ރާއްޖޭގެ އެއްވެސް ރައްޔިތަކާމެދު އީޔޫއިން ފިޔަވަޅު އެޅިޔަކަ ނުދޭނަން- ޝައިނީ

ރާއްޖޭގެ އެއްވެސް ރައްޔިތަކާމެދު ޔޫރަޕިއަން ޔޫނިއަން، އީޔޫއިން ފިޔަވަޅު އެޅިޔަ ނުދޭން ސަރުކާރުގެ ފަރާތުން ކުރެވެންހުރި ހުރިހާ މަސައްކަތެއް ކުރައްވާނޭކަމަށް މިނިސްޓަރ އޮފް ފިޝަރީޒް އެންޑް އެގްރިކަލްޗަރ ޑރ. މުޙައްމަދު ޝައިނީ ވިދާޅުވެއްޖެއެވެ.
ސިޔާސީ ޕާޓީތަކުގެ މަޝްވަރާގައި ބައިވެރިވެވަޑައިގަންނަވާ ސަރުކާރުގެ އިސް މަންދޫބު، މިނިސްޓަރ ޝައިނީ މިއަދު ކުރެއްވި ޓްވީޓެއްގައި ވިދާޅުވީ އީޔޫއިން ރާއްޖެއާއި މެދު ފިޔަވަޅު އަޅަން ނިންމާފައިވާ މީހުންގެ ލިސްޓުގައި ރާއްޖޭގެ ބައެއް ވިޔަފާރިވެރިން ހިމަނާނެކަމަށް ބުނެ، އެފަރާތްތަކަށް ބިރުދައްކައިގެން، ފައިސާ ހޯދަން މަސައްކަތް ކުރާކަމަށެވެ. އެހެންނަމަވެސް އީޔޫއިން ފާސްކުރި އޮނިގަނޑުގައި އެއްވެސް ފަރާތަކާމެދު ފިޔަވަޅު އަޅަން ނިންމާފައިނުވާއިރު، ފިޔަވަޅު އަޅާނެ ފަރާތްތަކުގެ ލިސްޓެއްވެސް އެކުލަވާލާފައިނުވާކަމަށެވެ.
ނަމަވެސް މިއީ އިދިކޮޅު ފަރާތްތަކުން ރައްޔިތުންގެ މެދުގައި ބިރުވެރިކަން އުފެއްދުމަށް އުޅޭ ބަޔަކު ކުރާ މަސައްކަތެއްކަމަށްވެސް ޝައިނީ ވިދާޅުވިއެވެ. އަދި އީޔޫއިން ނެރުނު ބަޔާން ރަނގަޅަށް ކިޔާލުމުން އެކަން ހާމަވާނެކަމަށްވެސް ޝައިނީ ވިދާޅުވިއެވެ.
އީޔޫއިން ރާއްޖެއާމެދު ފިޔަވަޅު އަޅަން އުޅޭކަމަށް ބުނެ އިދިކޮޅު ފަރާތްތަކުން ތަފާތު ވާހަކަދައްކަމުން ދިޔަނަމަވެސް، ރައީސް ޔާމީންގެ ސަރުކާރާ ދެކޮޅަށް ބައިނަލްއަޤްވާމީ އެއްވެސް ފަރާތަކުން މިހާތަނަށް އެއްވެސް ފިޔަވަޅެއް އަޅާފައެއްނުވެއެވެ. ސިޔާސީ މަސްޜަހުގައި ހުރި މައްސަލަތައް ހައްލުކުރުމަށް ޕާޓީތަކުގެ މެދުގައި މަޝްވަރާތައް ފެށުމަށް ބޭރުގެ ފަރާތްތަކުން ގޮވާލިނަމަވެސް ޕާޓީތަކުގެ މަޝްވަރާގައި ބައިވެރިވުމަށް އިދިކޮޅު ފަރާތްތަކުން ދަނީ ދެކޮޅު ހަދަމުންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އެންމެ ގިނައިން ވާރޭ ވެހުނު ކަމަށް ރިކޯޑު ކުރެވިފައި ވަނީ އައްޑޫ ސިޓީ ގަމާއި ހުޅުމީދޫ އަަށް

އިއްޔެގެ ހެނދުނު 8:00 އިން މިއަދުގެ ހެނދުނު 8:00އާ ހަމައަށް އެންމެ ގިނައިން ވާރޭ ވެހުނު ކަމަށް ރިކޯޑު ...

ގައުމު ސްޓްރީޓް ކަޕް : މިއަދުގެ މެޗުވެސް ބީރިކަނާ ކާމިޔާބުކޮށްފި

ގައުމު އެފްސީން  އިންތިޒާމުކޮށްގެން މީދޫގައި  ބާއްވާ “ގައުމު ސްޓްރީޓް ކަޕް” ފުޓްބޯޅަ މުބާރާތުގެ މިއަދު ހަވީރު ކުޅުނުމެޗް އެފްސީ ...

މިއަދު ކޮވިޑް 19 އިން 111 މީހަކު ރަގަޅުވިއިރު ޕޮޒިޓިވް ވެފައިވަނީ 20 މީހުން

ރާއްޖެއިން އިތުރު 111 މީހަކު ކޮވިޑް 19 އިން ރަނގަޅުވެ، އިތުރު  20 މީހުން ކޮވިޑް 19 އަށް ...