10 ޖުލައި 2020 ވީ ހުކުރު ދުވަހު ރާއްޖެއިން ކޮވިޑަށް 64 މީހަކު ޕޮޒިޓިވް ވެފައިވާކަމަށް އެޗްޕީއޭއިން ބުނެފި އެވެ. މިއީ ރާއްޖޭގައި ލޮކްޑައުންގެ ހާލަތަށް ލުއި ދިން ފަހުން އެންމެ ގިނަ މީހުން މި ބައްޔަށް ޕޮޒިޓިވްވި ދުވަހެވެ.
ޖުލައި 10 ވަނަ ދުވަހު ޕޮޒިޓިވްވި މީހުންނާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 2,617 އަށް އަރާފަ އެވެ.
އެޗްޕީއޭއިން ބުނީ މިދިޔަ 24 ގަޑިއިރު 947 މީހަކު ބައްޔަށް ޓެސްޓްކޮށްފައިވާ ކަމަށާ ޕޮޒިޓިވްވީ 64 މީހުން ކަމަށެވެ. އެއީ 44 ދިވެހިންނާއި ބަންގްލަދޭޝްގެ 17 މީހުންނާއި އިންޑިއާ ދެ މީހުން އަދި ނޭޕަލް މީހެކެވެ.
ޖުލައި 10 ވަނަ ދުވަހު ރާއްޖެއިން ކޮވިޑް ބަލިން ރަނގަޅުވީ 11 މީހުންނެވެ. އެހެންކަމުން މިހާތަނަށް ރާއްޖެއިން ކޮވިޑް 19 އަށް ރަނގަޅުވީ މީހުންގެ އަދަދަކީ 2،238 މީހުންނެވެ. ރާއްޖެއިން ކޮވިޑް 19 އަށް މިވަގުތު ފަރުވާދެމުންދަނީ 361 މީހުންނަށެވެ.
ކޮވިޑަށް ރާއްޖެއިން 59،981 މީހުން ޓެސްޓް ކޮށްފައިވާއިރު މިހާތަނަށް ރާއްޖއިން މި ބަލީގައި 13 މީހަކު ވަނީ މަރުވެފަ އެވެ.
ކޮމެންޓްސް (0)