” އައިވީ މިކްސްޑް ވޮލީ މުބާރާތުގެ ” ގެ ސެމީފައިނަލްގެ ދެވަނަމެޗް ފޭދޫ ފާހި ސްޕޯޓްސް ކްލަބް ކާމިޔާބުކޮށްފިއެވެ.
ހޮނިހިރު ހަވީރު މަރަދޫފޭދޫ ވޮލީކޯޓްގައި ކުޅެވުނު މިމެޗް ފާހި ސްޕޯޓްސް ކްލަބް ކާމިޔާބުކޮށްފައިވަނީ 3 ސެޓް 2 ސެޓުންނެވެ.
މިމެޗްގެ ފުރަތަމަ ސެޓް 25-20 އިން ފާހި ސްޕޯޓްސް ހޯދިކަމުގައިވިޔަސް ދެވަނަ ސެޓް 25-19 އިން ހޯދީ މަރަދޫފޭދޫޓީމެވެ.
ތިންވަނަ ސެޓް 25-18 އިން ފޭދޫޓީމް ހޯދާފައިވަނިކޮށް 4 ވަނަ ސެޓް 25-6 ގެ ތަފާތު ބޮޑު ނަތީޖާއަކުން ހޯދީ މަރަދޫފޭދޫޓީމެވެ.
މިމެޗްގެ 5 ވަނަ ސެޓް 17-15 އިން ކާމިޔާބުކޮށް 3 ވަނަ ސެމީފައިނަލްގައި ފޭދޫޓީމާ ވާދަކުރާނެޓީމަކަށް ފޭދޫ ފާހި ސްޕޯޓްސް ކްލަބް ވަނީ ހޮވިފައެވެ.
މިމެޗްގެ މޭން އޮފްދަމެޗަކަށް ފާހި ސްޕޯޓްސްގެ މޫނާ ހޮވާފައިވާއިރު މިމެޗްގެ ކްއިން އޮފްދަމެޗަކަށް ފަޑިޔާރުން ހޮވާފައިވަނީވެސް ފާހި ސްޕޯޓްސްގެ ނުސްރާއެވެ.
ކޮމެންޓްސް (0)