މޫސުމް ގޯސްވުމުގެ ސަބަބުން އައްޑުއަތޮޅު ގަން އިންޓަނޭޝަލް އެއާޕޯޓަށް ޖައްސަން އޮތް މޯލްޑިވިއަންގެ ފްލައިޓް ގިނަ އިރުތަކެއް ވަންދެން ގަމުގައި ޖައްސަން މަސައްކަތްކޮށް އެކަން ކާމިޔާބުވާގޮތް ނުވުމުން އެ ފްލައިޓް ޑައިވާޓް ކުރުމަށްފަހު ވެލާނާ އިންޓަނޭޝަނަލް އެއާޕޯޓަށް ޖައްސައިފިއެވެ.
ރޭ 1:20 ހާއިރު ގަން އެއާޕޯޓަށް ޖައްސަން އޮތް މޯލްޑިވިއަންގެ ފްލައިޓް ޑައިވާޓް ކުރުމަށްފަހު ވެލާނާ އެއާޕޯޓަށް ޖެއްސީ ރޭ 3:19 ގައެވެ. މި ފްލައިޓް ވެލާނާ އެއާޕޯޓްގައި ޖައްސާފައި ވަނީ ވެލާނާ އެއާރޕޯޓުން ގަމަށްދާން ފުރިތާ ތިން ގަޑިއިރާއި 16 ވަރަކަށް މިނިޓް ފަހުންނެވެ.
އިއްޔެ އިރުއޮއްސުނުއިރުން ފަށައިގެން އައްޑޫއަށް ވައިގަދަވެ ވިއްސާރަ ވަމުންދާއިރު، ހުއްޓުމެއް ނެތި ވާރޭ ވެހެމުން ދާތާ ގިނަ އިރުތަކެއްވަނީ ވެފައެވެ. އަދި އައްޑޫ ހިމެނޭ ސަރަހައްދަށް މޫސުމާއި ބެހޭ އިދާރާއިން ވަނީ ރޭ ރީނދޫ އިންޒާރުވެސް ނެރެފައިވެއެވެ.
ކޮމެންޓްސް (0)