ހުޅުމީދޫ ރަށްޔިތުންގެ ސިއްހަތު ސަލާމަތް ކުރުމުގައި އެންމެ ބޮޑަށް މަސައްކަތްކުރަންޖެހޭ ، ހުޅުމީދޫ ސިއްހީމަރުކަޒު ހިންގުމާއި ހަވާލްވެ ހުންނެވި އަދި ކޮވިޑް 19 ހުޅުމީދޫ ޓާސްފޯސްގެ އެންމެ އިސްވެރިޔާގެ ވިސްނުމާއި ފިކުރު އެފަރާތުން ވަނީ ޓާސްފޯސް ގްރޫޕްގައި ހާމަކޮށްފައިކަމަށާ އެހެންކަމުން އަހަރެމެން މިކުރާ މަސައްކަތް ހުއްޓާލަން ޖެހޭކަމަށް އައްޑޫ ސިޓީކައުންސިލްގެ ހުޅުދޫދާއިރާގެ ކައުންސިލަރު އިބްރާހިމް ޝުކުރީ ވިދާޅުވެއްޖެވެ.
ކައުންސިލަރު އިބްރާހިމް ޝުކުރީ މިހެން ވިދާޅުވީ ކޮވިޑް 19 ހުޅުމީދޫ ޓާސްފޯސްގެ ވައިބަރ ގްރޫޕްގައި ހުޅުމީދޫ ސިއްހީމަރުކަޒު ހިންގުމާއި ހަވާލްވެ ހުންނެވި އިބްރާހިމް ޒުބައިރު ހިއްސާކުރެއްވި ލިއުމަކާ ގުޅިގެން ޝުކުރީގެ ފޭސްބުކް ޕޭޖްގައި ޝުކުރީ ލިއުއްވާފައިވާ ލިއުއްވުމެއްގައެވެ.
އިބްރާހިމް ޒުބައިރު ކޮވިޑް 19 ހުޅުމީދޫ ޓާސްފޯސްގެ ވައިބަރ ގްރޫޕްގައި ލިއުއްވާފައިވާ ލިއުމުގައި ވިދާޅުވެފައިވަނީ ކޮވިޑް 19 އާއި އަހަރެމެންނާ އޮތީ ކޮންގުޅުމެއްތޯއާއި އަދި އެކަހަލަ ކިތަންމެ ބަލި އަހަރެމެންގެ ތެރޭގައި އެބައުޅޭ ކަމަށް ވިދާޅުވެ އިބްރާހިމްދީދީ ވިދާޅުވެފައިވަނީ މި 6 މަހުގެ ތެރޭގައި އެހެން ބަލިތަކުގައި މިގައުމުން ކިތައްމީހުން ނިޔާވެފައިވާކަމަށެވެ.
” ކޮވިޑް 19 އާއި އަހަރެމެންނާ ކޮންކަމެއް ، މިކަހަލަ ކިތައް ބަލި އެބައުޅޭ . މި 6 މަހުހެ ތެރޭގައި އެހެން ބަލިތަކުގައި މިގައުމުން ކިތައް މީހުން ނިޔާވެއްޖެ ” އިބްރާހިމް ޒުބައިރު ކޮވިޑް 19 ހުޅުމީދޫ ޓާސްފޯސްގެ ވައިބަރ ގްރޫޕްގައި ލިއުއްވާފައިވެއެވެ.
ކޮމެންޓްސް (0)