• Categories
  • Archives

ސްރީ ލަންކަން އިން އައްޑޫ ދަތުރުތައް ހުއްޓާލަނީ

ސްރީލަންކަން އެއަރލައިންސްއިން އައްޑޫ ސިޓީއަށް ކުރަމުން އަންނަ ދަތުރުތައް އެޕްރީލްމަހުގެ އެއްވަނަ ދުވަހުން ފެށިގެން ވަގުތީގޮތުން މެދުކަނޑާލަން ނިންމައިފިއެވެ.

ސްރީލަންކަން އެއަރލައިންސްގެ ރާއްޖޭގެ ޖެނެރަލް ސޭލްސް އެޖެންޓު، އޭސް އޭވިއޭޝަންގެ މެނޭޖިން ޑިރެކްޓަރު މުހައްމަދު ފިރާގު ވިދާޅުވީ ސްރީލަންކަންގެ ދަތުރުތައް މެދުކަނޑާލަނީ އެއަރޕޯޓުން ލިބެންޖެހޭ ބައެއް ޙިދުމަތްތައް ނުލިބޭތީކަމަށެވެ. އެގޮތުން 2 އަހަރުވީއިރުވެސް އިމިގްރޭޝަން އާ ގުޅުން ހުރި ބައެއް ކަންތައްތައް ހައްލުވެފައިނުވާކަމަށް ސްރީލަންކަން އެއަރލައިންސްއިން ބުނެއެވެ. އަދި ސްރީލަންކަން އެއަރލައިންސްއަށް ދިމާވެފައިވާ މާލީ ގެއްލުމަކީވެސް މި ދަތުރުތައް ހުއްޓާލާ ސަބަބެއްކަމަށް ފިރާގު ވިދާޅުވިއެވެ.

މިހާރު ހަފްތާއަކު 3 ދަތުރު ނުވަތަ 4 ދަތުރު ސްރީލަންކަން އެއަރލައިންސްއިން އައްޑޫ ސިޓީއަށް އަންނަނީ ކުރަމުންނެވެ. އޭޕްރީލް މަހުގެ 1 ވަނަ ދުވަހުން ފެށިގެން ޝެޑިއުލް ދަތުރުތައް ހުއްޓާލަން ނިންމިނަމަވެސް އެއްކޮށް ދަތުރުތައް މެދުކަނޑާނުލައި ދަތުރުތައް ބޭއްވޭތޯ މަސައްކަތް ކުރަމުން އަންނަކަމަށް ފިރާގް ވިދާޅުވިއެވެ.

ސްރީލަންކަން އިން އައްޑޫ ސިޓީ ގަމަށް ދަތުރު ފެށީ 2016 ވަނަ އަހަރުގެ ޑިސެމްބަރުގައެވެ. 2 އަހަރުވީއިރު މިހާތަނަށް ސްރީލަންކަން އެއަރލައިންސްއިން އައްޑޫ ސިޓީއަށް ފަންސާސް ހާސް ފަތުރުވެރިން އައިސްފައިވާކަމަށް އޭސް އޭވިއޭޝަނުން ބުނެއެވެ. އަދި މި ދަތުރުތަކުގައި ފަސް ސަތޭކަ ހާސް ޓަނުގެ މުދާ ވަނީ ރާއްޖެ ގެނެސްފައެވެ.

ދެކުނުގެ އަތޮޅުތަކުގެ ރައްޔިތުންނަށް ފަސޭހަކަމާއެކު ލަންކާއާއި އިންޑިޔާއަށް ދިއުމުގެ ފުރުސަތު ސްރީ ލަންކަން އައްޑޫ ދަތުރުތަކުން ލިބެމުންދާއިރު އައްޑުއަތޮޅުގައި ހިންގަމުންދާ ގެސްޓް ހައުސްތަކަށާ ދެ ރިސޯޓަށްވެސް ޓުއަރިސްޓް ގެނައުމަށް ފަސޭހަތަކެއް ލިބެމުން ދެއެވެ.

 

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފެނަކައިގެ އާއިލާތަކަށް ޚާއްސަކޮށްގެން ޤުރުއާން މުބާރާތެއް ފަށައިފި

ފެނަކަ ކޯޕަރޭޝަންސް ލިމިޓެޑުން އެ ކުންފުނީގެ މުވައްޒަފުންގެ އާއިލާތަކަށް ޚާއްސަކޮށްގެން ކުރިއަށްގެންދާ ޤުރުއާން މުބާރާތް ފަށައިފިއެވެ. މި މުބާރާތް ...

ވޯލްޑް ސްޕާ އެވޯޑްސް 2018 ރާއްޖޭގައި ބާއްވަން ނިންމައިފި

ވޯލްޑް ސްޕާ އެވޯޑްސް 2018 ރާއްޖޭގައި ބާއްވަން ހަމަޖައްސައިފިއެވެ. ފަތުރުވެރިކަމުގެ ދާއިރާގައި ބައިނަލްއަގުވާމީ ގޮތުން ދޭ އެންމެ ޝަރަފުވެރި ...

އެކެއް ފެބްރުއަރީގެ ބަޣާވާތުގެ ބައިވެރިން ރާވާފައިއޮތީ ރައީސް ހަވަރަށް ދޭން – ޑިފެންސް މިނިސްޓަރ

އެކެއް ފެބްރުއަރީގެ ބަޣާވާތުގައި ބައިވެރިވި މީހުން ރާވާފައިއޮތީ ރައީސް ޢަބްދުﷲ ޔާމީން ހަވަރަށް ދޭންކަމަށް މިނިސްޓަރ އޮފް ޑިފެންސް ...

ސުވާލު އުފެދުނު 12 ގޮނޑި އާއި މެދު ސުޕްރީމް ކޯޓުން ޙުކުމްއިއްވައިފި

ސުވާލު އުފެދި ގޮތެއް ނުނިންމި އޮތް ރައްޔިތުން މަޖްލީހުގެ 12 ގޮނޑި އާއި މެދު ގޮތެއް ކަނޑައަޅާ އިއްޔެ ...

އައްޑޫޓަރޝަރީ ހޮސްޕިޓަލުގެ މަސައްކަތް ތާވަލުކުރެވިފައިވާ މުއްދަތަށްވުރެ ކުރިން ނިންމާލެވޭނެ : ހައުސިންގ މިނިސްޓްރީ

އައްޑޫސިޓީގައި ތަރައްޤީ ކުރަމުންދާ 100 އެނދުގެ ޓަރޝަރީ ހޮސްޕިޓަލުގެ މަސައްކަތް ޝެޑިއުލްއަށް ވުރެން އެއްމަސް ދުވަސް ކުރިން ނިމޭނެކަމަށް ...

ސައުތް އެފްރިކަން އެއަރލައިންސްގެ ސީދާ ދަތުުރުތައް އައްޑޫ ސިޓީ ގަމަށް ފަށައިފި

ސައުތް އެފްރިކަން އެއަރލައިންސްގެ ސީދާ ދަތުުރުތައް ގަން އިންޓަރނޭޝަނަލް އެއަރޕޯޓަށް މިއަދު ފަށައިފިއެވެ. ސައުތް އެފްރިކަން އެއާރލައިންސްގެ ފުރަތަމަ ...