ފައިނަލްމެޗްގެ ކުޅިބެއްލެވުމަށް ވަޑައިގަންނަވާ ބޭފުޅުންނަށް ޚާއްސަ ފެރީ ދަތުރެއް

އައްޑޫސިޓީ މީދޫ ދާއިރާގެ މަރަދޫފޭދޫ އައިލެންޑް ވޮއިސް އޮފް ޔޫތުން އިންތިޒާމްކޮށްގެން މަރަދޫފޭދޫ އަވަށުގައި މިހާރު ކުރިއަށްދާ  ” އައިވީ މިކްސްޑް ވޮލީ މުބާރާތުގެ  ” ފައިނަލްމެޗްގެ ކުޅުން ބެއްލެވުމަށާ ފައިނަލްގައި ކުޅޭ މީދޫޓީމަށް ސަޕޯޓްކޮށްދެއްވުމަށް ވަޑައިގަންނަވަން ބޭނުން ފުޅުވާ ފަރާތްތަކަށް އެފުރުސަތު ތަނަވަސްކޮށްދިނުމުގެ ގޮތުން ޗޭނު ޖަމްއިއްޔާއިން އެސްޓީއެލްއާއި ވާހަކަ ދައްކައިގެން މާދަމާ ( 1 ޑިސެމަބަރ 2020 ވާ އަންގާރަދުވަހު ) 15:00 އިން ހުޅުމީދޫން ފުރާގޮތައް ފެރީ ދޯނީގެ ދަތުރު މިހާރުވަނީ ހަމަޖައްސާފައެވެ.  އަދި މެޗް ނިމިގެން 19:00 އިން ފޭދުން ފުރާގޮތައް ފެރީ ދޯނީގެ ދަތުރު މިހާރުވަނީ ބަދަލުކުރެވިފައެވެ.

ވީމާ މާދަމާ ކުޅެވޭ ފައިނަލްމެޗް ބެއްލެވުމަށާ މީދޫޓީމަށް ސަޕޯޓް ކުރައްވަން ވަޑައިގަންނަވަން ބޭނުން ފުޅުވާ ފަރާތްތަކަށް އެލްޓީއެލްގެ ގަވާއިދު ހަމަޖެހިފައިވާގޮތުން ދޯނި ފެރީގެ ޓިކެޓް ނަންގަވައިގެން މަރަދޫފޭދުއަށް ވަޑައިގެންނެވުމުގެ ފުރުސަތު މިހާރުމިވަނީ ހަމަޖެހިފައެވެ. އެހެންކަމާއެކު މީދޫޓީމްގެ ކުޅުންތެރީންގެ އެދުމަކީ މާދަމާ ކުޅެވޭ ފައިނަލްމެޗް ބެއްލެވުމަށާ މީދޫޓީމަށް ސަޕޯޓް ކޮށްދެއްވުމަށް ވަޑައިގެންދެއްވެން ތިއްބެވި ވީހާވެސް ގިނަބޭފުޅުން ވަޑައިގެން މީދޫޓީމަށް ސަޕޯޓްކޮށްދެއްވުމެވެ.