ކޮވިޑަށް ޕޮޒިޓިވްވެ، ރަށްރަށަށް ހޯމް ކަރަންޓީނަށް ދަތުރުކޮށް، މިހާރު ކަރަންޓީނުގައި ތިބި މީހުން ކަރަންޓީނުން ދޫކޮށްލުމުގެ ހުއްދަދީފިއެވެ.
އެޗްޕީއޭއިން ހާމަކޮށްފައިވާގޮތުން ޕޮޒިޓިވްވާ ތާރީޚުން ފެށިގެން (ސާމްޕަލް ނަގާ ތާރީޚުން ފެށިގެން) 60 ދުވަސް ހަމަވެފައިނުވާ މީހުންގެތެރެއިން ރަށްރަށަށް ދަތުރުކޮށް، ކަރަންޓީނުގައި މިހާރު ތިބި މީހުން ކަރަންޓީނުން ދޫކޮށްލުން އެންމެ ރަނގަޅު ކަމަށެވެ.
އެ ގޮތުން ބަލިޖެހި، ރަނގަޅުވެފައިވާތާ 60 ދުވަސްވެފައިނުވާ މީހުން ކަރަންޓީނުން ދޫކޮށްލުމުގެ މަސައްކަތްތައް ކައުންސިލުތަކުން ކުރަމުން ގެންދިއުމަށް އަންގާ ކަމަށެވެ. އަދި އެ އުސޫލުގެ ދަށުން ދޫކޮށްލާ މީހުންގެ މަޢުލޫމާތު އެ އެޖެންސީއާއި ހިއްސާކޮށްދިނުމަށް އެޗްޕީއޭއިން ވަނީ އެދިފައެވެ.
މާލެއިން އަތޮޅު ތެރެއަށް ކަރަންޓީން ނުވާ ގޮތަށް ދަތުރު ކުރާ މި ކެޓަގަރީއަށް ފެތޭ މީހުން ދަތުރު ކުރުމުގެ ކުރިން ހާލުބަލާ ޕޯޓަލް މެދުވެރިކޮށް ހުއްދައަށް އެދޭއިރު އެ ޕޮސިޓިވްވި ކަމުގެ ލިޔުން ހުށަހެޅުމުން ކަރަންޓީން ނުވާގޮތަށް ރަށަށް ދެވޭނެ ކަމަށް އެޗްޕީއޭއިން ބުނެ އެވެ.
ކޮމެންޓްސް (0)