• Categories
  • Archives

އައްޑޫމީދޫ ދާއިރާއަށް މިވަގުތު އެންމެ މުހިއްމީ ޑިޓޮކްސެންޓަރެއް – ރޮޒެއިނާ

މިވަގުތު ބަނދަރަކަށްވުރެ އަދި ބިންހިއްކުމަށްވުރެވެސް މުހިއްމުކަމަކީ ޑިޓޮކްސް ސެންޓަރެއް މިދާއިރާގައި ގާއިމްކުރުންކަމަށް ރޮޒެއިނާ އާދަމް ވިދާޅުވެއްޖެވެ.

ރޮޒެއިނާ މިހެން ވިދާޅުވީ ރޭ މަރަދޫފޭދޫގައި ބޭއްވުނު އައްޑޫމީދޫދާއިރާގެ މަޖިލިސް ކެމްޕެއިން ނިންމާ ޖަލްސާގައި ވާހަކަފުޅުދައްކަވަމުންނެވެ.

އަޅުގަޑުމެންގެ ގައުމުގެ މުޅި މުސްތަގުބަލް ބަނަވެފައިމިވަނީ ޑްރަގުގެ ވަބާގައި އަޅުގަޑުމެންގެ ޒުވާނުން ޖެހިގެންކަމަށާ  ޔޫއެންޑީޕީގެ ސާވޭތަކުން ދައްކާގޮތުންވެސް އައްޑޫސިޓީއަކީ މިވަބާ މިގައުމުގައި އެންމެ ބޮޑަށް ޖެހިފައި އޮތްތަންކަމަށް ރޭގެ ޖަލްސާގައި ވާހަކަފުޅު ދައްކަވަމުން ރޮޒެއިނާ ވިދާޅުވިއެވެ.

” އަޅުގަޑުމެން ހޮނިހިރުދުވަހުދޭ ވޯޓަކީ މިދާއިރާ ޑްރަގްގެ ވަބާއިން ސަލާމަތްކުރުމަށް ތިޔަބޭފުޅުންނަށް ދެވޭނެ ވޯޓެއް ، އަޅުގަޑުމެންގެ ސަރުކާރުން ނިކުމެ މިތިބީ އެކަންކުރަން ” ރޮޒެއިނާ ވިދާޅުވިއެވެ.

” ބައެއް ބޭފުޅުން އައްސަވާ ވޭތުވެދިޔަ ފަސްއަހަރު އަޅުގަޑު ކުރީ ކޮންކަމެއްތޯ ، ތިޔަބޭފުޅުން މަޖިލިސް ހިގަމުންދިޔަގޮތް ބެއްލެވިނަމަ އަޅުގަޑުކުރި މަސައްކަތްތައްފެންނާނެ ، އަދި ތިބޭފުޅުން އަޅުގަޑު އިންތިޚާބުކުރީ އޮޕޮޒިޝަން އެމްޕީއެއްގެ ގޮތުގައި ،  އަޅުގަޑާއި ތިޔަބޭފުޅުން ހަވާލްކުރި މަސައްކަތަކީ ސަރުކާރު ޖަވާބް ދާރީކުރުވާ ސަރުކާރަށް ފާރަވެރިވުމަށް މަސައްކަތްކުރުން ، އެހެންކަމުން ތިބޭފުޅުން ބުރަމަސައްކަތްކޮށްގެން ދާހިތްލައިގެން ހޯދިފައިސާއިން ޓެކްސްދެއްކީމާ އެޓެކްސް ފައިސާ ގޯނި ގޯންޏަށް އަޅައިގެންގޮސް ކޮރަޕްޝަންގެ އަމަލުހިންގަން އެފައިސާ ބަހާ  އޭގެން ވައްކަންކޮށްހެދީމާ އަޅުގަޑު ނިކުތިން އަތްގާޑިއަލަކަށް ސްޕީކަރެއްލައިގެން ތިބޭފުޅުންގެ ހައްގުގައި އެވާހަކަ ދެއްކުމަށް ،   ތިޔަބޭފުޅުންނަށް ހެޔޮވެރިކަމެއް ހޯދާދޭން ވާރެއާއި އަވީގައި އަޅުގަޑުނިކުމެ މަސައްކަތްކުރިން . އަދި މީގެ އިތުރަށް ނިމިދިޔަ ސަރުކާރުގެ 5 އަހަރު ދުވަހުގެ ތެރޭގައި މަޖިލިހުގެ ތަޅުމުގައި އަޅުގަޑު އާދޭސް ކުރަމުން ހިގިން ، މީދޫއާއި މަރަދޫފޭދޫގެ ބަނދަރުގެ ވާހަކަ ދައްކަމުން . މަރަދޫފޭދޫގެ ބިންހިއްކުމުގެ މަޝްރޫއުގެ ވާހަކަ ދައްކަމުން ،  މީދޫގެ ގިރާ ސަރަހައްދު ހިމާޔަތްކޮށްދިނުމުގެ ވާހަކަ ދައްކަމުން  ،  އައްޑޫގެ ކަރަންޓްގެ ވާހަކަ ދައްކަމުން ، އައްޑޫގެ ސީއެމްބިއުލެންސްގެ ވާހަކަދައްކަމުން ، ހޮސްޕިޓަލްގެ ވާހަކަދައްކަމުން ، މަގުހެދުމުގެ ވާހަކަ ދައްކަމުން ، މިހެންގޮސް ނޯންނާނެ އެންމެ ކަމެއް އަޅުގަޑު އެ ވާހަކަ ނުދައްކާއޮތް ، އެހެންނަމަވެސް މިއިން އެއްވެސް މަސައްކަތެއް ކޮށްދީފައިނުވަނީ އަޅުގަޑު އެކަމަށް މަސައްކަތްނުކޮށްގެނެއްނޫން ” ރޮޒެއިނާ ވިދާޅުވިއެވެ.

ރޭގެ ޖަލްސާގައި އިތުރަށް ވާހަކަފުޅުދައްކަވަމުން ރޮޒެއިނާ ވިދާޅުވީ މިސަރުކާރަށް މިވީ މިކުޑަދުވަސް ކޮޅުގެ ތެރޭގައި އައްޑޫމީދޫދާއިރާއަށް ކޮށްދިނުމަށް  އެދުނު ބޮޑު ބިޔަ ކަންތައްތައް ކޮށްދޭން 2019 ގެ ބަޖެޓްގައި ހިމެނުމުގެ ފުރުސަތު ދެއްވައި މަސައްކަތް އަމަލީގޮތުން ފައްޓަވާފައިވާކަމަށާ އެހެންކަމުން މިސަރުކާރުން މީދޫއާއި މަރަދޫފޭދޫގެ ބަނދަރު ހަދައިދޭން ދާދިއަވަހަށް ފަށާނެކަމަށާ އަދި މީދޫގެ  ގިރާ ސަރަހައްދު ހިމާޔަތްކޮށްދީ  މަރަދޫފޭދޫގެ  ބިން ހިއްކުމުގެ މަސައްކަތްވެސް ދާދި އަވަހަށް ފަށާނެކަމަށް ރޮޒެއިނާ ވިދާޅުވިއެވެ.

” އެހެންވީމާ އަޅުގަޑު މިދަންނަވަނީ އަޅުގަޑަށް ވޯޓްދެއްވާ އަޅުގަޑަށް ތިޔަބޭފުޅުންނާއެކީގައި މަސައްކަތްކުރުމުގެ ފުރުސަތު ދެއްވާށޭ ، އަޅުގަޑު ތިޔަބޭފުޅުންނަށް ސަރުކާރުގެތެރެއިން ކުރެވެންހުރި ހުރިހާ މަސައްކަތެއް ކޮށްދިނުމަށް މަސައްކަތްކުރާނަމޭ  ” ރޮޒެއިނާ ވިދާޅުވިއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރައީސުލްޖުމްހޫރިއްޔާ، ސަރުކާރުގެ ބައެއް އިސްމަޤާމުތަކަށް ބޭފުޅުން ޢައްޔަނު ކުރައްވައިފި

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، ރައީސުލްޖުމްހޫރިއްޔާގެ އޮފީހުގެ ހަތް މަޤާމަކަށް ބޭފުޅުން ޢައްޔަނު ކުރައްވައިފިއެވެ. މަޤާމްތަކަށް ޢައްޔަން ކުރެއްވި ...

ހުޅުދޫއާއި މީދޫގެ މަގުބައްތި ޖެހުމަށް އެދި ހުށަހެޅުމުގެ ފުރުސަތު އައްޑޫސިޓީ ކައުންސިލުން ހުޅުވާލައިފިއި

ހުޅުދޫއާއި މީދޫގެ މަގުބައްތި ޖެހުމުގެ މަސައްކަތް ކޮށްދޭނެ ފަރާތެއް ހޯދުމަށް އެދި ހުށަހެޅުމުގެ ފުރުސަތު އައްޑޫސިޓީ ކައުންސިލުން ހުޅުވާލައިފިއެވެ. ...

ހުޅުދޫ ބޮޑުމަގުގައި ތާރުއެޅުމުގެ މަޝްރޫއުގެ ބޮޑުބައެއް ނިންމާލައިފި

ހުޅުދޫ  ބޮޑުމަގުގައި ތާރުއެޅުމުގެ މަޝްރޫއުގެ ބޮޑުބައެއް ނިންމާލައިފި އެވެ. ސަރުކާރުން އެމްޓީސީސީއާއި ހަވާލްކޮށްގެން ކުރިއަށް ގެންދާ މިމަސައްކަތުގައި  މިހާރު ...

އައްޑުއަތޮޅު ހިމެނޭ ސަރަހައްދަށް ޔެލޯ އެލާޓް ނެރެފި

ބޯކޮށް ވާރޭ ވެހޭނެކަމަށް ލަފާކޮށް މ. އަތޮޅުން ފެށިގެން އައްޑުއަތޮޅާއި ހަމައަށް ޔެލޯ އެލާޓް ނެރެފިއެވެ މޫސުމާއި ބެހޭ ...

ފަނޑިޔާރުންގެ ސޮޔާއެކު ސުޕްރީމް ކޯޓުގެ އަމުރު އާންމުކޮށްފި

ސުޕްރީމް ކޯޓުން ބުރާސްފަތި ދުވަހުގެ ރޭ އިއްވި ހުކުމް، އެ މައްސަލަ ބެއްލެވި ފަސް ފަނޑިޔާރުންގެ ސޮޔާއެކު އެ ...

ކޯވިޑް19: އިތުރު 11 މީހުން ޕޮޒިޓިވްވެ ބަލިޖެހުނު މީހުންގެ އަދަދު 188 އަށް

ރާއްޖެއިން އިތުރު 11 މީހަކު ކޯވިޑް-19 އަށް ޕޮޒިޓިވްވެއްޖެއެވެ. މިއާއެކު ރާއްޖެއިން މިހާތަނަށް މިބައްޔަށް ޕޮޒިޓިވްވި މީހުންގެ އަދަދު ...