• Categories
  • Archives

މިނިވަންކަޕް 2019 : ރިސޯޓްބޯއިސް ޗެމްޕިއަންކަން ހޯދައިފި

މިނިވަންކަޕް 2019 ފުޓްސަލް މުބާރާތުގެ ފައިނަލްމެޗްގައި 2 ލަނޑު 0 ލަނޑުގެ ލީޑެއް ތައްލިހިން ހޯދާފައިވަނިކޮށް ފަހަތުންއަރާ ރިސޯޓްބޯއިސް މެޗްގެ ނަތީޖާ އެއްވަރުކޮށް ޕެނަލްޓީ ޖަހައިގެން ތައްލިހި ބަލިކޮށް މިނިވަން ކަޕް 2019 ގެ ޗެމްޕިއަންކަން ހޯދައިފިއެވެ

ހުޅުދޫ ފުޓްސަލް ދަނޑުގައި ރޭ ތައްލިހި އާއި ރިސޯޓްބޯއިސް ބައްދަލުކުރި ފައިނަލް މެޗުގެ ފުރިހަމަ ވަގުތު  ނިމިގެންދިޔައީ 4-4 ގެ ނަތީޖާއަކުން ދެ ޓީމު އެއްވަރުވެގެންނެވެ.

ރޭ ކުޅުނު މިމެޗުގެ ފުރަތަމަ ހާފްގައި ތައްލިހިޓީމުންވަނީ ދެލަނޑު ކާމިޔާބުކޮށްފައެވެ. އަދި ފުރަތަމަ ހާފް ނިމިގެން ގޮސްފައިވަނީވެސް 2-0 ގެ ނަތީޖާއަކުން ތައްލިހި ކުރިހޯދައިގެންނެވެ. ތައްލިހިން ފުރަތަމަ ހާފްގައި ކާމިޔާބުކުރި މިދެނަޑުވެސް އެޓީމަށް ކާމިޔާބުކޮށްދީފައިވަނީ އަލީ ލިރުއާމްއެވެ.

މިމެޗްގެ ދެވަނަ ހާފްގެ ކުޅުންފެށިގެން 23 ވަނަ މިނިޓްގައި ރިސޯޓްބޯއިސްގެ ހަސަންޔާސިރު ރިސޯޓްބޯއިގެ ފުރަތަލަނޑު ކާމިޔާބުކޮށްދިނެވެ. އެހެން ނަމަވެސް ތައްލިހިޓީމުގެ އަލީ ލިރުއާމް 26 ވަނަ މިނިޓްގައި ކާމިޔާބުކޮށްދިންލަނޑާއި 30 ވަނަ މިނިޓްގައި އެޓީމުގެލިޔާހު ކާމިޔާބުކޮށްދިން ލަނޑުން 4 ލަނޑު 1 ލަނޑުގެ ލީޑެއް ތައްލިހިން ހޯދިއެވެ.

4 ލަނޑު 1 ލަނޑުގެ ލީޑެއް ތައްލިހި ހޯދާފައިއޮތުމުންވެސް ހިތްވަރު އެލުވާ ނުލާ ކުޅެމުންދިޔަ ރިސޯޓްބޯއިސްގެ ކުޅުންތެރީން މެޗްގެ ފަހު ފަސްމިނިޓްގެ ތެރޭގައި 3 ލަނޑު ޖަހައިގެން މެޗްގެ ނަތީޖާ 4 ލަނޑު 4 ލަނޑުން އެއްރުކޮށްފައިވެއެވެ. އަދި މެޗްގެ ފުރިހަމަ ވަގުތު ހަމަވެގެން ދިޔައީވެސް 4 ލަނޑު 4 ލަނޑުން ދެޓީމް އެއްވަރުވެގެންނެވެ.

4 ލަނޑު 4 ލަނޑުން ދެޓީމް އެއްވަރުވުމުން ޗެމްޕިއަން ޓީމް ކަނޑައެޅުމަށް ޕެނަލްޓީ ޖެހިޖެހުމުގައި ތައްލިހިޓީމުން އިއްމަ އަދި ރޮނާ  ޖެހި ޕެނަލްޓީ ކާމިޔާބެއް ނުކުރެވުނެވެ. އެހެންނަމަވެސް ރިސޯޓްބޯއިސް އިން އުނެއިސް ޒުބައިރުއާއި ހަސަން ޔާސިރު ޖެހި ޕެނަލްޓީ ކާމިޔާބުކޮށް  ރިސޯޓްބޯއިސް ވަނީ މިނިވަންކަޕް 2019 ގެ ޗެމްޕިއަންކަން ހޯދާފައެވެ.

ފައިނަލްމެޗްގެ ކުޅުން ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތު ބޭއްވުނެވެ. މިރަސްމިއްޔާތުގެ ޝަރަފްވެރިމެހުމާނަކީ އެމްޕީއެލްގެ އެމްޑީ ޝާހިދު އަލީއެވެ.

ފައިނަލްމެޗްގެ މޮޅު ކުޅުންތެރިއަށް ރިސޯޓްބޯއިސްގެ ޔާސިރު ހޮވާފައިވާއިރު މިމުބާރާތުގެ އެންމެ މޮޅު ފަސްކުޅުންތެރީންގެ ގޮތުގައި ހޮވާފައިވަނީ ތައްލިހިޓީމްގެ ރޮނާ ރިސޯޓްބޯއިސްގެ އަލީ ހާފިޒު ހިތަދޫ މަލްޓިޖީނިއަސްގެ ޖޯޒީ ނަމްބަރު 7 އަނިލް އިބްރާހިމް ގައުމު އެފްސީގެ އަކުރަމް އަބްދުއްރަޝީދެވެ.

މިމުބާރާތުގެ އުއްމީދީ ކުޅުންތެރިއަކަށް މަރަދޫ ޒެލޯންގެ ހަސަން އަތޫފު ހޮވާފައިވާއިރު އެންމެ މޮޅު ގޯލްކީޕަރަކަށް ހޮވާފައިވަނީ ރެސޯޓްބޯއިސްގެ އާދަމް ނަސީރެވެ.

 

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޖޯލިއަންސް މިކްސް ވޮލީ މުބާރާތް: ގަދަފަދަ ލިޓަސް އަލްފައިންގެ އަތްދަށަށް

ޖޯލިއަންސް މިކްސް  ވޮލީބޯޅަ މުބާރާތުގެ ނަމުގައި މިހާރު ފޭދޫގައި ކުރިއަށްދާ ވޮލީ މުބާރާތުގައި  އެންމެ ވަރުގަދަ އެއްޓީމެއްގެ ގޮތުގައި ...

މިނިވަންކަޕް ފުޓްސަލް މުބާރާތް 2018 – މިއަދުގެ މެޗުންވެސް ތަފާތު ބޮޑު ނަތީޖާއަކުން ތައްލިހި ކާމިޔާބުކޮށްފި

މިނިވަންކަޕް ފުޓްސަލް މުބާރާތުގައި  މިއަދު ހަވީރު ކުޅެވުނުމެޗްވެސް ތަފާތު ބޮޑު ނަތީޖާއަކުން ތައްލިހި އެފްސީ މެޗް ކާމިޔާބުކޮށްފިއެވެ ހުޅުދޫ ...

ސިޔާކަޕް 2018 – ފުރަތަމަމެޗް ކާމިޔާބުކުރީ ގައުމު އެފްސީ

ސިޔާކަޕް ފުޓްބޯޅަ މުބާރާތް އިއްޔެ ހަވީރު މީދޫގައި ފަށައިފިއެވެ. ފަސްޓީމު ބައިވެރިވެފައިވާ މިމުބާރާތުގެ މެޗްތައް ކުޅުމަށް ހަމަޖެހިފައިވަނީ ކޮންމެ ...

ފަހަތުން އަރާ ހިތަދޫ ސްކޫލްގެ މައްޗަށް އިރުޝާދިއްޔާ ކާމިޔާބު ހޯދައިފި

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގައި އިރުދިއްޔާ ސްކޫލްގެ 16 އަހަރުން ދަށުގެ ...

ފޭދޫ ސްކޫލްގެ ޓީމާ ބައްދަލުކުރިމެޗް ހިތަދޫ ސްކޫލްގެ ޓީމު ކާމިޔާބުކޮށްފި

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގައި އިއްޔެ ހަވީރު ކުޅެވުނު 16 އަހަރުން ...

އަތޮޅުމަދަރުސާ އަދި ޝަރަފުއްދީން ގެ ކުރިމަތިލުން ހަމަމަ ނިމުމެއް

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ މެޗްތައް މިއަދު ...