ރާއްޖެއިން ކޮވިޑް-19އަށް އިތުރު 13 މީހަކު ޕޮޒިޓިވްވެ ރާއްޖެއިން ޕޮޒިޓިވްވި މީހުންގެ އަދަދު 1916އަށް އަރައިފިއެވެ. އަދި މީގެ އިތުރަށް އެޗްޕީއޭއިން ޢާންމުކުރައްވާފައިވާ ތަފާސްހިސާބުތައް ދައްކާގޮތުން މިއަދު އިތުރު 98 މީހުން ވަނީ ބަލިން ރަނގަޅުވެފައެވެ. މިއާއެކު ރާއްޖެއިން މިބަލި ޖެހުނު މީހުންގެ ތެރެއިން 925 މީހަކު ވަނީ މިބަލިން ރަނގަޅުވެފައެވެ.
އެޗްޕީއޭއިން މިއަދު އާންމުކޮށްފައިވާ މަޢުލޫމާތަށްބަލާއިރު ރޭގެ 00:00 އިން މިރޭގެ 6:00އާއި ހަމައަށް ޕޮޒިޓިވްވި 13 މީހަކު މީހުންގެ ތެރޭގައި ހިމެނެނީ 7 ދިވެހިންނާއި ބަންގްލަދޭޝްގެ 5 މީހަކާއި އިންޑޮނޭޝިއާގެ މީހެކެވެ.
އެޗްޕީއޭއިން ހާމަކޮށްފައިވާގޮތުން ރާޢްޖޭގައި މިހާރު ކޯވިޑް-19އަށް ފަރުވާ ހޯދަމުން ދަނީ 981 މީހުންނެވެ. މީގެ ތެރެއިން 16 މީހަކަށް ދަނީ ހޮސްޕިޓަލުގައި ފަރުވާދެމުންނެވެ.
އަދި އެޗްޕީއޭއިން ހާމަކޮށްފައިވާ މައުލޫމާތު ތަކަށް ބަލާއިރު ފާއިތުވެދިޔަ 7 ދުވަހުގެ ތެރޭގައި ރާއްޖެއިން ޕޮޒިޓިވްވާ މީހުންގެ ނިސްބަތްވަނީ ވަރަށްބޮޑުތަނުން މަދުވެފައެވެ. ކޮންމެ ދުވަހަކުވެސް ގިނަ ސާމްޕަލަތައް ނަގައި ޓެސްޓް ހަދަމުންދާއިރު ޓެސްޓްގެ ނަތީޖާ ދައްކާގޮތުން އޭގެ ތެރެއިން ގިނަ މީހުންވަނީ ކޮވިޑް-19އަށް ނެގެޓިވްވެފައެވެ.
ކޮމެންޓްސް (0)