ހުޅުދޫއާއި މީދޫގައި ވެސް ހަލުއި ކަމާއެކު ކޮވިޑް 19 ގެ ބަލި ފެތުރެމުންދާތި މިއަދުންފެށިގެން އެއް ހަފުތާއަށްހުޅުދޫއާއި މީދޫގެ މިސްކިތްތަކުގައި ޖަމާއަތުގަިއ ނަމާދު ކުރުން މެދުކަނޑާލަން އިސްލާމިކް މިނިސްޓްރީއިން ނިންމައިފިއެވެ.
އެގޮތުން ޖާމާއަތް ހެދުން މެދުކަނޑާލަން އިސްލާމިކް މިނިސް އަންގާފައި އޮތީ ރޭ (13 މެއި 2021) ފަތިސް ނަމާދުން ފެށިގެން މި މެއި މަހު 19 ވާ ބުދަދުވަހުގެ ރޭގަނޑު ޢިޝާ ނަމާދާއި ހަމަޔަށެވެ. އެހެންމަވެސް ހުޅުދޫއާއި މީދޫގައި ޖަމާއަތުގައި ނަމާދު ނުކުރަން ފަށާފައިވަނީ މިއަދުގެ މަޣުރިބް ނަމާދުންފެށިގެންނެވެ.
މިކަން އަންގައި އިސްލާމިކް މިނިސްޓްރިއިން ފޮނުވި ސާކިއުލާގައި ވާގޮތުން މިފިޔަވަޅު އަޅަންޖެހުނީ މިދުވަސްވަރު ރާއްޖޭގެ އެކިރަށްރަށާއި ހުޅދޫއާއި މީދޫގައިވެސް ގައި ކޮވިޑް-19 ގެ ބަލި ހަލުއިކަމާއެކު ފެތުރެމުން ދާތީ، މިހާރުގެ ހާލަތަށް ރިއާޔަތްކޮށް، އިތުރަށް ބަލިފެތުރުން ހުއްޓުވުމައްޓަކައި އަޅާ ރައްކާތެރިކަމުގެ މުހިންމު ފިޔަވަޅެއްގެ ގޮތުންނެވެ.
މި ފިޔަވަޅުއެޅުމުގައި ރާއްޖޭގެ އިސްލާމީ ކަންތައްތަކާއި ބެހޭ އެންމެ މަތީ މަޖުލީހާއި ދިނީ އިލްމުވެރިންގެ ލަފާގެ މަތިން ހުޅުދޫއާއި މީދޫގައި ފަރުޟު ނަމާދުތަކާއި ހުކުރު ނަމާދު ޖަމާއަތް މިސްކިތްތަކުގައި ނެހެދުމަށް ވަނީ ނިންމާފައެވެ.
މިޙާލަތުގައި މިސްކިތްތަތަކުގައި ހަމައެކަނި ބަންގި ގޮވުމަށާއި، ބަންގީގެ ފަހުގައި ‘ޞައްލޫ ފީ ބުޔޫތިކުމް” މަިފަދައި 2 ފަހަރު ގޮވުމަށް އިމާމުންނަށް އިރުޝާދު ދެއްވާފައި ވެއެވެ.
މީގެ އިތުރުން އެމިނިސްޓްރީ އިން ހާމަކުރައްވާފައި ވަނީ މިދަނޑިވަޅުގައި މިސްކިްތތަކުގައި ޖަމާއަތުގައި ނަމާދު ނުކުރި ނަމަވެސް ފަރުޟު ފަސް ނަމާދު ބަރާބަރަށް އަދާކުރުމަށާއި، ސުންނަތް ނަމާދު ގިނަކޮށް، ކީރިތި ޤުރުއާން ކިޔަވައި، ގިނަގިނައިން ދުޢާކޮށް އިސްތިޣުފާރު ކުރުމަށް ހުރިހާ ރައްޔިތުންނަށް ނަސޭހަތްތެރިވެ ވަސިއްޔަތް ކުރާކަމަށެވެ.
މިދިއަހަރު ގެ ރަމަޟާންމަސް ފެށެން ކައިރިވެފައިވަނިކޮށްވެސް އައްޑޫސިޓީގެ މިސްކިތްތަކުގެ ޖަމާއަތުގައި ނަމާދު ކުރުން މެދުކަނޑާލާފައި ވެއެވެ.
ހުޅުދޫއާއި މީދޫގެ މިސްކިތްތަކުގައި ޖަމާއތުގައި ނަމާދު ނުކުރަން ނިންމިކަމުގައިވިޔަސް އައްޑޫސިޓީގެ ގުޅިފައިވާ ރަށްތަކުގައި ޖަމާއަތުގައި ނަމާދުކުރެވޭނެއެވެ.
ކޮމެންޓްސް (0)