• Categories
  • Archives

ރިޔާސީ އިންތިޚާބާއި ދިމާކޮށް 100އަށްވުރެ ގިނަ މީހުންނަަށް ފެނަކައިން ވަޒީފާ ދިން

Advertisement

ނިމިދިޔަ ރިޔާސީ އިންތިޚާބާއި ގާތްވެފައި ވަނިކޮށް ފެނަކަ ކޯޕަރޭޝަނަށް ސަތޭކައަށްވުރެ ގިނަ މުވައްޒަފުން ވައްދާފައިވާ ކަމަށް އެ ކުންފުނިން މިއަދު ބުނެފިއެވެ.

ރައީސުލްޖުމްހޫރިއްޔާ އިބްރާޙީމް މުޙައްމަދު ޞާލިޙުގެ ސަރުކާރުން އައި ފަހުން ފެނަކަ ކޯޕަރޭޝަންގައި ވަޒީފާ އަދާކުރާ ގިނަ ޢަދަދެއްގެ މުވައްޒަފުން ވަކިކުރަމުންދާ ކަމަށް ބުނެ މަޖިލީހުގެ ސަރުކާރުގެ މައްސޫލިއްޔަތު އަދާކުރާ މިންވަރު ބަލާ ކޮމެޓީއަށް ފެނަކައިގެ އިސްވެރިން ހާޒިރުކޮށް މިއަދު ވަނީ ސުވާލުކުރައްވާފައެވެ.

މި ބައްދަލުވުމުގައި ވާހަކަފުޅުދައްކަވަމުން ފެނަކައިގެ މެނޭޖިން ޑިރެކްޓަރ އަޙްމަދު ސަޢީދު ވިދާޅުވީ ރިޔާސީ އިންތިޚާބު ގާތްވެފައި ވަނިކޮށް 170 މީހަކު ފެނަކައިގެ ވަޒީފާއަށް ވައްދާފައިވާ ކަމަށެވެ. އަދި ސިޔާސީ ބޭނުމަށް 82 މީހަކު ވަޒީފާއިން އޭރު ވަކިކޮށްފައިވާ ކަމަށް ސަޢީދު ވިދާޅުވިއެވެ.

މި ސަރުކާރު އައި ފަހުން ފެނަކައިގެ 14 ރީޖަނަލް އޮފީހެއް ވަނީ އުވާލައިފައެވެ. އެ އޮފީސްތައް އުވާލިއިރު އެތަންތަނުގައި ޖުމްލަ 84 މުވައްޒަފުން ތިބި ކަމަށާއި އޭގެތެރެއިން 14 މީހަކު ކަނޑާލައިފައިވާ ކަމަށ. އަދި ބާކީ ތިބި 70 މުވައްޒަފުން ވަޒީފާއިން ވަކިކޮށްފައި ނުވާނެ ކަމަށް އޭނާ ވިދާޅުވިއެވެ.

އޭނާ ވިދާޅުވީ ކަނޑާލި 14 މުވައްޒަފުންނަށްވެސް ދޭންޖެހޭ ހުރިހާ އިނާޔަތްތަކެއް ދީ ޤާނޫނީ ގޮތުން ފުރިހަމަ ކުރަންޖެހޭ ހުރިހާ ކަމެއް ކޮށްފައިވާ ކަމަށެވެ. ނަމަވެސް އެ 14 މުވައްޒަފުން ކަނޑާލީ ކީއްވެގެން ކަމެއް އޭނާ ވިދާޅެއްނުވެއެވެ.

ސަޢީދު ވިދާޅުވި ގޮތުގައި ފެނަކައިގެ ބައެއް ރީޖަނަލް އޮފީސްތައް އުވާލުމުން އަހަރެއްގެ މައްޗަށް 14 މިލިއަނެއްހާ ރުފިޔާ ފެނަކައަށް ސަލާމަތް ކުރެވޭ ކަމަށެވެ.

ރައީސް ޞާލިޙުގެ ސަރުކާރު އައިފަހުން މިހާތަނަށް ފެނަކައިގެ ވަޒީފާއިން ވަކިކޮށްފައި ވާނީ 53 މުވައްޒަފުން ކަމަށާއި އޭގެތެރެއިން 11 މުވައްޒަފުންނަކީ ކުންފުނީގެ މުދަލާއި ފައިސާ އަށް ޚިޔާނަތްތެރިވި ކަމުގެ ތުހުމަތުކުރެވޭ މުވައްޒަފުން ކަމަށް ސަޢީދު ވިދާޅުވިއެވެ. އަދި ބާކީ ތިބި 42 މުވައްޒަފުން ވަކިކުރީ ވަޒީފާ އަށް ހާޒިރު ނުވާތީ ކަމަށް އޭނާ ވިދާޅުވިއެވެ.

މަސްދަރު: ޕީއެސްއެމް

Advertisement
  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މި މަހުގެ ކަރަންޓު ބިލުން ތަފާތު ފެންނާނެ – ފެނަކަ

ކަރަންޓްގެ އަގަށް ގެނައި ބަދަލު މި މަހުގެ ކަރަންޓު ބިލުން ފެންނާނެކަމަށް ފެނަކަ ކޯޕަރޭޝަނުން ބުނެފިއެވެ. މާލެއާއި އަތޮޅުތަކުގެ ...

ފޮޓޯ: އުމުރުން ދުވަސްވީ މީހުންގެ ދުވަސް ފާހަގަކުރުން

މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ ބައިނަލްއަޤްވާމީ ޢުމުރުން ދުވަސްވީ މީހުންގެ ދުވަސް ފާހަގަކުރުމަށްޓަކައި 1 އޮކްޓޯބަރ 2019 ...

ޑޮކްޓަރ ޖަމީލުވެސް މާދަމާ ރާއްޖެވަޑައިގަންނަވަނީ

ކުރީގެ ނާއިބުރައީސް ޑރ. މުހައްމަދު ޖަމީލު މާދަމާ ރާއްޖެ ވަޑައިގަތްނަވާނެކަން ހާމަކުރައްވައިފިއެވެ. ޑރ.ޖަމީލު މިކަން ހާމަކުރައްވާފައިވަނީ އެމަނިކުފާނު މިއަދު ...

ފެނަކަ ކޯޕަރޭޝަނުން 2 ސަރަޙައްދެއްގައި ފެންބަންދުކުރާ ކާރުޚާނާ ޤާއިމްކުރަނީ

ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފިއެވެ. ...

އެމެރިކާގެ އިލެކްޓްރޯނިކް އުފެއްދުންތައް ތުރުކީން ބޯއިކެޓުކުރަނީ

އެމެރިކާގައި އުފައްދާ އިލެކްޓްރޯނިކް އުފެއްދުންތައް ބޯއިކޮޓް ކުރަން ތުރުކީން ނިންމައިފިއެވެ. ތުރުކީގެ ރައީސް އުރުދުޣާން ވިދާޅުވި އެމެރިކާއިން އުފައްދާ ...

އިންޑިއާއިން ރާއްޖެ ހިފުމަށް ގޮވާލައިފި

ކުރީގެ ރައީސް މުޙައްމަދު ނަޝީދުއާއި ކޮޅުނބުގައި ބައްދަލު ކުރުމަށްފަހު ރާއްޖެ ބާރުގެ ބޭނުންކޮށްގެން ހިފުމަށް އިންޑިއާގެ ރާޖަ ސަބާގެ ...