ދ. ކުޑަހުވަދޫއިން ކޮވިޑަށް ޕޮޒިޓިވް ވެފައިވާ ކުޑަކުއްޖެއް އިތުރު ފަރުވާ ދިނުމަށް ލ.ގަމު ކޮވިޑް ފެސިލިޓީއަށް ގެންގޮސް އެތަނުގެ އައި.ސީ.ޔޫ ގައި އެޑްމިޓްކޮށްފިއެވެ.
ގަމު ރީޖަނަލް ހޮސްޕިޓަލުން މިއަދު ހާމަކޮށްފައިވާ ގޮތުގައި ހޯމް ކަރަންޓީންގައި ހުރުމަށްފަހު ސާމްޕަލް ނެގިއިރު ދ. ކުޑަހުވަދޫ އިން ޕޮޒިޓިވްވި ކުޑަކުއްޖެއް އިތުރު ފަރުވާ ދިނުމަށް ލ. ގަމު ކޮވިޑް މެނޭޖްމެންޓް ފެސިލިޓީއަށް ގެނެސް އެތަނުގެ އައި.ސީ.ޔޫ ގައި މިއަދު ވަނީ އެޑްމިޓް ކުރެވިފައެވެ.
ކުޑަހުވަދޫ އިން މި މަހުގެ 1 ވަނަ ދުވަހު ޕޮޒިޓިވްވެފައިވަނީ 1 މަހުގެ ތުއްތު ފިރިހެން ކުއްޖަކާއި 3 އަހަރުގެ ފިރިހެން ކުއްޖެއްގެ އިތުރުން 24 އަހަރުގެ އަންހެނަކާއި، 34 އަހަރުގެ ފިރިހެނެކެވެ. ބެލެވޭ ގޮތުގައި މިއީ އެއް އާއިލާގެ މެމްބަރުންނެވެ.
މި މީހުން ޕޮޒިޓިވްވެފައިވާ ކަން އެނގިފައިވަނީ ހޯމް ކަރަންޓީނު ނިންމުމަށް ފަހު ނެގި ސާމްޕަލްތަކުންނެވެ.
ކޮމެންޓްސް (0)