• Categories
  • Archives

” މިއަދަކު އަގޮޑީޓީގެ ޝަކުވާއަކާ ދެލިފޮހޭ ގަލަމުގެ ޝަކުވާއެއް ނާދޭ ” ރައީސް ސޯލިހު

ނުފޫޒާ ބާރުން އެއްކިބާވެ މަސައްކަތްކުރުމުގެ ފުރުސަތު އިލެކްޝަންސް ކޮމިޝަނަށް ދިނުމުން އެއްވެސް ޝަކުވާއެއްނެތި އެއްވެސް މައްސަލައެއްނުޖެހޭގޮތައް މިރާއްޖޭގައި އިންތިޚާބެއް ބޭއްވިގެން ދިޔަތަން  ފެނިގެން ހިގައްޖެކަމަށް ރައީސް ސޯލިހު ވިދާޅުވެއްޖެވެ

ރައީސް ސޯލިހު މިފަދައިން ވިދާޅުވީ އެމްޑީޕީއަށް ރަށްޔިތުންގެ މަޖިލިހުގެ އިންތިޚާބުގައި ލިބުނު ބޮޑު ކާމިޔާބީ ފާހަގަކުރުމަށް ބޭއްވި އުފާފާޅު ކުރުމުގެ ހަރަކާތުގައި ވާހަކަފުޅު ދައްކަވަމުންނެވެ.

ރޭ ބޭއްވުނު އުފާފާޅުކުރުމުގެ ބައްދަލުވުމުގައި އިތުރަށް ވާހަކަފުޅު ދައްކަވަމުން ރައީސް ސޯލިހު ވިދާޅުވީ އިންތިޚާބުގެ ނަތީޖާއިން އަދިވެސް އިސްލާހަށް މަސައްކަތް ކުރާފަރާތްތައްތިބީ ސަރުކާރާ އެއްކޮށްކަން ހާމަވެގެން ގޮސްފައިވާކަމަށާ  ނުފޫޒާ ބާރުން އެއްކިބާވުމުގެ ފުރުސަތު އިލެކްޝަންސް ކޮމިޝަނަށް ދިނުމުގެ ނަތީޖާއަކީ ޝަކުވާއެއްނެތް އަމާން އިންތިޚާބެއް ރަށްޔިތުންނަށް ލިބުންކަމަށް ރައީސް ސޯލިހު ވިދާޅުވިއެވެ.

” މިއަދު ފެނިގެން މިދިޔައީ ނުފޫޒާ ބާރުން އެއްކިބާވެ މަސައްކަތްކުރުމުގެ ފުރުސަތު އިލެކްޝަންސް ކޮމިޝަނަށް ދިނުމުން އެއްވެސް ޝަކުވާއެއްނެތި އެއްވެސް މައްސަލައެއްނުޖެހޭގޮތައް މިރާއްޖޭގައި އިންތިޚާބެއް ބޭއްވިގެން ދިޔަތަން. މިއަދަކު ނާދޭ އަގޮޑީޓީގެ ޝަކުވާއެއް، މިއަދަކު ނާދޭ ދެލިފޮހޭ ގަލަމުގެ ޝަކުވާއެއް، މިއަދު ރަށްޔިތުން ނިކުމެ ވޯޓްދިނީ ހިތްހަމަ ޖެހިގެން ، ރަށްޔިތުން މިއަދު ނިންމި ނިންމުމަކީ 23 ސެޕްޓެމްބަރުގައި ނިންމި ނިންމުމާއެއްގޮތައް އަދިވެސް ތިއްބެވިކަން އަންގައިދިނުމަށް ނިންމި ނިންމުމެއް . އަދި ވައްކަމާ ކޮރަޕްޝަނަށް އެބުރި ދާން ބޭނުންނުވާކަން މިއަދު ރަށްޔިތުންވަނީ އަނެއްކާވެސް ހާމަކޮށްދީފައި. ” ރައީސް ސޯލިހު ވިދާޅުވިއެވެ.

ރަށްޔިތުންގެ މަޖިލިހަށް ހޮވުނު މެމްބަރުން އެބޭފުޅުންގެ ޒިންމާ އަދާކުރައްވާނެކަމަށް ޔަގީން ކުރައްވާކަމަށް ވިދާޅުވެ ވާހަކަފުޅު ދައްކަވަމުން ރައީސް ސޯލިހު ވިދާޅުވީ މިސަރުކާރުން ވައްކަމާ ކޮރަޕްޝަނަށްވެސް ފުރުސަތު ނުދެއްވާނެކަމަށެވެ.

” ތިބޭފުޅުން ކޮރަޕްވެރިކަމަށް ނޫނެކޭ ބުނެފި ، ތިބޭފުޅުން ކިލަބުވެފައި އޮތް ރަށްޔިތުންގެ މަޖިލިހެއް ޒިންމާދާރު މަޖިލިހަކަށް ހެދުމަށްޓަކައި މަސައްކަތް ކުރައްވައިފި ، ދެން އޮތީ އަޅުގަޑުމެންގެ ވާޖިބު ، މިއަދު ތިޔަބޭފުޅުން ނިންމެވި ނިންމެވުމަކީ ހެޔޮވެރިކަމަށް ތިޔަބޭފުޅުންކުރާ އުއްމީދުގެ ދަލީލެއް ،  ” ރައީސް ސޯލިހު ވިދާޅުވިއެވެ.

އިތުރަށް ވާހަކަފުޅު ދައްކަވަމުން ރައީސް ސޯލިހު ވިދާޅުވީ މިސަރުކާރުގައި އަމިއްލައެދުން އިސްކޮށްގެން މަސައްކަތްކުރުމުގެ ޖާގައެއްނުދެއްވާނެކަމަށެވެ. އަދި ރައީސް ސޯލިހުގެ ވާހަކަފުޅުގައިވަނީ ނޫސްވެރީންގެ ޒިންމާ ބޮޑުކަންވެސް ފާހަގަކޮށް ވާހަފުޅު ދައްކަވާފައެވެ. ރަށްޔިތުން ސަރުކާރާ ހަވާލްކުރި ޒިންމާ އަދާކުރޭތޯ ނޫސްވެރީންބެލުމަށް ރައީސް އިއުތިމާސް ކުރެއްވިއެވެ. ރައީސް ވިދާޅުވީ މިސަރުކާރު އައިގޮތް ހަދާން ނުނެތޭކަމަށާ ސަރުކާރު ގެނައުމަށް މަސައްކަތްކުރެއްވި ޓީމާއެކު މަސައްކަތް ކުރަން މިއަދުވެސް ތައްޔާރަށް ހުންނެވިކަމަށެވެ.

” އަޅުގަޑުމެން ވެރިކަމަށް އައިގޮތް އަޅުގަޑު މިއަދަކުވެސް ހަދާނެއް ނުނެތޭ ، ރަށްޔިތުން އަޅުގަޑު ހޮއްވެވީ ރަށްޔިތުންނަށް ޚިދުމަތްކުރުމަށް ، ރަށްޔިތުން އެދުނު އެދުންތައް ތަންފީޒު ކުރުމަށް ، އަޅުގަޑު މިއަދުވެސް މިހުރީ އެޓީމާއެކީގައި އެމަސައްކަތްކުރުމުގައި ކުރިއަށްދާން ތައްޔާރަށް ، ކޮރަޕްޝަނާ ވައްކަން މިދިޔަ ސަރުކާރުން ހިންގާފައިއޮތްވަރުބަލާ އެކަން ހޯދުމަށްޓަކައި އަޅުގަޑުމެން އެކުލަވާލި ކޮމިޓީ އިރާދަކުރެއްވިއްޔާ މިމަޖިލިހާއެކު ކަމިޝަންކުރާތަން ތިޔަބޭފުޅުންނަށް ފެނިވަޑައިގަންނަވާނެ ، ” ރައީސް ސޯލިހު ވިދާޅުވިއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފަތުރުވެރީންނަށް ޚާއްސަކޮށްގެން ހުޅުމީދޫގައި ވަކި ޚާއްސަ ބީޗެއް ހެދުމަށާބެހޭގޮތުން މަޝްވަރާ ބައްދަލުވުމެއް ބާއްވައިފި

އައްޑޫގައި ފަތުރުވެރިކަން ތަރައްޤީކޮށް ކުރިއެރުވުމަށް އެކުލަވާލާ ތަސައްވުރުގައި އާންމުން ބައިވެރިކޮށް ހިޔާލު ހޯދުމުގެ ގޮތުން އައްޑޫސިޓީ ކައުންސިލުން ހުޅުމީދޫ ...

ޔާމީންގެ މައްޗަށް މަނީ ލޯންޑްރީގެ ދައުވާ އުފުލައިފި

ކުރީގެ ރައީސް އަބްދުﷲ ޔާމީންގެ މައްޗަށް މަނީ ލޯންޑްރިންގެ ދައުވާ ޕީޖީ އޮފީހުން މިއަދު ކްރިމިނަލް ކޯޓްގައި އުފުލައިފި ...

ރިޔާސީ އިންތިޚާބުގެ ރަސްމީ ނަތީޖާ އިޢުލާންކޮށްފި

ދިވެހިރާއްޖޭގެ 2 ވަނަ ޖުމްހޫރިއްޔާގެ 6 ވަނަ ރައީސަކަށް އެމްޑީޕީގެ ރިޔާސީ ކެނޑިޑޭޑް އިބްރާހީމް މުޙައްމަދު ޞާލިޙް އިންތިޚާބުވެވަޑައިގެންނެވިކަން ...

އުރީދޫގެ ޕޯސްޓްޕެއިޑް ކަސްޓަމަރުންނަށް ހާއްސަކޮށް އެލައިޑުން ލައިފް އިންޝުއަރެންސް ތައާރަފްކޮށްފި

އުރީދޫގެ ޕޯސްޓްޕެއިޑް ކަސްޓަމަރުންނަށް ހާއްސަކޮށް އެލައިޑުން ލައިފް އިންޝުއަރެންސް ތައާރަފްކޮށްފި އެވެ. ރޭ ކުރިއަށްދިޔަ އެލައިޑްގެ ސްޕެޝަލް އިވެންޓް ...

ކުރިއަށް މިއޮތް ފަސް އަހަރަކީ މީދޫދާއިރާގެ ގަދަފަސް އަހަރު – ރޮޒެއިނާ

އަޅުގަޑު މިދާއިރާއަށް ކުރިމަތިލުމުގެ ސަބަބަކީ  އިބްރާހިމް މުހައްމަދު ސޯލިހުގެ ވެރިކަމެއްގައި އަޅުގަޑަށް މިދާއިރާއަށް ކޮށްދެވޭނެ ކަންތައްތަކެއް ހުރިކަމަށް ގަބޫލްކުރެވޭތީ ...

ސައްހަ ޝަރީއަތެއް ހިގާނަމަ އެއްވެސް ދައުވާއެއް އަހުމަދު އަދީބުގެ މައްޗަށް ސާބިތު ނުވާނެ

ސައްހަ ޝަރީއަތެއް ހިގާނަމަ އެއްވެސް ދައުވާއެއް އަހުމަދު އަދީބުގެ މައްޗަށް ސާބިތު ނުވާނެކަމަށް ރަށްޔިތުންގެ މަޖިލިހުގެ ވެލިދޫދާއިރާގެ މެމްބަރު ...