތުން ވަގުތީ ގޮތުން ގޭބަންދަށް ބަދަލުކޮށްފައިވަނީ ޑޮކްޓަރު ދެއްވާފައިވާ ލަފައާއި ލިޔެކިއުމާ އެއްގޮތަށް ކަމަށް ހޯމް މިނިސްޓަރ ވަނީ މިއަދު ވިދާޅުވެފައެވެ. މިނިސްޓަރ ވިދާޅުވީ، މޯލްޑިވްސް ކަރެކްޝަނަލް ސާވިސްގެ ބެލުމުގެދަށުން އަދީބުގެ ޙުކުމްތައް ތަންފީޒުކުރުމުގެ ކަންތައްތައް ބަލަހައްޓަމުންދާނެ ކަމަށެވެ.

ސިއްހީ ހާލަތު ހުރިގޮތުން ގޭބަންދަށް ބަދަލުކުރި އަދީބު ވަނީ ގޭބަންދުގައި ހުންނަވައިގެން ސިޔާސީ ބައެއް މަސައްކަތް ފަށްޓަވާފައެވެ.

އެގޮތުން އަލަށް އުފެއްދި މޯލްޑިވްސް ތަރޑްވޭ ޑިމޮކްރޭޓްސް އަކީ އަދީބު އިސްވެ ހުންނަވައިގެން އުފެއްދެވި ޕާޓީއެކެވެ. އެޕާޓިއަށް އެންމެ ފުރަތަމަ ސޮއިކުރެއްވީވެސް އަދީބެވެ. އަދި އެޕާޓިގެ ރައީސްގެ މަޤާމަށް އެޕާޓީގެ ކައުންސިލުން ވަނީ އަދީބު ޢައްޔަންކޮށްފައެވެ. ނަމަވެސް އިލެކްޝަންސް ކޮމިޝަނުން ވަނީ ޖަލު ހުކުމެއް ތަންފީޒްކުރަމުންދާ ޤައިދީއަކަށް ސިޔާސީ ޕާޓިއެއްގެ އެއްވެސް މަޤާމެއް ނުފުރެއްވޭނެކަމަށް ވިދާޅުވެފައެވެ.

ކުރީގެ ނާއިބު ރައީސް އަޙްމަދު އަދީބު 33 އަހަރުގެ ޖަލު ހުކުމެއް އިއްވާފައިވަނީ، އެމްއެމްޕީއާރުސީގެ ބޮޑު ކޮރަޕްޝަނާގުޅޭ ބައެއް މައްސަލަތަކާއި ރިޔާސީ ލޯންޗުކޮޅު ފިނިފެންމާގައި އެއްޗެއް ގޮއްވާލި މައްސަލަ ސާބިތުވުމާއި ގުޅިގެންނެވެ. ވަކިވަކިން ކޮށްފައިވާ މިޙުކުމްތައް ތަންފީޒު ކުރުމުގައި އަދީބުވަނީ މިހާތަނަށް ތިން އަހަރަށް ވުރެ ގިނަ ދުވަސް ހޭދަކުރައްވާފައެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މާލޭގައި ފެންބޮޑުވުމުގެ ސަބަބުން 160 އާއިލާއަކުން އެހީތެރިކަމަށް އެދިފައިވޭ – ރައީސް

މާލޭ ސިޓީގައި ފެންބޮޑުވުމުގެ ސަބަބުން މިހާތަނަށް 160 އާއިލާއަކުން އެހީތެރިކަމަށް އެދި ރިޕޯޓުކޮށްފައިވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ...

ޓްރިވެންޑްރަމްގައި ދިވެހީން އުޅޭ ސަރަހައްދެއްގައި ކޯރެއް ބަންޑުންވެ ދިވެހި ތިން އާއިލާއެއް ހާލުގައި ޖެހިއްޖެ

ޓްރިވެންޑްރަމްގެ ކޯރެއް ބަންޑުންވުމުގެ ސަބަބުން އެ ސަރަހައްދުގައި ދިރިއުޅޭ ދިވެހި ތިން އާއިލާއެއް ހާލުގައި ޖެހިއްޖެ އެވެ މައުލޫމާތު ...

އެމްއެންޑީއެފް ނޮދަން އޭރިއާގައި މަސައްކަތްކުރައްވަމުން ގެންދެވި ކެޕްޓަން މުޙައްމަދު ރާމިޒް ކުއްލި ގޮތަކަށް ނިޔާވެއްޖެ

އެމްއެންޑީއެފް ނޮދަން އޭރިއާގައި މަސައްކަތްކުރައްވަމުން ގެންދެވި ކެޕްޓަން މުޙައްމަދު ރާމިޒް ކުއްލި ގޮތަކަށް މިއަދު ނިޔާވެއްޖެއެވެ. ކެޕްޓަން މުޙައްމަދު ...

ފުޓްބޯޅަ ކުޅެން ހުއްޓައި މިއަދު މީހަކު މަރުވެއްޖެ

ފުޓްބޯޅަ ކުޅެން ހުއްޓައި މިއަދު މީހަކު މަރުވެއްޖެ އެވެ. ކ. ހިންމަފުށީ އައްސޭރި ޖަލުގައި ހުކުމް ތަންފީޒު ކުރަމުން ...

ވީހާވެސް ބޮޑަށް ރޮޒެއިނާއަށް ތާއިދުކޮށް ރޮޒެއިނާއަށް ވޯޓްދެއްވާ- ހިޝާމް

އަޅުގަޑުމެންގެ މުޖުތަމައުގެ ހަމަހަމަކަމާ އަމާންކަން އަދި  އިޖްތިމާއީ ފޭރާން  ގާއިމްކުރުމަށްޓަކައި ސިޔާސީ ފިކުރުން އެއްކިބާވެގެންތިބެ ވީހާވެސް ބޮޑަށް ރޮޒެއިނާއަށް ...

އާތު އަވަރ ފާހަގަ ކުރުމުގެ ގޮތުން ހުޅުދޫއާއި މީދޫގެ މަގުބައްތިތައް ނިއްވާލެވުނު

މިރޭ 20:30 ން 21:30 އަށް ފާހަގަކުރެވުނު އާތުއަވަރ “ދުނިޔެއަށްޓަކައި އެއްގަޑިއިރު” ހަރަކާތުގައި ބައިވެރި ވުމުގެ ގޮތުން ހުޅުދޫއާއި ...