ޝަންގްރިއްލާ ޓީމް ސެމީފައިނަލަށް- ސެމީފައިނަލްގެ ދެމެޗްވެސް މިރޭ ކުޅެވޭނެ

    ބެސްޓް ފުޓްސަލް މުބާރާތް 2018 ގެ ސެމީފަނަލަށް ޝަންގްރިއްލާ ޓީމް ހޮވިއްޖެވެ.

    ޝަންގްރިއްލާޓީމް ސެމީފައިނަލަށް ހޮވުނީ  ރޭ ކުޅެވުނު ގްރޫޕް ބީގެ ފަހުމެޗްގައި ގައުމު އެފްސީއާއި ބައްދަލުކޮށް ކުޅުނުމެޗް 2 ލަނޑު 2 ލަނޑުން އެއްވަރުވުމުން ލިބުނު 1 ޕޮއިންޓާއެކު ޖުމްލަ ދެ ޕޮއިންޓްލިބި ބީގްރޫޕްގެ ދެވަނަ ޓީމްގެ ގޮތުގައެވެ. ބީ ގްރޫޕްގެ އެއްވަނަ ޓީމްގެ ގޮތުގައި ސެމީފައިނަލަށް ހޮވުނީ 4 ޕޮއިންޓް ލިބިގެން ޑީއެފްސީއެވެ.

    ރޭ ކުޅެވުނު ގްރޫޕް އޭގެ ފަހުމެޗްގައި ބައްދަލުކުރީ ކުރީންވެސް ސެމީފައިނަލަށް ހޮވިފައިވާ ދެޓީމެވެ. އެއީ  ބްރަދާސް ޔުނައިޓެޑާއި ޔުނައިޓެޑް ބްރަދާސްއެވެ.

    މިމެޗް  7 ލަނޑު 3 ލަނޑުން ކާމިޔާބުކޮށް ގްރޫޕް އޭގެ 1 ވަނަ ޓީމްގެ ގޮތުގައި 9 ޕޮއިންޓް ހޯދައިގެން ސެމީފައިނަލަށް ހޮވުނީ ޔުނައިޓެޑް ބްރަދާސްއެވެ. މިގްރޫޕް ގެ 2 ވަނަ ޓީމްގެ ގޮތުގައި 6 ޕޮއިންޓް ލިބިގެން ސެމީފައިނަލަށް ހޮވުނީ  ޔުނައިޓެޑް  ބްރަދާސްއަތުން ދެރަވި ބްރަދާސް ޔުނައިޓެޑްއެވެ.

    މިމުބާރާތުގެ ސެމީފަނަލްގެ ދެމެޗްވެސް މިރޭ ކުޅެވޭނެއެވެ. ސެމީފައިނަލްގެ ފުރަތަމަމެޗްގައި ބައްދަލުކުރުމަށް ހަމަޖެހިފައިވަނީ ގްރޫޕް އޭގެ އެއްވަނަޓީމްގެ ގޮތުގައި ހޮވުނު ޔުނައިޓެޑް ބްރަދާސްއާއި ބްރޫޕް ބީގެ ދެވަނަޓީމްގެ ގޮތުގައި ހޮވުނު ޝަންގްރިއްލާއެވެ. މިމެޗްގެ ކުޅުން ފެށޭނީ މިރޭ 8:30 ގައެވެ. މިރޭ 9:30 ގައި ކުޅެވޭ ސެމީފައިނަލްގެ ދެވަނަމެޗްގައި ބައްދަލުކުރާނީ ގްރޫޕް ބީގެ އެއްވަނަޓީމުގެ ގޮތުގައި ހޮވުނު ޑީއެފްސީއާއި ގްރޫޕް އޭގެ ދެވަނަ ޓީމަކަށް ހޮވުނު ބްރަދާސް ޔުނައިޓެޑެވެ.

    މިމުބާރާތުގެ ޗެމްޕިއަން ޓީމަށް ބެސްޓް ސެލެކްޝަންގެ ފަރާތުން ޓްރޮފީއާއި، 25000 ރުފިޔާގެ ފައިސާގެ އިނާމު ދިނުމަށް ހަމަޖެހިފައިވާއިރު  ރަނަރއަޕް ޓީމަށް 12000 ރުފިޔާގެ ފައިސާގެ އިނާމު ދިނުމަށްވަނީ ހަމަޖެހިފައެވެ.

    މި މުބާރާތުގެ މެއިން ސްޕޮންސަރަކީ ބެސްޓް ސެލެކްޝަންއެވެ. މިއީ މުލިމަތި ޖަމްއިއްޔާއާއި ބެސްޓް ސެލެކްޝަން ގުޅިގެން ބާއްވާ މުބާރާތެކެވެ.

    • ކޮމެންޓްސް (0)

    Your email address will not be published. Required fields are marked *

    • ފުރިހަމަ ނަން

    Ads

    ads

    ކަމުދާނެ ލިޔުންތައް

    ގައުމު ސްޓްރީޓް ކަޕް ފެށުމުގެ ގޮތުން ކުޅެވުނު ފުޓްސަލް މެޗް ހުޅުދޫ ފަރިޓީމް ކާމިޔާބުކޮށްފި

    ގައުމުއެފްސީން އިންތިޒާމްކޮށްގެން މީދޫގައި މިރޭ ފެށުމަށް ހަމަޖެހިފައިވާ ” ގައުމު ސްޓްރީޓްކަޕް ” ފެށުމުގެ ރަސްމިއްޔާތުގެ ތެރެއިން ހިމެނިގެން ...

    ޗެމްޕިއަންސް ލީގު: ނަޕޯލީ ބަލިކޮށް ބާސެލޯނާއިން ކްއާޓާފައިނަލުން ޖާގަ ހޯދައިފި

    ޗެމްޕިއަންސް ލީގު ދެވަނަ ބުރުގެ ފަހު ލެގުގައި ރޭ ނަޕޯލީގެ މައްޗަށް ކުރި ހޯދައި ބާސެލޯނާ ކުއާޓާ ފައިނަލަށް ...

    އަޟްހާއީދު ކުޅިވަރު: ލީޕަޓުގެ ހެޓްރިކާ ދެބެއިންގެ 2 ގޯލާއެކު ހުޅުދޫޓީމުން މީދޫޓީމް ގެ މައްޗަށް ކުރިހޯދައިފި

    ލީޕަޓު  3 ގޯލުޖަހާ  ހެދި ހެޓްރިކްގެ އިތުރަށް   ފޭދޫގެ މަޝްހޫރު ފުޓްސަލް ކުޅުންތެރީންގެ ތެރޭގައި ހިމެނޭ ދެބެއިން ކަމުގައިވާ ...

    ޝަރަފުއްދީން ސްކޫލްގެ ޓީމާ ވާދަކޮށް އަތޮޅުމަދަރުސާގެ ޓީމް މޮޅުވެއްޖެ

    މަމެން އައްޑޫ އިންޓަރ ސްކޫލް ފުޓްބޯޅަ މުބާރާތުގައި އަތޮޅުމަދަރުސާގެ 14 އަހަރުން ދަށުގެޓީމް ހިތަދޫ ޝަރަފުއްދީން ސްކޫލާ ވާދަކޮށް ...

    މިނިވަންކަޕް 2018 : އެއްވެސްމެޗަކުން ބަލިނުވެ ތައްލިހި ޗެމްޕިއަންކަން ހޯދައިފި

    ސ. ހުޅުދޫގައި ބާއްވާ  އަގުބޮޑު ފުޓްސަލް މުބާރާތުގެ ތަށި މުބާރާތުގައި ކުޅުނު އެއްވެސް މެޗަކުން ބަލިނުވެ ތައްލިހި އުފުލާލައިފި ...

    ގައުމު ސްޓްރީޓް ކަޕް : ސެމީފައިނަލް މެޗުތައް މިރޭ ކުޅޭނެ

    ގައުމުން އިންތިޒާމް ކޮށްގެން ބާއްވާ ގައުމު ސްޓްރީޓް ކަޕް  ފުޓްބޯޅަ މުބާރާތުގެ ސެމީފައިނަލްގެ މެޗުތައް މިރޭ ކުޅޭގޮތައް ޝެޑިއުލްކޮށްފިއެވެ. ...