އިލެކްޝަންސް ކޮމިޝަނުގެ ރައީސް ކަމުން އަހްމަދު ޝަރީފް އިސްތިއުފާ ދެއްވައިފިއެވެ.
ޝަރީފް ކުރެއްވި ޓުވީޓެއްގައި ވިދާޅުވީ އިލެކްޝަންސް ކޮމިޝަންގެ މެމްބަރު ކަމުން މިއަދުން ފެށިގެން އިސްތިއުފާ ދެއްވާފައިވާކަމަށެވެ. އަދި ވޭތުވެދިޔަ އިންތިހާބުތަކުގައި އިހްލާސްތެރި ކަމާއި އަމާނާތްތެރިކަމާއި އެކު މަސައްކަތް ކޮށްދެވުނު ކަމުގެ ހިތްހަމަޖެހުން ލިބުނުކަމަށް ޝަރީފް ވިދާޅުވިއެވެ.
ޝަރީފް އިތުރަށް ވިދާޅުވީ ކުރިމަގުގައިވެސް ރައްޔިތުންގެ ހިދުމަތުގައި ފެންނާނެ ކަމަށެވެ.
މައުލޫމާތު ލިބިފައިވާގޮތުގައި ޝަރީފް އިސްތިއުފާ ދެއްވީ ދައުލަތުގެ ކުންފުންޏެއް ހިންގުމާއި ހަވާލްވެ ވަޑައިގަތުމަށެވެ.
ޝަރީފް އަކީ ކުރިން ރައީސް ޔާމީންގެ ވެރިކަމުގައި ސިޔާސީ މަޤާމުތައް ފުރުއްވި ބޭފުޅެކެވެ.
ކޮމެންޓްސް (0)