ގޭގައި ކަރަންޓީން ކުރުމަށް މާލެން އައްޑުއަށް 50 މީހަކު ފޮނުވުމަށް ތައްޔާރު ވަމުންދާ ކަމަށް ނޭޝަނަލް އެމަޖެންސީ ސެންޓަރ (އެންއޯސީ) އިން ހާމަކޮށްފިއެވެ.
އެންއޯސީން މިކަން ހާމަކުރީ މިރޭ ދަރުބާރުގޭގައި ބޭއްވި ނޫސް ކޮންފަރެންސްގައި އެންއޯސީގެ ތަރުޖަމާން މަބުރޫކެވެ. މާލެން އައްޑުއަށް 50 މީހަކު ގޭގައި ކަރަންޓީނު ކުރުމަށް ފޮނުވުމުގެ ތައްޔާރީތައް ކުރައްވަމުން ގެންދަވާކަމަށް ވިދާޅުވިޔަސް އެކަމާބެހޭ އިތުރު ތަފްސީލެއް މަބުރޫކު ނުދެއްވައެވެ.
ގޭގައި ކަރަންޓީން ކުރުމަށް މާލެން އައްޑުއަށް ފޮނުވާ 50 މީހުންގެ ތެރޭގައި މީދޫ މީހުންވެސް ހިމެނިފައިވާކަމަށް މައުލޫމާތު ލިބިފައިވެއެވެ
ކޮވިޑް 19 އާއި ގުޅިގެން މާލޭގައި ތާށިވެފައި ތިބި މީހުން ރަށަށް ފޮނުވުމަށްފަހު ގޭގައި ކަރަންޓީން ކުރުމުގެ އުސޫލެއް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އެކުލަވާލާ އެކަން ހާމަކޮށްފައިވަނީ މިއަދުގެ ވަގުތެއްގައެވެ.
ކޮމެންޓްސް (0)