މާދަމާ ރެއިން ފެށިގެން މާލެ ސަރަހައްދުގައި ރޭގަނޑު 20:00 އިން ފެށިގެން ފަތިހު 5:00އާ ހަމަޔަށް އެއްގަމު އުޅަނދުފަހަރު ދުއްވުން މަނާކޮށްފިއެވެ.
ހެލްތް އިމަޖެންސީ އޮޮޕަރޭޝަން ސެންޓަރުން ވިދާޅުވީ ކޯވިޑް-19 އަށް ޕޮޒިޓިވްވާ މީހުން އެއްދުވަހުން އަނެއްދުވަހަށް އިތުރުވަމުންދާތީ މާލެ ސަރަހައްދުގައި އަޅާފައިވާ ފިޔަވަޅުތައް އިތުރަށް ވަރުގަދަ ކުރުމުގެ ގޮތުން މާދަމާރެއިން ފެށިގެން މާލެ، ހުޅުމާލެ އަދި ވިލިމާލޭގެ މަގުތަކުގައި ރޭގަނޑު 20:00 ން ފެށިގެން ފަތިހު 05:00އާ ހަމައަށް އެއްގަމު އުޅަނދު ދުއްވުން މަނާކުރެވިފައިވާކަމަށެވެ.
ނަމަވެސް މި އޮގަސްޓްމަހުގެ 4 ވަނަ ދުވަހު މާލެ ސަރަހައްދުގައި ރޭގަނޑު 22:00 އިން ފެށިގެން ފަތިހު 5:00އާ ހަމަޔަށް ބޭރަށް ނިކުމެ އުޅުން މަނާކޮށްފައިވާ ގޮތަށް މިހާރުވެސް ބޭރަށް ނިކުމެ އުޅުން މަނާކުރެވިފައިވަނީ ހަމަ އެވަގުތުގެ ތެރޭގައެވެ. އަދި އެ ވަގުތުތަކުގައި ބޭރަށް ނުކުމެވޭނީ ޒަރޫރީ ބޭނުމަކަށް ކޮންމެހެން ނުކުންނަން ޖެހިގެން ފުލުހުންގެ ހުއްދައާ އެކުކަމަށްވެސް އެޗްއީއޯސީން ވިދާޅުވިއެވެ.
އަދި ކަނޑައެޅިފައިވާ ވަގުތުތަކުގައި ހުއްދައަކާއި ނުލައި ބޭރުގައި އުޅޭނަމަ ފިޔަވަޅުއަޅާނެކަން ފުލުހުންވަނީ ވިދާޅުވެފައެވެ.
ކޮމެންޓްސް (0)