ލިވަޕޫލްގެ ސެނެގޯލްގެ ފޯވާޑް މާނޭ ގަތުމަށް ރެއާލްމެޑްރިޑުން ތައްޔާރުވަމުން އަންނަކަމަށް މީޑިއާ ރިޕޯޓްތައް ބުނެފިއެވެ . މީޑިއާ ރިޕޯޓްތައް ބުނާގޮތުން މާނޭ ގަތުމަށް ރެއާލުން ތައްޔާރުވަމުން އަންނަނީ ރެއާލްގެ ކޯޗް ޒިދާންގެ އެދުމުގެ މަތިންނެވެ. އަދި މިސީޒަނަށްފަހު ލިވަޕޫލް ދޫކޮށްލުމަށް މާނޭވެސް ބޭނުންވާކަމަށް ރިޕޯޓްތައް ބުނެއެވެ.
މާނޭގެ އިތުރުން ލިވަޕޫލްގެ މިސްރުގެ ފޯވާޑް ސަލާހުގަތުމަށްވެސް ރެއާލުންއަންނަނީ ތައްޔާރުވަމުންނެވެ. މީޑިއާ ރިޕޯޓްތައް ބުނާގޮތުން މިސީޒަނަށްފަހު ސަލާހުވެސް ލިވަޕޫލް ދޫކޮށްލާނެއެވެ.
ފްރާންސްގެ ކުރީގެ މިޑްފިލްޑަރ މުހައްމަދު ސިސޯކޯ ބުނީ ސަލާހަށްވުރެ މާނޭ ގަތުމަށް ރެއާލުން މަސައްކަތްކުރާނެކަމަށާ މާނޭގެ ކުޅުމާމެދު ރެއާލްގެ ކޯޗް ޒިދާން މާބޮޑަށް ހިތްހަމަޖެހޭކަމަށެވެ.
ސަލާހު އަދި މާނޭ ލިވަޕޫލް ދޫކޮށް ދިޔަނަމަވެސް އެދެމީހުން ކުޅޭމަގާމް ފޫބައްދާނެ ކުޅުންތެރީން ލިވަޕޫލްގައި ތިބޭނެކަމަށްވެސް ސިސޯކޯ ބުނިއެވެ.
ސައުތުހެމްޓަނުން 2016 ވަނަ އަހަރު ލިވަޕޫލަށް ބަދަލުވުމަށްފަހު މާނޭ އަންނަނީ އެޓީމްގައި ތަފާތު ދައްކަމުންނެވެ. އެގޮތުން މާނޭވަނީ މިހާތަނަށް ލިވަޕޫލްއަށް ކުޅެދިން 118 މެޗްގައި 59 ލަނޑު އެޓީމަށް ކާމިޔާބުކޮށްދީފައެވެ.
މަސްދަރު: ޕީއެސްމް ސްޕޯޓްސް
ކޮމެންޓްސް (0)