މެރެތަން އިސްކޮށް ހުންނަވައިގެން ހެލްޕިންގ ސޯޝަލް ކެއާގެ ފަރާތުން އިންތިޒާމްކޮށްގެން ހުޅުދޫގައި ކުރިއަށް ގެންދާ މިނިވަންކަޕް ފުޓްސަލް މުބާރާތް 2019 މިއަދު ހަވީރު ފެށުމަށްވަނީ ހަމަޖެހިފައެވެ. ހުޅުދޫ ފުޓްސަލް ދަނޑުގައި ކުރިއަށް ގެންދިއުމަށް ހަމަޖެހިފައިވާ މިމުބާރާތް ފެށުމުގެ ގޮތުން ކުޅެވޭ ފުރަތަމަމެޗްގައި ބައްދަލުކުރުމަށް ހަމަޖެހިފައިވަނީ ގްރޫޕްއޭގައި ހިމެނޭ ޕޮލިސް އާއި މަލްޓިޖީނިއަސްއެވެ.
މިމުބާރާތް މިއަދު ހަވީރު ފެށިކަމުގައިވިޔަސް މިމުބާރާތް ރަސްމީކޮށް ފެށުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ މިރޭ 20:30ގައެވެ. މިރޭ ބޭއްވޭ މިމުބާރާތް ފެށުމުގެ ރަސްމިއްޔާތަށްފަހު މިމުބާރާތުގެ ދެވަނަމެޗްގެ ކުޅުންވެސް މިރޭ އޮންނާނެއެވެ. އެމެޗްގައި ބައްދަލުކުރާނީ ވައިކިންގުއާއި އެންމެ ފަހުގެ ޗެމްޕިއަން ތައްލިއެވެ
ކޮމިއުނިޓީ ވިތްއައުޓް ޑްރަގްސް” މިޝިއާރުގެ ދަށުން ކުރިއަށް ގެންދާ މިއަހަރުގެ މުބާރާތުގައި ޗެމްޕިއަން ޓީމަށް 40000 ރުފިޔާގެ ފައިސާގެ އިނާމް ހުށަހަޅާފައިވާއިރު ރަނަރަޕް ޓީމަށް ދިނުމަށް ހަމަޖައްސާފައިވަނީ 20000 ރުފިޔާއެވެ.
ޖުމްލް 10 ޓީމް ބައިވެރިވި މިމުބާރާތުގައި 25 މެޗް ކުޅުމަށް ހަމަޖެހިފައިވާއިރު މިމުބާރާތުގައި ބައިވެރިވި 10 ޓީމް ވަނީ ދެ ގުރޫޕަކަށް ބަހާލަފައެވެ.
މިގޮތުން ގުރޫޕް އޭ ގައި ހިމެނެނީ ޕޮލިސް ގެ އިތުރުން އެމްއެންޑީއެފް، ޒެލޯން ، މަލްޓިޖީނިއަސް އަދި ރިސޯޓްބޯއިއެވެ.
ގުރޫޕް ބީ ގައި ހިމެނެނީ އެންމެ ފަހުން ޗެމްޕިއަން ތައްލިހީގެ އިތުރަށް ރިއަލްއޭޓީ ،ގައުމު އެފްސީ އަދި ކެނެރީފް ގެ އިތުރުން ވައިކިންގު އެވެ.
ކޮމެންޓްސް (0)