• Categories
  • Archives

ޖުޑިޝަރީ އިސްލާޙް ކުރުމަށް ދަނީ މަޝްވަރާ ކުރަމުން –ޝައުނާ

ރާއްޖޭގެ ޖުޑިޝަރީއާއި ޖުޑީޝަލް ސަރވިސް ކޮމިޝަންގައި ހުރި މައްސަލަތައް ޙައްލުކުރުމަށް ބަންޑާރަ ނާއިބްގެ އޮފީހާ މަޝްވަރާ ކުރަމުން އަންނަ ކަމަށް ރައީސް އޮފީހުގެ ޕޮލިސީ ސެކްރެޓަރީ އާމިނަތު ޝައުނާ ވިދާޅުވެއްޖެވެ.

އާމިނަތު ޝައުނާ މިހެން ވިދާޅުވީ ސަރުކާރުން 30 ދުވަހުގެ ތެރޭގައި ކޮށްފައި މަސައްކަތްތަކާގުޅޭ މަޢުލުމާތު ހިއްޞާ ކުރައްވަމުންނެވެ.

ރައީސް އޮފީހުގެ ޕޮލިސީ ސެކްރެޓަރީ އާމިނަތު ޝައުނާ ވިދާޅުވީ، ޖުޑިޝަރީ އާއި ޖޭއެސްސީ އިސްލާހު ކުރުމަކީ 30 ދުވަހުން ނިންމޭ ވަރަށް ވުރެ ބޮޑު މަސައްކަތެއް ކަމަށެވެ.

ޝައުނާ ވިދާޅުވީ، އެކަމަކީ މަޝްވަރާކޮށްގެން ކުރެވޭ ވަރުގެ މަސައްކަތެއް ކަމަށާއި، އެހެން ކަމުން އެކަން ހައްލުކުރުމަށް ދިރާސާތައް ކުރަމުންގެންދާ ކަމަށެވެ. އެގޮތުން އެމައްސަލަ ޙައްލު ކުރުމުގައި ބޭރުގެ ޖަމްޢިއްޔާ ޖަމާޢަތްތަކުގެ ލަފައަށްވެސް ބަލާނެކަމަށްވެސް ސައުނާ ވިދާޅުވިއެވެ.

އޭނާ ވިދާޅުވީ، ޖުޑިޝަރީ އާއި ޖޭއެސްސީ އިސްލާހު ކުރުމަށް ބަންޑާރަ ނާއިބާއި ފަނޑިޔާރުންނާއި ވަކީލުން އަދި ކަމާބެހޭ އެހެން ފަރާތްތަކާވެސް މަޝްވަރާ ކުރާނެ ކަމަށެވެ. އެއާއެކު ރައީސް ޞާލިހްގެ ވެރިކަމުގެ ދައުރުގައި އިންސާފް ޤާއިމް ކުރެވޭނެ ފުރިހަމަ ނިޒާމެއް އެކުލަވާލެވޭނެކަމަށްވެސް ސައުނާ ވިދާޅުވިއެވެ.

“އިރާދަ ކުރެއްވިއްޔާ މި ސަރުކާރުގެ 5 އަހަރުގެ ދައުރު ނިމިގެންދާއިރު ރާއްޖޭގައި ފުރިހަމައަށް އިންސާފު ގާއިމް ކުރެވޭނެ ފަދަ ނިޒާމެއް ގާއިމް ކުރެވޭނެ. އެކަމުގެ ފައުންޑޭޝަންގެ މަސައްކަތްތައް މިހާރު މި ކުރެވެމުން ދަނީ.” ޝައުނާ ވިދާޅުވިއެވެ.

ޖުޑިޝަރީ އާއި ޖޭއެސްސީ އިސްލާހު ކުރުމުގެ މަސައްކަތް ފެށުމަކީ ރައީސް އިބްރާހިމް މުޙައްމަދު ޞާލިހްގެ ސަރުކާރުގެ ފުރަތަމަ 30 ދުވަހުގެ ތެރޭގައި ހިމެނޭ ވައުދެކެވެ.

ޖުޑިޝަރީ އާއި ޖޭއެސްސީ އިސްލާހު ކުރުމަށް ސަރުކާރުން މަޝްވަރާ ކުރަމުން އަންނައިރު، މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގު ކުރުމަށް ރައީސް ޞާލިހް އުފައްދަވާފައިވާ ކޮމިޝަނުގެ ރައީސް ހުސްނުއް ސުއޫދު ދާދިފަހުން ވަނީ ކްރިމިނަލް ކޯޓުން ބައެއް މައްސަލަތައް ނިންމަނީ ވަކިފަރާތަކަށް ޖެހިގެންކަމަށް ވިދާޅުވެ ބޮޑެތި ތުހުމަތުތަކެއް އަމާޒު ކުރައްވާފައެވެ.

ސުއޫދު ވިދާޅުވެފައި ވަނީ ބޮޑެތި މައްސަލަތައް ބަލަން ފަނޑިޔާރުން އައްޔަން ކުރުމުގައި ގޭންގުތަކުގެ ނުފޫޒު އޮންނަ ކަމަށާއި ބައެއް މައްސަލަތައް ވަކިކޮޅަކަށް ނިންމުމުގައިވެސް ގޭންގު ތަކުން ނުފޫޒު ފޯރުވާފައިވާ ކަމަށެވެ. އަދި ފަނޑިޔާރުންގެ ސެކިއުރިޓީންގެ ގޮތުގައިވެސް ގޭންގުތަކުން ހަރަކާތްތެރިވާ ކަމަށް ސުޢޫދުވަނީ ވިދާޅުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އަގު ބޮޑުކޮށްފިނަމަ މަޖޫރިންނާއި މުދާ އުފުލާ އުޅަނދުތައްވެސް މި ސަރުކާރުން ކޮންޓްރޯލް ކުރާނެ – ސައީދު

މާލެ ތެރޭގައި މުދާ އުފުލާ ގަޑިއަށް ބަދަލު ގެނައުމުން މުދާތައް ކްލިޔާ ކުރާ މަޖުރީންނާއި އަދި އެމްޕީއެލްއިން މުދާ ...

ހުޅުމީދޫ ހިމެނޭގޮތައް ދިހަ ރަށެއްގެ ކަރަންޓުގެ ހާލަތު ރަނގަޅު ކުރުމަށް ޖަނަރޭޓަރ ސެޓުތައް ފޮނުވައިފި

ހުޅުމީދޫ ހިމެނޭ ގޮތައް ރާއްޖޭގެ 10 ރަށެއްގެ  ކަރަންޓުގެ ޚާލަތު ރަނގަޅުކުރުމަށް 10 ރަށަކަށް ޖަނަރޭޓަރ ސެޓްތައް ފޮނުވައިފިއެވެ. ...

މުޖުރިމުން ދައްކާ ދޮގުތަކުގެ ވާހަކަ ނޫސްތަކުގައި “ކެރީކުރީމަ” އަޅުގަނޑު ހިތާމަ ކުރަން – ރައީސް

މުޖުރިމުން ދައްކާ ބޮޑެތި ބުހުތާނު ދޮގުތަކުގެ ވާހަކަ ނޫސްތަކުގައި ކެރީކުރީމަ ހިތާމަފުޅު ކުރައްވާކަމަށް ރައީސުލްޖުމްހޫރިއްޔާ ޢަބްދުލް ޤައްޔޫމް ވިދާޅުވެއްޖެއެވެ. ...

މިހާރު ހުށަހެޅިފައިމިވާ އިސްލާހުން ކޮރަޕްޝަން ހުއްޓުވުމާއި މަނާކުރުމުގެ ޤާނޫނަށް ވުރެ މާތަފްސީލީ ގޮތަކަށް އެކުށް ބަޔާންކޮށްފައިވާނެ- ނިހާނ

ރިޝްވަތުގެ ކުށް ޤާނޫނުލް އުޤޫބާތުން އުންޏެއް ނުކުރާނެކަމަށާއި، ނަމަވެސް ރިޝްވަތު ހުއްޓުމަށް މުޅިން އާ ބާބެއް ޤާނޫނުލް އުޤޫބާތަށް ...

އައްޑޫއާއި ފުވައްމުލަކަށް ވެމްކޯގެ “ކެޕްސް” ޚިދުމަތް ތަޢާރަފްކުރަނީ

އައްޑޫ އާއި ފުވައްމުލައް ސިޓީގައި ވެމްކޯގެ “ކެޕްސް” ޚިދުމަތް ތަޢާރްފަކުރުމަށް ތައްޔާރުވަމުންދާކަމަށް އެ ކުންފުނިން ބުނފިއެވެ. ކޯލް އެންޑް ...

ރޮޒޭއަކީ ކޮންމެހެން ރަށްޔިތުންގެ މަޖިލިހަށް އިންތިޚާބްކުރަންޖެހޭ ކުޅަދާނަ އަންހެން ބޭފުޅެއް- ރައީސް ނަޝީދު

Advertisement ރޮޒޭއަކީ އަޅުގަޑުގެ ވަރަށްބޮޑު އިތުބާރާއެކީގައި އަޅުގަޑުމެން ކޮންމެހެން އެބޭފުޅާ ރަށްޔިތުންގެ މަޖިލިހަށް އިންތިޚާބްކުރަންއެދޭ ކުޅަދާނަ އަންހެން ބޭފުޅެއްކަމަށް ...