• Categories
  • Archives

ހިތަދޫސްކޫލާއި ބައްދަލުކޮށް ޝަމްސުއްދީންސްކޫލް ބަލިވެއްޖެ

މަމެން އައްޑޫ އިންޓަރ ސްކޫލް ފުޓްބޯޅަ މުބާރާތުގެ 12 އަހަރުން ދަށުގެ އުމުރުފުރާގައި ހިތަދޫސްކޫލާއި ޝަމްސުއްދީން ސްކޫލް ބައްދަލުކޮށް ކުޅުނުމެޗް ހިތަދޫ ސްކޫލްޓީމު ކާމިޔާބުކޮށްފިއެވެ.

ހިތަދޫ ޒޯން ސްޓޭޑިއަމްގެ ދަނޑުގައި ކުޅެވުނު މިމެޗް ހިތަދޫ ސްކޫލްކާމިޔާބުކުރީ 2 ލަނޑު 1 ލަނޑުންނެވެ.

މިމެޗްގެ ފުރަތަމަ ހާފްގައި ދެޓީމްގެ ކުޅުންތެރީންގެ ފަރާތުން ދާދިހަމަހަމަ ކުޅުމެއް ފެނިގެން ގޮސްފައިވާއިރު މިމެޗްގައި ފުރަތަމަ ލަނޑުޖަހާ ލީޑު ހޯދީ ހިތަދޫ ސްކޫލްޓީމެވެ. ހިތަދޫ ސްކޫލްގެ ފުރަތަމަ ލަނޑު 7 ވަނަ މިނިޓްގައި ކާމިޔާބުކޮށްދިނީ އެޓީމުގެ އަހުމަދު މައިމޫނު ރޫހުލް އަމީނެވެ.

ލީވާން ލަނޑުޖެހުމަށްފަހު އުފާފާޅުކުރަނީ

ހިތަދޫ ސްކޫލްޓީމުން ލަނޑެއް ޖަހާ ލީޑު ހޯދާފައިވަނިކޮށް ފުރަތަމަ ހާފްގެ 15 ވަނަ މިނިޓްގައި ޝަމްސުއްދީން ސްކޫލު ޓީމުންވަނީ ލަނޑެއް ޖަހާ މެޗްގެ ނަތީޖާ ހަމަހަމަކޮށްފައެވެ. މިލަނޑު އެޓީމަށް ކާމިޔާބުކޮށްދިނީ ހުސެން ލީވާން ޝާނުއެވެ. އަދި މިމެޗްގެ ފުރަތަމަ ހާފް ނިމިގެންގޮސްފައިވަނީ 1-1 ން ދެޓީމް އެއްވަރުވެފައި އޮވެގެންނެވެ.

މިމެޗްގެ ދެވަނަ ހާފް ކުޅުން ފެށިއިރު ޝަމްސުއްދީން ސްކޫލްޓީމު ކުޅުންތެރީންގެ ތެރެއިން ބައެއް ކުޅުންތެރީން ފުރަތަމަ ހާފްގައި ކުޅުނު މަގާމްތަކަށް ބަދަލުތަކެއް ގެނެސްފައިވީނަމަވެސް ހިތަދޫ ސްކޫލްގެ ކުޅުންތެރީން ކުޅެމުން ގޮސްފައިވަނީ ފުރަތަމަ ހާފްގައި ކުޅެމުންދިޔަ ގޮތަށެވެ.

ހިތަދޫސްކޫލްޓީމުގެ ގިނަކުޅުންތެރީގެ ފަރާތުން ތަފާތު މޮޅު ކުޅުމެއް ފެނިގެންދިޔަ މިމެޗުގެ ދެވަނަ ހާފްގައި އެޓީމުން ކާމިޔާބުކުރި ދެވަނަ ލަނޑު  42 ވަނަ މިނިޓްގައި ކާމިޔާބުކޮށްދިނީ މުހައްމަދު އައިހަމް އާމިރެވެ.

މިމެޗުން ޝަމްސުއްދީން ސްކޫލް ދެރަވުމުން އެޓީމަށް ދެމެޗު ކުޅެގެން 1 ޕޮއިންޓް ލިބިފައިވާތީ އެޓީމަށް މިމުބާރާތުގައި ސެމީފަނަލަށް ދެވުމުގެ ފުރުސަތުވަނީ ވަރަށް ކުޑަވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޓްރާންސްފަރގެ ފަހު ދުވަސް، ކުޅުންތެރިން ހޯދުމަށް ކުލަބުތައް ކިޔު ހަދާފައި!

މިއަދަކީ ޔޫރަޕުގެ ޓްރާންސްފާ މާކެޓްގެ ފަހު ދުވަހެވެ. މިރޭ މެންދަމަށް ކުޅުންތެރިން ގަނެވިއްކުން ނިމުމަކަށް އަންނައިރު ބޮޑެތި ކުލަބުތަކުން ...

އައްޑޫ ޔޫތު ޗެލެންޖް 2020 ” ގެ ގުރުއަތުލުން ބާއްވައިފި- ފުރަތަމަ މެޗްގައި ހުޅުދޫ- ހިތަދޫ “

20 އަހަރުން ދަށުގެ  ކުޅުންތެރިންނަށް އަމާޒުކޮށްގެން ބޭއްވޭ ” އައްޑޫ ޔޫތު ޗެލެންޖް 2020″ ފުޓްބޯޅަ މުބާރާތުގެ ގުރުއަތުލުން ...

މާލޭ ސަރަހައްދުގައި ކުޅިވަރުތަކާއި މުބާރާތްތައް ނުބޭއްވުމަށް އަންގައިފި

މާލޭ ސަރަހައްދުގައި ކުޅިވަރުތަކާއި މުބާރާތްތައް ނުބޭއްވުމަށް އަންގައިފި އެވެ. ތަފްސީލް އަންނަނީ

މިނިވަން ކަޕް ފުޓްސަލް 2018 މިއަދު ހަވީރު ފަށައިފި- ފުރަތަމަމެޗް ކާމިޔާބުކުރީ ތައްލިހި އެފްސީ

މިނިވަން ކަޕް ފުޓްސަލް 2018 މިއަދު ހަވީރު ފަށައިފިއެވެ. މިމުބާރާތް ފެށުމުގެ ގޮތުން މިއަދު ހަވީރު ހުޅުދޫ ފުޓްސަލް ...

ލައިން ޖަޖެއްގައި ބޯޅައިން ޖެހުމުން ޖޮކޮވިޗް މުބާރާތުން ވަކިކޮށްފި

ޔޫއެސް އޯޕަން ޓެނުސް މުބާރާތުގެ  ހަތަރު ވަނަ ބުރުގައި މަޝްހޫރު ޓެނިސް ތަރި ނޮވަކް ޖޮކޮވިޗް ގަސްދު ލައިން ...

ހުޅުދޫ ސްކޫލްގެ މައްޗަށް ޝަމްސުއްދީން ސްކޫލް ކުރިހޯދައިފި

އެކުވެރިކަމުގެ މެޗެއްގައި   މީދޫ ޝަމްސުއްދީން ސްކޫލް އިން ހުޅުދޫ ސްކޫލްގެ މައްޗަށް 6-3 އިން ކުރިހޯދައިފި އެވެ. އައްޑޫ ...