މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ ކުރީގެ ކޯޗު އަހުމަދު ސަލީމް (ހީނާ އަހުމަދު ސަލީމު ) ގެ “ހީނާ ފުޓްބޯޅަ އެކެޑެމީ” ގެ 16 އަހަރުން ދަށުގެ ފުޓްބޯޅަ ޓީމެވެ . މިޓީމްވަނީ ބުރާސްފަތި ދުވަހުގެރޭ ދަންވަރު 2:30 ހާއިރު މީދުއަށް އައިސްފައެވެ . މިޓީމާއި މިޓީމްގެ އޮފިޝަލުން މީދުއަށް އައުމުން ހޫނު މަރުހަބާއެއް ކިޔާފައިވެއެވެ.
ހީނާ ފުޓްބޯޅަ އެކެޑެމީގެ 16 އަހަރުން ދަށުގެ ޓީމް މީދުއަށް އައިސްފައި މިވަނީ މީދޫގައި ހިންގާ ” އީޓީއެފްއޭ ހުޅުމީދޫ އެކެޑެމީ ” ގެ އަހަރީ ދުވަސް ފާހަގަކުރުމުގެގޮތުން ހުކުރު ހަވީރު މީދޫ ފުޓްބޯޅަ ދަނޑުގައި ކުޅެވޭ ޚާއްސަ ފުޓްބޯޅަ މެޗްގައި އީޓީއެފްއޭ ހުޅުމީދޫ އެކެޑެމީގެ ޓީމާއި ބައްދަލުކޮށް ކުޅޭމެޗްގައި ބައިވެރިވުމަށެވެ.
މިމެޗްގެ ކުޅުން އޮންނާނީ ހުކުރުދުވަހުގެ ހަވީރު 4:00 ގައި މީދޫ ފުޓްބޯޅަ ދަނޑުގައެވެ.
މިމެޗް އިންތިޒާމް ކުރާފަރާތުން އެދިލައްވަނީ މިމެޗްގެ ކުޅުން ބެއްލެވުމަށާ މިމެޗްގައި ކުޅޭ ދެޓީމްގެ ކުޅުންތެރީންނަށް ސަޕޯޓްކުރެއްވުމަށް ވީހާގިނަބަޔަކު މީދޫ ފުޓްބޯޅަ ދަނޑަށް ހުކުރުދަވަހު ހަވީރު ވަޑައިގެންދެއްވުމެވެ
ރޭ ދަންވަރު މީދުއަށް އައިސްފައިވާ “ހީނާ ފުޓްބޯޅަ އެކެޑެމީ” ގެ 16 އަހަރުން ދަށުގެ ފުޓްބޯޅަ ޓީމާއެކު ރާއްޖޭގެ ގައުމީޓީމްގެ ކުރީގެ ކެޕްޓަން އިމްރާނުވެސް މީދުއަށް ވަޑައިގެންފައިވެއެވެ. އިމްރާންވެސް މީދުއަށްވަޑައިގެންފައިވަނީ ހުކުރުދުވަހު ހަވީރު ކުޅެވޭ ފުޓްބޯޅަމެޗްގައި ޚާއްސަ މެހުމާނެއްގެ ގޮތުން ބައިވެރިވެވަޑައިގެންނެވުމަށެވެ.
ކޮމެންޓްސް (0)