މިއަދު ހަވީރު ކުޅެވުނު މައިލޯ އިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ މެޗުގައި ހިތަދޫ ސްކޫލް 1-0 އިން ބަލިކޮށް އަތޮޅުމަދަރުސާގެ ޓީމް ފައިނަލުގެ ދެވަނަ ޖާގަ ކަށަވަރުކޮށްފި އެވެ.

ހިތަދޫ ސްކޫލްގެ ގިނަ އަދަދެއްގެ ސަޕޯޓަރުން ފޯރިނަގަމުން ދިޔަ މި މެޗުގެ ފުރަތަމަ ހާފްގައި ހިތަދޫ ސްކޫލްޓީމުން މޮޅު ކުޅުމެއް ދެއްކި ނަމަވެސް ދެވަނަ ހާފްގައި ދެޓީމުގެ ފަރާތުންވެސް ފެނިގެންގޮސްފައިވަނީ ދާދި ހަމަހަމަ ކުޅުމެކެވެ.

އަތޮޅުމަދަރުސާޓީމް މިމެޗުން މޮޅުވި ލަނޑު މެޗް ނިމެން 5 މިނިޓަށް ވެފައިވަނިކޮށް ލިބުނު ޕެނަލްޓީއަކުން ކާމިޔާބުކޮށްދިނީ ރަޔަންއެވެ.

އަތޮޅުމަދަރުސާޓީމަށް ލިބުނު މިޕެނަލްޓީއަކީ އެޓީމުގެ ސަހާފް ހިތަދޫސްކޫލް ޓީމުގެ ހާފްގެ މެދަކާ ހިސާބުން ހިތަދޫ ސްކޫލްގެ 4 ކުޅުންތެރީން ކަޓުވާލުމަށްފަހު އެޓީމުގެ ޕެނަލްޓީއޭރިއާގެތެރެއަށްވަދެ ބޯޅަ ގޯލަށް ފޮނުވާލަން އުޅުމުގެތެރޭގައި ހިތަދޫ ސްކޫލް ޓީމުގެ ކުޅުންތެރިއަކު ސަހާފް ވައްޓާލުމުން ލިބުނު ޕެނަލްޓީއަކުން ރަޔަން ކާމިޔާބުކޮށް ދިން ލަނޑެކެވެ.

މި ޕެނަލްޓީގައި ރަޔަން ފޮނުވާލި ބޯޅަ ކީޕަރު ދިފާއުކޮށް ފޮނުވާލުމުންވެސް އަލުން ބޯޅަ ލިބުނީ ރަޔަންއަށެވެ. ރަޔަންއަށް ބޯޅަ ލިބުނުމުން ކީޕަރު ކަޓުވާލުމަށްފަހު ރަޔަންވަނީ ބޯޅަ ގޯލްތެރެއަށް ފޮނުވާލާފައެވެ.

ފަސްޓީމު ވާދަކުރި މިމުބާރާތުގެ ފައިނަލަށް އަތޮޅުމަދަރުސާ ހޮވިފައިވަނީ އެޓީމު ކުޅުނު 4 މެޗުން 7 ޕޮއިންޓް ލިބިގެން ޕޮއިންޓް ޓޭބަލްގެ 2 ވަނަ ޓީމްގެ ގޮތުގައެވެ. މިމުބާރާތުގެ ފައިނަލަށް ޕޮއިންޓް ޓޭބަލްގެ އެއްވަނަ ޓީމެއްގެ ގޮތުގައި 8 ޕޮއިންްޓް ލިބިގެން ހޮވިފައިވަނީ ޝަރަފުއްދީން ސްކޫލެވެ.

ޝަރަފުއްދީން ސްކޫލާއި އަތޮޅުމަދަރުސާގެ ޓީމް މިމުބާރާތް ފެށުމުގެ ގޮތުން  ބައްދަލުކުރި މެޗް ނިމިފައިވަނީ  3 ލަނޑު 3 ލަނޑު ދެޓީމް އެއްވަރުވެގެންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޕެނަލްޓީ  ޖަހައިގެން ހުޅުދޫ އެފްސީ ބަލިކޮށް އެސްކޭޕީ ޔުނައިޓެޑް ފައިނަލަށް

ޕެނަލްޓީ ޝޫޓްއައުޓްގައި އިސްމާއީލް އަލަފް ކާމިޔާބުކުރި ޕެނަލްޓީން ވަރުގަދަ ހުޅުދޫ އެފްސީ ބަލިކޮށް ހިތަދޫ އެސްކޭޕީ ޔުނައިޓެޑް ހުޅުދޫ ...

ސައުތު އޭޝިއަން ބޮޑީބިލްޑިން ޗެމްޕިއަންޝިޕް: ރާއްޖެ އަށް ހަތަރު ރަން މެޑަލް

13 ވަނަ ސައުތު އޭޝިއަން ބޮޑީބިލްޑިން ޗެމްޕިއަންޝިޕުގައި ވާދަކުރާ ރާއްޖޭގެ އެތުލީޓުން ހަތަރު ރަން މެޑަލް އާއި ތިން ...

ޓޫ ބްރަދާސްއާއި އެއްވަރުވެ އެފްސީ ސަބޯޝަނަށް އިތުރު ހާސްކަމެއް

ސިޔާކަޕް ފުޓުބޯޅަ މުބާރާތުގައި ކެނެރީފުން މިމުބާރާތުގައި ބައިވެރިކުރި  އެފްސީ ސަބޯޝަން  ކުޅުނު ދެވަނަ މެޗުގައި ޓޫ ބްރަދާސްއާއި ވާދަކޮށް ...