ކޯވިޑް-19 : ރާއްޖެއިން ބަލިޖެހުނު ދެމީހަކު ރަނގަޅުވެއްޖެ

ރާއްޖޭގައި ކޯވިޑް 19 ޖެހުނު މީހުންގެ ތެރެއިން 2 މީހަކު މުޅިން ރަނގަޅުވެފައިވާކަމަށް ހެލްތް މިނިސްޓަރ އަބްދުﷲ އަމީން ވިދާޅުވެއްޖެއެވެ.

ނޭޝަނަލް އެމަޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި، ވާހަކަ ދައްކަވަމުން ހެލްތް މިނިސްޓަރ އަބްދުﷲ އަމީން ވިދާޅުވީ ކޯވިޑް 19 ޖެހިގެން ރައްޖޭގައި 13 މީހަކަށް ފަރުވާދެމުންދާކަމަށެވެ. އޭގެ ތެރެއިން ފަރުވާދެވި މިހާތަނަށް 2 މީހަކު މުޅިން ރަނގަޅުކުރެވިފައިވާކަމަށެވެ.

ޢާންމު ދިރިއުޅުމަށް އުގަދޫ ޚައްޞާސް މިދަނޑިވަޅުގައި ހުރިހާ ރައްޔިތުން ކެތްތެރިވެ ކަމާބެހޭ ފަރާތްތަކުން އަޅާފައިވާ ފިޔަވަޅުތަކަށް ބޯލެބުމަށް ހެލްތު މިނިސްޓަރ ޢަބްދުﷲ އަމީންވަނީ އިލްތިމާސްކުރައްވާފައެވެ. އަދި މިކަމުން ރައްކާތެރިވުމަށް ސަރުކާރުން ކުރަމުންދާ އުންމީދު އެއްވެސް މިންވަރަކަށް ކުޑަނުކުރާކަމަށާ، ސަރުކާރުން މަސައްކަތް ކުރަމުންދަނީ ކަމާބެހޭ ފަރާތްތަކުގެ އިރުޝާދާއެކު މިކަމުން ރައްޔިތުން ސަލާމަތްކުރުމަށްކަމަށް މިނިސްޓަރ އަމީން ވިދާޅުވިއެވެ.

ކޯވިޑް-19 ބަލިޖެހިގެން ގެންދިޔަ ދެމީހުނަށް ފަރުވާދެއްވި ޑޮކްޓަރުން ވިދާޅުވީ މިދެމީހުން ބަލިން ރަނގަޅުވެފައިވާކަމަށް ބަލާފައިވަނީ ޑަބްލިއުއެޗްއޯއިން ބަލާމިންގަނޑުތަކާ އެއްގޮތަށް ކޯވިޑް-19ގެ ދެ ޓެސްޓްކޮށް އެދެޓެސްޓުވެސް ނެގެޓިވް ވުމުންކަމަށެވެ.

އަދި ޑޮކްޓަރުންގެ ޓީމުން ނިންމާފައިވަނީ މީގެ ތެރެއިން 70 އަހަރުގެ މީހާ މިފެށޭ ހަފްތާގެ އާދީއްތަ ދުވަހު ދޫކޮށްލުމަށެވެ. އަދި ދެން ހުރިމީހާވެސް ރަނގަޅުކަން އިތުރަށް ކަށަވަރުކުރުމަށްފަހު މިހަފްތާގެ ތެރޭގައި ދޫކޮށްލަން ނިންމާފައިވާކަމަށް ޑޮކްޓަރުން ވިދާޅުވިއެވެ.

ކޯވިޑް-19 އަށް ރާއްޖޭން މިހާތަނަށް ޕޮސިޓިވްވެފައިވަނީ 13 މީހެއް

  • ކުރެއްދޫ އައިލެންޑް ރިސޯޓުން 5 މީހުން
  • ސޭންޑީޒް ބަތަލާ ރިސޯޓުން 2 މީހުން
  • ކުރަމަތި މޯލްޑިވްސްއިން 2 މީހުން
  • ސަފާރީއަކުން 2 މީހުން
  • އަނަންތާރަ ދިގު މޯލްޑިވްސްއިން 2 މީހުންނެވެ.

ރޯގާގެ އަސަރު ކިރިޔާ ހުރި މީހުންނާއި ބަލީގެ އަލާމާތްތައް ކިރިޔާ ފެންނަ މީހުންގެވެސް ސާމްޕަލް ނަގައި ޓެސްޓު ކުރުމުގެ މަސައްކަތް ދަނީ ކުރަމުންނެވެ. ކޯވިޑް-19 ރާއްޖޭގައި ފެތުރުނަ ނުދިނުމަށްޓަކައި ސަރުކާރުން ދަނީ ހަރުދަނާ ފިޔަވަޅުތަކެއް އަޅަމުންނެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައްޑޫގެ ޓޫރިޒަމް ޕްރޮޖެކްޓަށް އިތުރު 11.4 މިލިއަން ރުފިޔާ އިންޑިއާ އިން ދީފި

އައްޑޫ ސިޓީގައި ހިންގުމަށް ހަމަޖެހިފައިވާ އިކޯ ޓްއަރިޒަމް “ހައި އިމްޕެކްޓް ކޮމިއުނިޓީ ޑީވެލޮޕްމަންޓް ޕްރޮޖެކްޓްސް”ގެ ދަށުން ހިންގާ ފަސް ...

އަދީބު މިނިވަން ވެއްޖެ

ކޯޓުގެ ހުރުމަތް ކަނޑައިގެން 15 ދުވަހުގެ ޖަލު ހުކުމެއް ތަންފީޒު ކުރަމުން ދިޔަ ކުރީގެ ނައިބު ރައީސް އަހުމަދު ...

އައްޑޫ ބިންހިއްކަން ފެށުން، ރައީސް ސިފަކުރެއްވީ ތަރައްޤީ ބަދަލުކޮށްލާނެ ފެށުމެއްގެ ގޮތުގައި

އައްޑޫ ސިޓީގެ ބިން ބޮޑުކޮށް، އިޤްތިިޞާދީ ހަރަކާތްތައް އިތުރުކުރުމަށް ހިންގާ ބިން ހިއްކުމުގެ މަޝްރޫޢު ރަސްމީކޮށް ފަށައިފިއެވެ. އައްޑޫ ...