• Categories
  • Archives

މީދޫދާއިރާއާއި މަރަދޫފޭދޫ ދާއިރާ ވަކިކޮށްދިނުމަށްއެދި ހުށަހެޅި މައްސަލަ ހައިކޯޓުން ބޭރުކޮށްލައިފި

Advertisement
Advertisement

މީދޫދާއިރާއާއި މަރަދޫފޭދޫ ދާއިރާ ދެދާއިރާއެއްގެ ގޮތުގައި ވަކިކޮށްދެއްވުމަށްއެދި ހައިކޯޓަށް ހުށަހެޅި މައްސަލަ އެކޯޓުން ނުބެލޭނެކަމަށް ކަނޑައަޅާ މައްސަލަ ބޭރުކޮށްލައިފިއެވެ.

އަންނަ އެޕްރީލްމަހުގެ 4 ވަނަ ދުވަހު ބާއްވާ މަޖިލިސް އިންތިޚާބުގައި މަރަދޫ ފޭދޫ ދާއިރާއާއި މީދޫ ދާއިރާ އެއްކޮށްލަން އިލެކްޝަން ކޮމިޝަނުން ނިންމި ނިންމުން ބާޠިލްކޮށްދެއްވުމަށް ހައިކޯޓަށް ހުށަހެޅުއްވީ ކުރީގެ ބަންޑާރަ ނާއިބު ހުސްނުއްސޫދުއާއި މަރަދޫފޭދޫ ފައިވްރޯސް މުމްތާޒު އަލީގެ ފަރާތުންނެވެ.

އެ މައްސަލާގައި އެދިފައިވަނީ މަރަދޫފޭދޫ ދާއިރާ ވަކިކޮށްދެއްވުމަށެވެ. މިމައްސަލާގައި ހައިކޯޓުން ނިންމި ނިންމުގައި ބުނެފައިވަނީ ކޯޓްތަކުގެ ގާނޫންގެ 37 ވަނަ މާއްދާއާއި ހައިކޯޓްގެ ގަވާއިދުގެ 25 ވަނަ މާއްދާއަށް ރިޔާޔަތްކުރާއިރު އެމައްސަލަ ބެލުމުގެ އިހުތިސާސް ހައިކޯޓަށް ލިބިގެންވާކަމަށް ނުފެންނަކަމަށެވެ.

މިގޮތައް ނިންމާފައިވަނީ މިމައްސަލަ ބެއްލެވި 3 ފަޑިޔާރުންގެ އިއްތިފާގުންނެވެ.

ކޯޓްތަކުގެ ގާނޫންގެ 37 ވަނަ މާއްދާގައިވާގޮތުން ފުރަތަމަ މަރުހަލާގައި ހައިކޯޓަށް ބެލޭނީ ދެބާވަތެއްގެ ދުސްތޫރީ މައްސަލައެވެ. އޭއީ ގާނޫނެއް ނުވަތަ ގާނޫނެއްގެ ބައެއް ގާނޫންއަސާސީއާއި ތައާރަޒްވާކަމަށް ބަޔާންކޮށް ހުށަހަޅާ މައްސަލަތަކާއި ގާނޫންތަކުން ބާރުލިބިގެންހަދާފައިވާ ގަވާއިދެއް ނުވަތަ އެގަވާއިދެއްގެ ބައެއް ގާނޫން އަސާސީތަކާއި ނުވަތަ ގާނޫންތަކާއި ތައާރަޒްވާކަމަށް ބަޔާންކޮށް ހުށަހަޅާ މައްސަލަތަކެވެ.

މިމައްސަލަ ނުބެލޭނެކަމަށް ހައިކޯޓުން ކަނޑައެޅިއިރު މީގެކުރީން ހައިކޯޓްގައި މިމައްސަލައާއި ގުޅިގެން ތާވަލްކުރެވުނު އަޑުއެހުމަށް ދައުވާކުރާ ފަރާތުން ހާޒިރު ނުވުމުން އެމައްސަލާގެ ދައުވާގެ ފޯމް ބާޠިލްކޮށް ހައިކޯޓުންވަނީ މައްސަލަ ބޭރުކޮށްލާފައެވެ.

އެމައްސަލަ ކޯޓުން ބޭރުކޮށްލިއިރު އެމައްސަލަ ކުރިއަށް ނުގެންދެވޭނެކަމަށްބުނެ އީސީންވަނީ އިޖުރާއީ ނުކުތާތަކެއް ނަގާފައެވެ. އިޖުރާއީ ނުކުތާތަކާއި ގުޅިގެން ހައިކޯޓުގެ ފަޑިޔާރުންގެ ބެންޗުން ނިންމާފައިވަނީ ކޯޓްތަކުގެ ގާނޫނާއި ހައިކޯޓްގެ ގަވާއިދުތަކުގެ ތެރޭގައި ހިމެނޭ ދުސްތޫރީ މައްސަލައަކަށް ނުވާތީ މައުޟޫއީގޮތުން ގޮތެއް ކަނޑައަޅަން ޖެހޭކަމަށް ފަޑިޔާރުންނަށް ނުފެންނަކަމަށެވެ.

ހައިކޯޓުން މައްސަލަ ބޭރުކޮށްލާފައިވީނަމަވެސް އެމައްސަލައަކީ ގާނޫން އަސާސީގެ 172 ވަނަ މާއްދާގެ “ހ ” ގެ ދަށުން އެކޯޓަށް ބެލޭނެ މައްސަލައެއްކަމަށް ގަބޫލްކުރައްވާކަމަށް ދައުވާހުށަހެޅި ފަރާތުގެ ވަކީލު މަރިޔަމް ޝުނާނާވަނީ ވިދާޅުވެފައެވެ.

އެމާއްދާގައި ބުނެފައިވަނީ ކޮންމެ އިންތިޚާބަކަށް ނުވަތަ ރަށްޔިތުންގެ ޚިޔާލް ހޯދުމަށް ކޮންމެ އާއްމު ވޯޓަކާ ގުޅޭގޮތުން އީސީގެ ނިންމުމަކާމެދު ނުވަތަ އިންތިޚާބެއްގެ ނަތީޖާއަކާމެދު ނުވަތަ އިންތިޚާބާބެހޭކަމެއްގައި ގާނޫނާ ގަވާއިދާއި ޚިލާފަށް ހިގާފައިވާކަމަށް އެފަރާތަކުން ގަބޫލްކުރާކަމަކާމެދު ޝައްކެތް އޮތްނަމަ އެޝައްކުވާކަމަކާމެދު  ގޮތެއް ނިންމައި ދިނުމަށް އެދި އެފަރާތަކުން ހައިކޯޓަށް ހުށަހެޅިދާނެކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މާފުށީގައި ތުރުކީ ރައްޔިތެއް ގެނބިގެން މަރުވެއްޖެ

މާފުށީގައި ތުރުކީވިލާތުގެ ރައްޔިތަކު ގެނބިގެން މަރުވެއްޖެއެވެ. މޯލްޑިވްސް ޕޮލިސް ސަރވިސުން ބުނީ މަރުވެފައި ވަނީ އުމުރުން 40 އަހަރުގެ ...

ޕީޕީއެމްގެ ކޮންގްރެސް ބަލައިނުގަންނަން އީސީއިން ނިންމައިފި

ޕާޓީގެ އަސާސީ ގަވާއިދުގައި ބުނެފައިވާ އިޖުރާއަތުތައް ފުރިހަމަނުވާކަމަށްބުނެ މިދިޔަ ހުކުރުދުވަހު ބޭއްވި ޕީޕީއެމްގެ ކޮންގްރެސް،  ބަލައިނުގަތުމަށް އިލެކްޝަންސް ކޮމިޝަން ...

ހިތަދޫ ފުއްޓަރު ފަރާތަށް މޫދަށް ދިޔަ ދެ ކުއްޖަކު ގެއްލިގެން ހޯދަން ފަށައިފި

އައްޑޫ ސިޓީގެ ހިތަދޫ ފުއްޓަރު ފަރާތަށް މޫދަށް އެރިއުޅުނު ދެ ކުއްޖަކު ގެއްލިގެން އެމްއެންޑީއެފުން އެ ކުދިން ހޯދުމުގެ ...

“ދަރުމަވަންތަ ހޮސްޕިޓަލް އަންނައަހަރު ކުރީކޮޅު ހުޅުވޭވަރުވާނެ އަދި އައްޑޫގައި ޤާއިމުކުރާ ޓަރޝަރީ ހޮސްޕިޓަލް އަންނަ ޑިސެމްބަރ މަހާހަމައަށް ނިންމޭނެ”

މިހާރުކުރިއަށްދާ މަސައްކަތްތަކަށް ބުރޫނާރައި ކުރިއަށްގެންގޮސްފިނަމަ ދަރުމަވަންތަ ހޮސްޕިޓަލް މިއަންނަ އަހަރުގެ ކުރީކޮޅު ހުޅުވޭވަރު ވާނެކަމަށާ އަދި އައްޑޫގައި ޤާއިމުކުރާ ...

“ސައުފުތާހެރި އައްޑޫސިޓީ” ގެ ނަމުގައި ސާފްކުރުމުގެ ޕްރޮގްރާމެއް ހިތަދޫގައި ކުރިއަށް ގެންގޮސްފި

Advertisement “ސައުފުތާހެރި އައްޑޫސިޓީ” ގެ ނަމުގައި ހިތަދޫ ގޮޑުދޮށް ސާފުކުރުމަށް ކުރިއަށްގެންދިޔަ ސާފުކުރުމުގެ ހަރަކާތެއްގައި އޮސްޓްރޭލިއާގެ ދަރިވަރުންތަކެއް  ބައިވެރިވެ ...

އަތޮޅުތެރެ އާއި މާލޭގެ ކުނި މެނޭޖުކުރުމުގެ މަސައްކަތް ކުރުމަށް ވެމްކޯއިން 5 ކޮޅުވެއްޓި ގެނެސްފި

އަތޮޅުތެރެ އާއި މާލޭގައި ކުނި މެނޭޖުކުރުމުގެ މަސައްކަތުގައި ބޭނުންކުރުމަށް ވެމްކޯއިން 5 ކޮޅުވެއްޓި ގެނެސްފިއެވެ. އެ ގޮތުން ގެނެސްފައިވަނީ ...