ސ. މަރަދޫފޭދޫ ބަނދަރު އަޕްގްރޭޑް ކުރުމުގެ މަސައްކަތް ފަށައިފިއެވެ.
ހެވީ ފޯސް ޕްރައިވެޓް ލިމިޓެޑް އާއި ހަވާލުކޮށްގެން ކުރިއަށްގެންދާ މަރަދޫފޭދޫ ބަނދަރު އަޕްގްރޭޑް ކުރުމުގެ މަސައްކަތުގެ ތެރޭގައި ހިމެނެނީ 243 މީޓަރުގެ ބޮޑުހިލައިގެ ބޭރުތޮށްޓެއް ޖެހުމާއި، 100 މީޓަރުގެ ރިވެޓްމަންޓެއް ޖެހުމާއި، 260 މީޓަރުގެ ކޮންކްރީޓް ބްލޮކްގެ އެއްގަމު ތޮށްޓެއް ލުމުގެ އިތުރަށް ނެރުބައްތި ޖެހުމާއި، އެއްގަމު ތޮށްޓާއި އިންވެގެން 1300 ސްކެއަރ މީޓަރުގެ ޕޭމެންޓް ހެދުމުގެ އިތުރަށް ބަނދަރު ސަރަހައްދުގައި ލައިޓްޖެހުމާއި ބަނދަރުގައި ރޭމްޕެއް ހެދުމުގެ މަސައްކަތެވެ.
މަރަދޫފޭދޫ ބަނދަރު އަޕްގްރޭޑްކުރުމަށް 366 ދުވަހުގެ މުއްދަތެއް ދީފައިވާއިރު މި މަޝްރޫއުގެ ޖުމްލަ އަގަކީ 31،685،368.85 ރުފިޔާއެވެ.
ކޮމެންޓްސް (0)