ކޮވިޑް 19 އާއި ގުޅިގެން މިމަހުގެ 6 ވަނަ ދުވަހު މީދޫއާއި ހުޅުދޫގައި ހޯމްކަރަންޓީނު ކުރެވުނު 18 މީހުންގެ ކަރަންޓީންގެ މުއްދަތު މިމަހުގެ 21 ވަނަ ދުހުގެ ނިޔަލަށް ހަމަވެފައިވާތީ އެ 18 މީހުންގެ ގައިން މިމަހުގެ 22 ވަނަ ދުވަހު ކޮވިޑަށް ޓެސްޓް ކުރުމަށް ނެގުނު ސާމްޕަލްތަކުގެ ނަތީޖާ ނެގެޓިވް ވެފައިވާތީ އެ 18 މީހުން ރޭގެ ވަގުތެއްގައި އެމީހުން ދޫކޮށްލައިފިއެވެ.
މައުލޫމާތު ލިބިފައިވާގޮތުގައި މި 18 މީހުންގެ ގައިން ސާމްޕަލް ނަގާފައިވަނީ ހުޅުމީދޫ ސިއްހީމަރުކަޒުގެ ފަރާތުންނެވެ. އަދި 18 މީހުންގެ ޓެސްޓް ހަދާފައިވަނީ އައްޑޫ އިކުއިޓޯރިއަލް ހޮސްޕިޓަލުގައެވެ.
މާލޭގައި ތާށިވެފައި ތިބި މީހުން އެ މީހުންގެ އުފަން ރަށަށް ނުވަތަ ދިރިއުޅޭ ރަށަށް ގެންގޮސް ގޭގައި ކަރަންޓީން ކުރެވޭގޮތަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ހަމަޖެއްސުމާއިގުޅިގެން ހޯމް ކަރަންޓީނުގައި 14 ދުވަހަށް ބޭތިއްބުމަށްފަހު އެ މީހުން ދޫކޮށްލަނީ ކޮވިޑަށް ޓެސްޓްކޮށް ނަތީޖާ ނެގަޓިވްވުމުންނެވެ.
ކޮމެންޓްސް (0)