• Categories
  • Archives

ޤާނޫނު ތަންފީޒު ކުރެވޭނީ މޭޔަރުންނާއި، ކައުންސިލްތަކުގެ ރައީސުންނަށް ޤާބިލް މީހުން އިންތިޚާބް ކޮށްގެން – އެލްޖީއޭ

ލާމަރުކަޒީ ޤާނޫނަށް އަންނަ ބޮޑުބަދަލު ހެޔޮގޮތުގައި ތަންފީޒު ކުރެވިގެންދާނީ މޭޔަރާއި، ރަށްރަށުގެ ކައުންސިލް ރައީސުން އިންތިޙާބް ކުރުމުގައި ޤާބިލް މީހުންނަށް ފުރުޞަތު ދީގެން ކަމަށް އެލްޖީއޭއިން ވިދާޅުވެއްޖެއެވެ.

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށާއި، ޤާނޫނު އަސާސީގެ ލާމަރުކަޒީ ބާބަށް ސަރުކާރުން ހުށަހަޅާފައިވާ އިސްލާހުތަކަކީ ރާއްޖޭގެ ހިންގުމުގެ ނިޒާމަށް ބޮޑު ބަދަލެއް ގެނުވާނެ ކަމެކެވެ. އަންނަ އަހަރަށް ދައުލަތުން ހުށަހަޅާފައިވާ ބަޖެޓުގެ 5 އިންސައްތަ ކައުންސިލްތަކަށް ދިނުމާއި، ރަށްރަށުގެ އިޚްތިޞާސް ބޮޑުކޮށް ފުޅާކުރުމާއި، މީގެކުރިން ރަށްރަށުން ދައުލަތަށް ލިބެމުދިޔަ އާމްދަނީ ސީދާ ކައުންސިލްތަކަށް ދިނުމަށް ސަރުކާރުންވަނީ ނިންމާފައެވެ.

advertisement

ދައުލަތުން އަންނަ އަހަރަށް ހުށަހަޅާފައިވާ ބަޖެޓާއި ގުޅޭގޮތުން ޕީއެސްއެމް ނިއުސްއިން ގެންދޭ “ބަޖެޓް 2020” ޕްރޮގުރާމުގައި ވާހަކަ ދައްކަވަމުން އެލްޖީއޭގެ ޑިރެކްޓަރ ޖެނެރަލް އާދަމް ޝަރީފް އަޙްމަދު ވިދާޅުވީ މިބަދަލަށް އެންމެބޮޑަށް ސަމާލުވާންޖެހެނީ ރައްޔިތުންކަމަށެވެ. ސަރުކާރުން ކައުންސިލްތަކަށް މާލީ ބޮޑު ބާރުވެރިކަމަކާއި، މާލީގޮތުން މަންފާލިބޭ އެތައްކަމެއް ކުރުމުގެ ބާރު ކައުންސިލްތަކަށް ދޫކޮށްލާއިރު މިކަންކަން ކުރެވޭނެ ޤާބިލްބަޔަކު އިންތިޙާބްކުރުމަކީ ވަރަށް މުހިންމު ކަމެއްކަމަށް ޝަރީފް ވިދާޅުވިއެވެ.

ޤާނޫނަށް މިހާރު ހުށަހަޅާފައިވާ އިސްލާހުގެ ތެރޭގައި ހިމެނޭ ރަށްރަށުގެ ކައުންސިލް ރައީސުންނާއި، އަތޮޅު ކައުންސިލަރުންނާއި، މޭޔަރުން ކަނޑައަޅާނީވެސް ރައްޔިތުންގެ ވޯޓަކުން ކަމަށްވާއިރު، މިކަމަށް ރައްޔިތުން ޙާއްސަ އިސްކަމެއް ދޭންޖެހޭކަމަށް އޭނާ ވިދާޅުވިއެވެ. އަދި މިމަޤާމުތަކަށް ޤާބިލް ތަޢުލީމީ ބޭފުޅުން އައްޔަން ކުރެވިއްޖެނަމަ ކައުންސިލް ނިޒާމަށް މިގެނެވޭ ބަދަލު ހެޔޮގޮތުގައި ތަންފީޒު ކުރެވިގެންދާނެކަމަށް އާދަމް ޝަރީފް ވިދާޅުވިއެވެ.

އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި ބަޖެޓުގައި ކައުންސިލްތަކަށް ހިލޭ އެހީގެ ގޮތުގައި 1.6 ބިލިއަން ރުފިޔާވަނީ ކަނޑައަޅާފައެވެ. މިފައިސާ ޚާއްޞަކޮށްފައި ވަނީ، ދައުލަތުގެ އާމްދަނީގެ 5 އިންސައްތައާއި ބިމު ކުލީގެ 40 އިންސައްތައާއި ރަށެއްގެ އިހްތިސާސްގައިވާ ހުރިހާ ތަނަކުން ލިބޭ ކުއްޔާއި އިތުރު ފީތަކުގެ 100 އިންސައްތަ ކައުންސިލްތަކަށް ދިނުމަށެވެ.

ޤާނޫނަށް އަންނަ ބަދަލާއެކު ސަރުކާރުގެ ވުޒާރާތައް މެދުވެރިކޮށް ކައުންސިލްތަކުން ފޯރުކޮށްދެމުންދާ މުނިސިޕަލް ޚިދުމަތްތައް ސީދާ ކައުންސިލްތަކުންކުރާ ގޮތަށް ބަދަލުވެގެންދާނެކަމަށް ޝަރީފްވިދާޅުވިއެވެ. މި ޚިދުމަތްތަކާއެކު ކައުންސިލްތަކަށް، މުނިސިޕަލް ފީތަކާއި، އާމްދަނީވެސް ލިބިގެންދާނެއެވެ. ޝަރީފް ވިދާޅުވީ ސަރުކާރުގެ އެކި ވުޒާރާތަކުން ކައުންސިލްތަކަށް މިހާރު ފޯރުކޮށްދެމުންދާ ޚިދުމަތްތަކުގެ ތެރެއިން 90 ޚިދުމަތެއް ސީދާ ކައުންސިލުން ކުރާގޮތަށް ހުށަހަޅާފައިވާނެކަމަށެވެ. ސަރުކާރުން ކައުންސިލްތަކަށް ހުށަހަޅާފައިވާ ބަޖެޓްގެ 5 އިންސައްތައަކި މިމަސައްކަތްތައް ކުރުމަށް ކަނޑައަޅާފައިވާ ފައިސާކަމަށް ޝަރީފް ވިދާޅުވިއެވެ.

ކައުންސިލްތައް މާލީ ގޮތުން ބާރުވެރިކުރުމަށް ލާމަރުކަޒީ ޤާނޫނުނަށް ސަރުކާރުން ހުށައަޅާފައިވާ އިޞްލާޙުތަކާއި، ޤާނޫނު އަސާސީގެ ލާމަރުކަޒީބާބަށް ހުށަހަޅާފައިވާ އިސްލާހުގެ މަސައްކަތް ރައްޔިތުންގެ މަޖިލީހުން ދަނީ ކުރަމުންނެވެ. މަޖިލީހުން އަމާޒު ކަނޑައާފައިވަނީ މިމަހުގެ 13 ވަނަ ދުވަހު މި މަސައްކަތްތައް ނިންމުމަށެވެ.

މަސްދަރު: ޕީއެސްއެމް ނިއުސް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުން މިރޭ އޮންނާނެ!

ދިވެހިރާއްޖެ އިން ވާދަކުރާ އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުމަށް ބާއްވާ ވޯޓު ނެގުން މިރޭ ...

އިދިކޮޅު ސިޔާސީ ލީޑަރުންނަށް ކޮރަޕްޝަންގެ ވާހަކަ ނުދެއްކޭނެ – ރައީސް

އިދިކޮޅު ސިޔާސީ ލީޑަރުންނަށް ކޮރަޕްޝަންގެ ވާހަކަ ނުދެއްކޭނެ ކަމަށާއި އެބޭފުޅުންނަށް އެވާހަކަ ދެއްކޭނަމަ ރާއްޖަށް ދިމާވި ކޮރަޕްޝަންގެ އެންމެ ...

ދުބާއީގައި މަސްތުވާތަކެއްޗާއެކު ދިވެއްސަކު ހައްޔަރުކޮށްފި

ރާއްޖޭ ފުލުހުންނާއި ދުބާއީ ފުލުހުން ގުޅިގެން ހިންގި އޮޕަރޭޝަނެއްގައި ދިވެއްސަކު ހައްޔަރުކޮށްފިއެވެ. މޯލްޑިވްސް ޕޮލިސް ސަރވިސްއިން ބުނީ، ދުބާއީ ...

އަމީރު އަޙްމަދު މަގުގެ ބަންދުކޮށްފައިވާ ބައި ހުޅުވާލުމުގެ މަސައްކަތް ފަށައިފި

އިސްލާމީ މަރުކަޒާ އިންވެގެންއޮންނަ އަމީރު އަޙްމަދު މަގު އަންނަ ހަފްތާގެތެރޭގައި، އުޅަނދުތައް ދުއްވޭގޮތަށް ހުޅުވާލާނެކަމަށް ޓްރާންސްޕޯޓް މިނިސްޓރީން ބުނެފިއެވެ. ...

ތާރީޚް ޢިލްމުވެރިޔާ ނަދުވީ އަވަހާރަވެއްޖެ

ދިވެހި ތާރީޚަށް އަގުހުރި ޚިދުމަތްތަކެއް ކުރައްވާފައިވާ މަޝްހޫރު ތާރީޚު ޢިލްމުވެރިޔާ އަލްއުސްތާޛު މުޙައްމަދު ވަޙީދު “ނަދުވީ” އަވާހާރަވެއްޖެއެވެ. އުސްތާޛް ...

މާފަރު އެއާޕޯޓަށް ޓެސްޓް ފްލައިޓު ޖައްސައިފި

ނ. މާފަރުގައި ތަރައްގީ ކޮށްފައިވާ އިންޓަނޭޝަނަލް އެއާޕޯޓަށް ޓެސްޓް ފްލައިޓް ޖައްސައިފި އެވެ. މާފަރު އެއާޕޯޓަކީ، ސިންގަޕޫރުގެ ޓަފް ...